عـٰٓشَٰـُـٰٓآقَٰـُـٰٓ آلَٰـُـٰٓرﯛ̲୭آيَٰـُـٰٓآتَٰـُـٰٓ:
#اسميته وتيني ♥️
بقلم Meno_Awad
" 9"
بعد خلصنا قعدتنا دي لمينا الحاجات وجينا تاني قعدنا نتونس ونضحك وانا الصراحهه م كنت معاهم يعني م متفاعلهه معاهم...
المهممم بعد خلصنا اقصد خلصو خالد جا ل نور
وقال ليها نور لو سمحتي دقايق عايزك في موضوع
نور وعلى وشها علامات استفهام موضوع شنو؟؟
خالد قال ليها حتفهمي بس عايز اسألك منه مش قولتو سافرت.. طيب م قعد تتكلم معاكم؟ يعني م عارفين عنها شي ولا كيف؟؟
نور عاينت ليه باستغراب وقالت ليه ايوه سافرت من زمان وتقريبا غيرت شريحتها وم عندنا رقمها عشان كدا منقطعين عنها ليه بتسأل هسه انت
خالد قال ليها لا ولا شي يعني م
حتضر عرسك؟؟
نور قالت ليهو ههه اي اعتقد🙊
خالد عاين ليها باستغراب وعلامات استفهام وقال ليها اممم طيب بس سؤال تاني
نور قالت ليه اها اها😐
قال ليها علا صحبتك دي م عارف بسس بتشبهها شديد
نور قالت ليه بتشبه منو
قال ليها منه م تقولي لي خلق من الشبه اربعين اي هو خلق من الشبه اربعين بس م من التصرف والكلام اربعين كمان متأكدة صحبتك دي اسمها علا انتي ي نور
نور اتوترت وقال ليه اااا اي اي دي علا +منه دي م عارفين عنها شي قريب اكتر من خمسه سنين في شنو هسه بتسأل
خالد قال ليها ههههه.. هه خمسه سنين خلاص مع السلامه
نور بعد مشى قالت معقوله هم الاتنين بيكابرو كدا ولا الفهمم شنو م ممكن ياخ.. يارب يارب صبرك.. هسه انا اعمل شنو اواصل مع "علا" ولا اوريه الحاصل شنو.. راسي حينفجر من كترة التفكير.. اخخخ يارب اخخ
عند"علا" كانت بتفكر انها كيف حتقدر تنسى الفات وترجع عاديه بس كيف هل هي فضل ليها وقت ولا الحيحصل شنو
ف قامت وقرت قرآن واستغفرت وفتحت دفترها وبدت تكتب فيو
_تركتك، و لم أتمكن حينها من معرفة هل كنت غاضبة بالفعل، أم حزينة بشكل مرعب، ولكن حتماً لم أكن أرى أي شيء عدا أني لا أريد، لا أريد العيش تحت نير الانتظار أو البقاء في آخر قائمة انتباهك، لا أريد أن يلفني الصمت، و تأكلني الوحدة وهناك من يشير نحو حياتي وكأنها حلم حياته...
_ تركتك لأنك أرغمتني على ذلك ، جعلتني أفعل ما لم أتخيل إني سأفعله يوماً ما ، جعلتني أرحل وأنا أحبك ، أذهب وأنا أرغب بالبقاء ، أتظاهر بأني تركتك بإرادتي بينما أنا كنت أبحث عن سبب واحد للإستمرار..
ولكن رغم كل ذلك هل سأبقى؟؟
ذلك السؤال يراودني اينما حللت ولكن نعم هل سأبقى بالفعل.. نعم سابقى..
وقفلت الدفتر واتلفت عشان امشي ف لقيت نور وراي
حضنتني وفضلت تبكي ولنا ابكي معاها عدينا قريب النص ساعه واحنا حاضنين بعض وبنبكي
قالت لي مم.ننه "بصوت متقطع" عليك الله وريهم عليك الله ما ممكن تكوني عايشه في الماضي والحاضر الاتنين سوا منه عليك الله بطلي عليك الله عرسي قرب وانا عايزاك فيو منه عليك الله ياخ الله يخليك الله عايزاك معاي دايما ياخ م تمشي متأكدة حتقدري تواجهي ياخ انتي قويه الله يخليك ي منه الله يخليك 😭
كانت بتبكي وبتتنهد في نفس الوقت فضلت اعاين ليها واتبسم
قالت لي م تعايني لي كدا بطلي سكتت سنه كامله انا ي منه عشانك م ممكن تكوني كدا عليك الله
قلت ليها الله يخليك لي ي احلي صديقه انتي +اصبري شويه م فضل كتير هه وكنت ببتسم
عاينت لي وقالت لي بعد عمر طوييل ياخ بطلي وهي ليه بتبكي
عاينت ليها واتحركت دخلت الدفتر وجيت راجعه ليها وقلت ليها قضاء ربنا وما شاء فعل ف بطلي بكى وخليك بتضحكي زيي كدا فاهمه وهسس م تبكي ح ابكي معاك وم بيرضيك صحبتك تزعل مش ف م تبكي
ومسحت ليها دموعها وضمتها
#كسرهه
الاصحاب ي جماعه الاصحاب اختارو الصح دايما مهما كان حيكون واقف معاك سندك اي شي في حياتك معاك في حزنك قبل فرحتك في وجعك قبل فرجك..
ممكن اقول بالجد نور كانت صحبه جد ل منه اقصد "علا" صراحهه بالرغم من انكم م فاهمين القصه كلها بس حتفهمو قلت نور الصحبه الجد ل شنو
بس باختصار زي مقولهه"الصديق وقت الضيق" دي كانت نور ل منهه
نرجع..
بعد ضمتها قالت ليها خلاص هشش م تبكي يلا يلا اضحكي وشك م حلو بدون ضحكتو يلا يلا كوجي كوجيي..
نور قالت ليها بطلي عبط ماشه المستشفي متين
قالت ليها اممم اممم بكرهه ح امشي
نور قالت ليها ح امشي؟؟ لو سمحتي حنمشي انا وانتي م انتي بس وم تناقشيني
علا قالت ليها اممم نور دا عرسك وانا جيت قعدت معاك عشان طلبتي بس برجع لو قليتي ادبك ها ف انتي خليك هنا عشان وراك ميه شي وم صح تمشي عاي طيب
نور قالت ليها ياخ م تناقشيني ح امشي وانتهينا خلااص م تتكلمي معاي
علا قالت ليها طيب ي نور عيني انتي حاضر امشي معا بس حتصحي بدري اوكيي عشان نرجع بدري عشان وراك اشغال انتي
نور قالت ليها اوكيشن🌚حاضرر.. اممم هسهحنعمل شنو باقي اليوم دا؟؟
علا قالت ليها ي بت انتي م بتفتري ولا شنو انا عن نفسي تعبانه اطلعي انتي وفهد 🌚
نور:هيي فكرة لكن م نفسي خلاص حاقعد معاك ونلعب سوا🌚
علا:شفع شكلنا طيب نلعب سواا
يلا بعدها قامو صلو ولعبوو واتونسو مع ناس البيت وبعدها قامو يشوفو النوم ب وين🥲
_____
امي ي امي عليك الله قلت ليك م عايز اعرس افهميني عليك الله ممكن
... :هوي ي ولدي م تعرس شنو ما شاء الله عليك كبير وم عايز تعرس اي شي عندك ليو اتوكل علي الله وعرس ياخ انا اخترت ليك زاتو العروس
خالد:امي لو ع العروس بنات حواء قاعدين وانا عايز وحدهه يعني خلاص م تناقشيني
الام:هوي يا ولدي شنو عايز وحده انا اخرت ليك
خالد:خلاص يا امي ماشي انوم انا وم تفتحي معاي الموضوع تاني يلا تصلحي ع خير
الام:وانت من اهلو يلا
بعدها قفل الخط واتنفس بزهج وفتح صورة وقعد يعاين فيها ويتكلم مع نفسو(حتقولو مجنون مش😂😭)
#يتبع🏃🏻♀️♥️(اممم اسفه بس حتفهمو اكتر لقدام😭😂)
