اسميته وتيني ❤️

البارت الرابع عشر

عـٰٓشَٰـُـٰٓآقَٰـُـٰٓ آلَٰـُـٰٓرﯛ̲୭آيَٰـُـٰٓآتَٰـُـٰٓ:
#اسميته وتيني ♥️
بقلمMeno_Awad
" 14"
كالعاده يعني م اتعودوا لسه😂
المهمم بعدها زي كل مرهه قامو وصلو وبعدها شكل ووضرب
يلا فضل ل عرس نور كدا اقل من شهر وزيادة

يلا نور لمتنا وقالت عايزه تعمل رقصة وقت الجرتق لكن
ف لازم نبدا من هسه لانها مفروض تتحبس في الشهر الجاي دا

يلا المهممم بدينا وطبعا اكيييد قسمتنا
انا كنت مع حسام ولميس مع واحد كدا اسمو مصعب صاحب فهد....
وحلا مع واحد كدا اسمو كامل
ويارا ولارا مع ياسين وياسر
وفضل بنات خالات نور... بتين كدا مع احمد ومهاب "طبعا في منهم اصحاب فهد"
المهمم.....
خالد...
خالد..
دا الكان في تفكيري...
ليه م معانا..
ولا ماف بنات..
ولا في شنو..
اكييد في إنَّ في الموضوع..

يلا بعدها نور قعدتنا كلناا كدا ووريتنا الرقصه هي وفهد وكان في مدربة😀
المهممم بس اليوم الاول كان ك حفظ للخطوات وهي صعبه بمعنى الكلمة
المهممم عدينا كدا بنحفظ ونشوف في الخطوات وخالد بس كان بيصور..
عدا اليوم عااادي زي كل يوم وم فيو اي جديد
(عارفه الروايه مملة😀🌚)

المهممم  تاني يوم وزي كل مرهه صحيت وعملت اي شي زي كل مرهه بالتأكيد والبنات المرهه دي صحو براهم....

وبعدها طلعنا في كدا في الطابق الفوق زي صالة طوييله كدا زي حقت رقيص كدا المهمم...
بنتدرب في ديك ومن الصباح المشكلة...

ف واحنا قاعدين بنركز في الخطوات في وحده قالت

قالت لينا هاااااي
كلهم ردو ليها:اهلين
.... :كيفكم
كلهم:الحمدلله
"طبعا يعني هم م مستغربين دي منو وبردو وكانهم بيعرفوها انا بس شغاله
دي منو... دي منو... دي منوو...

..... :اهااا شكلي وصلت في الوقت المناسب وين خلودي

" اهاااوكمان بتقول خلوودي...
دي مالا دي...
متخلفه...
لكن هي منو اصلا...
خلاص منه بطلي..
م تحرقي روحك..
الاتنين م بيستاهلوا...
واحد م مسؤول وطايش وحيفضل طايش..
والتانيه ماييعة ساي وبتشبهو...
بس انتي خليك ريلاكسس...
قوية وبس..."  قاطع سرحاني دا صوت نور وهي بتقول لي

نور:علا دي تالة..... تالة دي علا
تالة:اتشرفنا ي علا ومدت يدها
علا:......"بعد مسافة ليست بكثيرة"لي الشرف والله
تالة:بتمنى نتعرف اكتر ي علا
علا:ان شاء الله
تالة:اممم بتتدربو صح ح امشي اجيبو واجي

علا" كيف يعني تجيبو...
هي بتعرفو من وين لمن تجيبو
ياخ م افهم غلط
يمكن بتقرب ليه
ان بعض الظن اثم ي منه
ان بعض الظن اثم...
بس م تفكري كتيير في الموضوع...
بطلي..."

يلا في المسافه دي هم كلهم كانو جو حتى خالد وتالة ديل كانو جو

واي زول اتلم مع شريكو وبدينا نتعلم في الرقصه خطوة خطوة..

وطول دا بعاين للاسمها تالة وبحمر ليها عديللل 
ياخ كانت بترقص معاه
هي علاقتها بيه شنو ي ربيي
ياخي غبيه انتي مش قلت ليك انسيهو تافهه انتي ياخ تافهه وقحهه...

ورجعت ل رقصي وكنت بتونس مع حسام شويات كدا بس....
في خطوة كدا مسكني من خصري تبع الرقصه
ف اتفكيت منو بسرعهه بس ماف زول لاحظ لي ف قال لي مالك
قلت ليهو ولا شي ارح نتم... المهممم بعدها تمينا رقص
وقعدنا نتونس شويه كدا
وتالة تشيل وتتراشق مع خالد وانا ح امشي اكفتها
بس كيف...
لالا منه اعصابك اعصابك...
خليك ريلاكس...
م تعايني ليهم بس..
اتنفسي براحهه براحهه"وطلعت نفس"
م تشتغلي بيهم
خطوه واحده منك في خمسه دقايق..
ح تضيع تعب خمس سنين..
منه اوعكك..
اوعك..

فجأة كدا خالد قال:طبعا ي جماعه دي تالة
كلهم:😒
خالد:قلت عشان في ناس م ح يكونوا بيعرفوها وكدا
حسام:م بنعرفها شنو بالله انت جادي
خالد:هههه اي
حسام:م تتخلع بس يا مان
خالد:هههه ماف شي بيخلع
حسام:هه لقيت ليك وحده زي دي وماف خلعه
خالد:هههه خلاص تمام

طبعا انا  زي او انا بالجد...... الاطرش في الزفهه
م فاهمه شي منهم دا بيقول في شنو..
عاينت ل نور لقيتها بتعاين لي..
ي ربي مالها..
كلهم مالهم..
في شنو..
ليه انا م فاهمه شي..
ليه بس..
غياظين ...

حسام:هييي صحي ي خالد لسه مرتبطين انتو!؟؟
خالد:.......
حسام:خالد... خالد...
خالد:في عالم تانيي خالص
تالة:هههه لالا خطبنا قبل 6شهور وحاجة بندخل ال8قريب ههه

حسام:لالا كويس والله
تالة:مش هههه

م مرتبطين؟ كيف يعني؟
خالد مرتبط
لا دا م مرتبط
دا خاطب
خالد خاطب معقول بس
م هاميه
هو بالفعل م هاميه
هو البيزكرو بي  او بالاخص بيها شنو اساسا
"طبعا الكلمة نزلت عليها زي الصاعقه"
لا مستحييل مستحيل
تاني عاينت ل نور لقيتها بتعاين لي
واول م عاينت ليها زحت عيونها
نور......
يعني.... يعني الكلام دا كلو صاح..
يعني نور كانت عارفه
يعني م ورتني...
طيب ليه ليه بس
ليه انا مكتوب لي كدا...
هو في شنو م حصل لي..
هه يلا جاد الوقت اني انسى ع الاخر وبمعنى الكلمة...

وبعدها قمت وماشه قالو لي ماسه وين
قلت ليهم:تعبانه
كلهم سلامتك
انا:الله يسلمكم
"طبعا نور فهمتني عشان كدا م حاولت تفتح خشمها وتقول لي ع وين"

وبعدها مشيت ع الغرفه ع طول وكان كنت قعدت شويه ح يظهر انو في شي
اول م دخلت عاينت للمراية
لقيت وشي لونو وردديي يعني احمر شويه كدا
وانفي احمررر
وعيوني نفس الشي

بس م قدرت امسكهم م قدرت
نقطة نزلت ع خدي مسحتها قلت لا خليك قوية..
بس التانية نزلت وراها ولسه نزلو ونزلو زي الشلال بدون توقف

ليه ي دموعي ليه بتنزلو كدا
وقفو انا قويه متأكدة
ح اكون قويه..
بس ولا دمعه عليه
ولا دمعه
كفايه حقون زمان...  بس اتزكرت جملة واحد واحده بس"Don’t force anyone to love you back
even if you love them"

فجأة في عز البكاء قعدت اضحك لمن  اتزكرت لمن كنت زعلانه منو قال لي  "م احب ولا دمعة منك تنزل بسببي ف لا تبكي.... دمعوك م يستاهلوني"

ووشي لسه في حالو
فجأة باب الغرفه فتح م اتلفت لاني عارفاها نور واتأكدت انها ح تجي وتشرح لي الحصل وليه عملت كدا متأكدة انا

_____
*أيُرضيكَ هجري وهجري حرام، وأنتَ فؤادي وأنتَ مرادي ونور الظلام♥️....! ♥️*

#يتبع🏃🏻‍♀️♥️