عـٰٓشَٰـُـٰٓآقَٰـُـٰٓ آلَٰـُـٰٓرﯛ̲୭آيَٰـُـٰٓآتَٰـُـٰٓ:
#اسميته وتيني ♥️
بقلمMeno_Awad
" 15"
جات داخله علي وقالت لي منه..
م رديت بس التفت ع جهتها وعاينت ليها وقلت ليها ف.. في شن..شنو وانا بتنهد
قالت لي اسفه لاني م وريتك لكن م كنت متأكدة والله اسفه
قلت ليها طيب... في... شنو.. يعني؟
قالت لي امممم
قلت ليها اتكلمي..
قالت لي طيب " هو حكى لينا زمان..... قبل 4 سنين وانتي عارفه هو كان سافر زي ما انتي عارفه يلا لاقى تالا دي وبقو اصحاب وكدا ووقتها هو كان ممتحن شهاده المهمم.. صاحبتو وكدا واعترفت ليهو انها بتحبو بس هو م قال ليها شي ف م عارفه يمكن حباها بالجد لانو م حصل جاب لينا سيرة عن الموضوع وياهو عرّفنا عليها ومن هناك بنعرفها ولمن يجي هي بتجي معاهو وياهو زي ما قالت خطبو بعض قبل فترة ودا كل ما في الموضوع
انا:........
نور:منه ياخ عليك الله ماف داعي الموضوع م يستاهل دا كلو وانتي نسيتي مش منه عليك الله انسي ياخ ممكن
انا:..........
نور:منههههههههههه
انا:.............
نور:😒"وفي كف جاني"
انا زدت في البكا وقلت ليها حار ياخ
نور وهي بتحاكي فيني:حار ياخ😒
واحنا بنتكلم جات لميس داخله وقالت في شنو انا كنت واقفه
طبعا انا ونور نططنا عيونا
لميس:في شنو ممكن افهم
نور وبتحاول تنزل عيونها:دا خالد داك
لميس:الواحد دا
نور:اي هو زاتو
لميس:طيب الموضوع ما يستاهل بالجد طالما هو كدا يعني انفصلتو زمان وخلاص تاني في شنو
نور:........ "سكتت لانو م وقف هنا"
لميس:نووووور في شنو ممكن تتكلمي افتحي خشمك دا او انتي ي منه انا سكتت ع اننا نتاديك "علا" وم عارفه السبب زاتو شنو سافرتي وجيتي ب افكار غبيه هبله زيكك كدا
انا:.......
نور:........
لميس:😒هبلات😒متخلفات عبيطات😒
انا ونور عاينا ليها:عارفين😒
لميس:هسه ممكن توروني في شنو
نور:امممممم طيب
"بعد انفصلو منه كانت عاديه وماف شي بس بعد فتره يعني زي شهر ولا شهرين وشي كدا كانت نست الموضوع او بالاخص بتتناسى الموضوع
والمحادثات كانت قاعده يلا في مرهه.... اخوها مهند كان شال التلفون منها وقرا المحادثه من الالف للياء كلها ووقع فيها ضرب وشكل م وقف هنا ورا ابوه وامها وابوها برضو م سلم منها برضو وقعو فيها ضرب بالحزام بالجزم ب اي شي في البيت وبرضو م سلمو منها وكانو بيحبسوها في غرفه مظلمه كدا مليانه حشرات وفيها ضب... يعني هي زي المخزن كدا وبس بيجيبو ليها الاكل حرموها من التلفون من صحباتها يعني حتى م راعو انها كانت في عمر ال14م راعو انها ممكن تكون فاقده حنيتهم اهتمامهم كل همهم انهم اكلوهم وشربوهم دا كل شي مفروض هم يكونوا عايزنو بعد عرفو انو هم كانو بيقرو في نفس المدرسه برضو م سلمو منها قالو هسه يمكن عملت حاجه غلط... يعني فوق فهمهم انها حبت ليها واحد كان غلط وفوق دا جابو ليها غلط من ماف.... م راعو ل انهم ربوها واحسن تربيه ودا كان مفروض يكون عندهم يعني بس لا برضو لسه ع الضرب والذلة... كانو عايزين يحرموها من المدرسه كمان هه دا كلو عشان بس حبت ليها واحد وبس كانت بتتكلم معاهو بالتلقون يعني صح معاهم في المدرسه وكزملاء بس بيتعاملو مع يعض.. بس هي حبتو لمن اتكلمت معاه يعني باختصار كدا"حب الكتروني"...
وبرضو م سلمو منها سافرو ومشو الإمارات... منه ع اساس تطلع من حوها بس خشت في جو تاني كدا هه وفوق دا لمن صولت لعمر ال17 قالو يعرسو ليها ولسه هم مع انها يمكن تضيع شرفهم هه... وكل همهم كان انو يتخلصو منها.. كلو عشان حبت ليها واحد.. ومنو كمان واحد اكبر منها وهي عمرها م فايت عمر ال20 ولا حتى سألوها مجرد سؤال وم راعو ل فكرة انها لسه صغيرة وفوق دا نفس الشي بس منه لمن شافتو حست بيه ح يسمعها اخير من اهلها ف لمن اتلاقو حكت ليهو كل قصتها من الالف للياء وانها م موافقه وهم عملو كدا ليه واي شي... هو سمعها واتكلم معاها وكدا بس ح يبقو اصحاب وحتحكي ليهو اي شي وكدا...بعدها كلم اهلها واهلو انو هو م عايز العرس دا يتم ولغاهو وبعدها اهل منه مزلو السودان تاني.... لمن عمرها بقى وصل ال18 هي كانت بتحس ب صداع من وهي في ال14 بس بتقول صداع عادي ومشت الموضوع...
المهمم. لمن وصلت ال18كل مره الصداع دا زايد وزايد ف مشت الدكتور براها وكدا ولمن مشت اتفاجأت ب انو لقت دكتور ناصر.. وهو الكان عايزين يعرسوه ليها المهمم مشت فحصت وكدا وهو كان متابع معاها ولمن الفحوصات طلعت؛ هر انو منه عندها ورم في راسها من وهي عمرها 14 ف هو برضو بقى متابع معاها بس م بدو جرعات الكيماوي طوالي لسبب ما وانا ياهو عرفت قبل سنه ياداب يعني بعد سنه من المرض دا وهسه هم بادين في الجرعات ليهم فترة بس الورم لا عايز يزيد لا عايز يختفي وهي م بتسمع الكلام في انها تعمل عمليه.... وزي ما شايفه ليهو المرض سنتين معاها ولو لاحظتي م بتطلع التوريان من راسها نسبةً لانو هي قصت شعرها ون زي حق الاولاد وهو اصلا بيتساقط بعد دا كلو"ودي كل الحكاية ي ستي وبس يعني
لميس كانت بس بتبكي ع كلام نور من الاول للاخير وهي م عارفه دا كلو وم عارفه صحبتها ماره ب شنو وبتتعامل معاها عادي وم عارفه الحاصل معاها شنو..
انا بعد شفتها بتبكي م قدرت امسك نفسي وابكي معاها ونور وفس الشي يعني بقينا فاتحين بيت عزاء احنا التلاته
لميس بعد بكت وجرعت ودا كلو فتحت خشمها وقالت ل نور:طيب الاسم دخلو شنو
نور:والله صحبتك المجنونه دي برضو بعد سافرت وجات انا م كنت متواصله معاها كتير نسبة لانو قطعو اتصالها معانا ف لمن جات وكدا قالت لي انو هي م دايره زول يعرف انها منه الكانت معانا واصلا م حيتزكروا يمكن لانو اخر مرهه شافوها قبل اربع سنين وكدا ف قلت ليها خير وقالت لي وعايزاك تناديني علا م منه وتقولي اني صحبتك علا وكدا وزي ما انتي عارفه بعدو غيرت الاسم المتخلفه دي وعزمت انو تكون اسم ع مسمى المرهه دي وتتغلب ع مرضها دا وتحقق حلمها وتصل للقمه زي اسم علا😀
لميس:اوووو ذكية يهنايه
نور:نور ذكية شنو دي متخلفه درجة اولى
انا:😒
بعدها اتونسنا شويه وقلت ل نور:نوري انتي نسيتي فهودي ولا شنو
لميس:اي والله نستو شكلها
نور:لا دا فهوديني كيف انساه انتو جادين
لميس:اي
انا:هسه قومي وامشي ليه عشان م اطردك من غرفتي🌞
نور:لو لاحظتي انو دا بيتنا احنا ي حبه
انا:وبرصو م تنسي انو زمان قلنا حاجة واحده "لو عرس اي وحده فينا خليكم عارفين ح نجي ونقعد معاها قبل سنه من العرس زاتو😀"
نور:صح اي والله شفع متخلفين خلاص
انا:اجل نعم وهسه قومي شوفي فهوديك دا بوين
نور:حاضر حاضر انا ماشه لميس تجي معاي
لميس:لالا امشي انتي تعبت منكم انا
بعدها نور طلعت ومشت ل فهودي اقصد فهد....
_______
*في تِلك اللحظة وُددت أن أتوسد كتفُك.. أن أُمسك يديك أن أنظر الى عينيك وأبُوح عما يجول في داخلي♥️*
#يتبع🏃🏻♀️♥️
