عـٰٓشَٰـُـٰٓآقَٰـُـٰٓ آلَٰـُـٰٓرﯛ̲୭آيَٰـُـٰٓآتَٰـُـٰٓ:
#اسميته وتيني ♥️
بقلمMeno_Awad
"22"
تاني يوم صحيت الصباح وصليت وشربت قهوه لان حسيت بصداع خفيف كدا وبقيت بتصفح لقيت دكتور ناصر مرسل لي.... حتتابعي جلسات الكيماوي مع دكتور صحبي هناك انا حكيت ليو عن حالتك
رديت قلت ليهو:شكرا دكتور ناصر تعبتك معاي وقفلت النت على كدا
طلعت اتجهزت للجامعه ولبست عبايه باللون الاسود وبالاطراف كدا فيها أشكال باللون الكبدي المهمم لبستها ولبست اسبورت كبدي وشنطه باللون الاسود وعملت روج خفيف بالكبدي كدا....
طلعت على طول للجامعه ولاقيت الاء"بقت صحبتي طبعا" سلمت غليها وقعدنا نتونس... بعدها دخلنا على المحاضره الاولى الدكتور جاء داخل وعلى طول بدا يشرح لينا عن علم التشريح ومحاضره طوييله عنو وقال عشان نعرف اكتر وو......"يلا انا شايلة في الطب جراحه..."
بعدو طوالي جاء دكتور كدا ظريف وسمح كدا.... ادانا اساسيات بس عن الجراحه وكلام العمليات داك....... والخ
بعدها كان عندنا بريك كدا طلعنا انا والاء وبنتونس جاء ولد كدا سمح ما شاء الله طويل اول شي وحلبي وعندو لحيه صغيره كدا ومعضل ما شاء الله وشعرو حلوو و وناعم شويه كدا معانا في الدفعه
الولد:الاء
الاء:احمد...
احمد:وين مختفيه كدا..
الاء:قاعده والله انت المختفي
احمد:ههههه مختفي انا المهمم اخبارك
الاء:الحمدلله والله...
احمد:احمم احمم عرفينا عن نفسك
انا"عاينت ليه":منه
احمد:اتشرفنا ي منه
منه اكتفت ب ابتسامه
احمد:قعد اسوفك في القاعه كتير بس م اجتماعيه كدا ليه
منه عاينت ليه واتزكرت خالد وبرضو اكتفت ب ابتسامه لانو كانت شويه وحتبكي...
احمد:اسف لو ضايقتك...
منه:لا.. وابتسمت ليه..
بعدها جو بتين وولد اتعرفو عليهم برضو عملو ليهم شلة كدا كلهم مع بعض منه واحمد والاء وترتيل وتالين واخر واحد مجتبى.... كونا يمكن احلى شاة في الجامعه دي كلها... كلهم مجانين وبحبو الونسه والضحك... والوحيده المختلفه فيهم انا.....🚶🏻♀️
_يمكن يكون الانسان محتاج ناس غير شخصيتو في المجتمع غير طريقة تفكيرو هو م محتاج ناس بيشبهوه او بنفس الطريقه عشان تكونو افضل اصحاب دي فكرة خاطئة والله الانسان نحتاج صاحب يكون غير شخصيتو وحيكونوا افضل اصحاب🚶🏻♀️.......
المهمم نرجع.... مرت الايام في الجامعه وقربنا نتم السنه دي وعلاقتي مع الشلة احلى ما تكون يمكن قدرو ينسوني اي شي عشتو وح اعيشو... واهم واحد فيهم احمد.. احمد كان اقرب صديق ويمكن حكيت ليو عن اي سي في حياتي وهو كمان نفس الشي مع انو م اتعرفت عليهو سرييع بس قدر ياخد موقع ممتاز من حيث الصداقه....
وبهناك ناس البيت يعني اهلي...ابوي منع زول فيهم يجيب سيرتي يعني ممكن باختصار ممكن نقول اتخلو عني بدون م يعرفو الحاصل شنو بس عشان سمعو كلام هم م فاهمنو وان بعض الظن اثم ولا حتى حاولو يفكرو بالمنطق شويه بس يمكن في اهل يعملو مدا واكتر كمان.... ابوي يمكن نقول رجع فتح الماضي وربط الماضي بالحاضر ودا شي كان ممكن نقول اقل ما يقال عنو سيء جداً......
زول واحد بس كان واثق في انو انا مستحيل اعمل شي غلط وكان بيحاول يفكر ف انو انا ح اكون وين وبقى بفتش...لين... ايوه لين هي الوحيده الم قدرت تصدق الحاصل دا هي الوحيده الكانت واثقه للدرجة دي اكتر من الناس الربوها زاتو اكتر من امها وابوها......
