#اسميته وتيني ♥️
بقلم Meno_Awad
"7"
م عارف بس كنت عايز اسمع صوتها عايز تتكلم معاي م عارف ليه هي بتكون ساكته كدا وم عارف الحاصل شنو وليه هي بتعمل كدا وم بتتكلم معاي وم ممكن نكون ساكتين طول الطريق ف قمت قلت ليها
خالد:علا
علا:.... (م ردت اي😂😭)
خالد:اممم م عارفك ساكته ليه لكن بتقري وين انتي
علا:الخرطوم
خالد:اهاا وبتقري شنو
علا:طب
وبعدها سكتو وكان وصلو
نزلو ولقو ناس نور منتظرنهم
بعدها دخلو واشتروا ليهم فشار وحاجات ودخلو حضرو الفيلم
وكانو الشباب عايزين يشترو حاجات
ف مشو وبالمره البنات قالو نشتري احنا كمان مدام جينا
يلا بعدها خمو اي شي يعجبهم إكسسوارات على ملابس على شباشب وكلو
وبعدها الوقت كان اتأخر ف اتلمو وقالو نرجع البيت ونخلي الطلعه(حقت شارع النيل اي😂😭)
بعد رجعو البيت
نور قالت لي علا
نور:منه
علا:عاينت ل نور وسكتت
نور قالت ليها طيب علا😒
علا:خيير ي طير🙊
نور:اممم م نفسك تنسي وتبطلي عبط
علا:ان شاء الله
نور:امم طيب هسه ح نعمل شنو
علا:بعد دا كلو والله انتي م نصيحه
نور:عندي فكره نلم الشباب ونعمل قعده فوق تجي
علا:لا شكرا تعبانه حاليا
نور:اممم طيب تمام يلا
عند ناس خالد
فهد قال ليهم شباب نور قالت نتلم فوق عشان نعمل لينا جو غناء وكدا يعني حفله صغيره😺
يس قال ليهو اوو والله فكرة ظريفه ارح طوالي
خالد قال ليهم امشو انتو انا تعبان
بس قال ليهو طالما قلت كدا اكيد تعبان عارفك م بتفوت حفله عليك😂
خالد قال ليهو دا كلامك😂؟ امشو امشو م تتأخرو
وبعدها ديل طلعو
نمشي ل حبيبة القلب "علا"
بعد ناس نور طلعو.. هي اخدت شاور ولبست وصلت ودعت ربنا كتيير ونزلت تعنل ل نفسها قهوه
نزلت لقيت خالتو ريم في المطبخ بتعمل ف شاي
ف قلت ليها خالتو ريم انا بسويهو انتي اقعدي
قالت لي شكرا بس وين الباقين؟
قلت ليها فوق قالو يغيرو جو
قالت لي اكيد دي فكرة نور مش
قلت ليها اي اكيدد ههههه.
بعدها الشاي كان حهز قلت ليها سويتو
ارح اوديهو معاك
وديت ليهم الشاي ودخلت المطبخ اسويي القهوة
وانا في المطبخ سمعت صوت زول بقول احم احمم
اتلفت وكان اشوف ليك(تخيلو منو😂) اي خالد زاااتو
جا قال لي السلام عليكم
علا:وعليكم السلام
خالد: م مشيتي معاهم
علا:انت شايف شنو😒
خالد:ههههههه شايفك اي قصدي لي م مشيتي
علا:تعبانه وانت ليه م مشيت
خالد:تعبان
علا:عايز شنو طيب
خالد:جيت اعمل قهوه😺
علا:اممم طيب انا بسوي ل نفسي انتظر اعمل ليك معاي
بعدها سويت ل نفسي قهوه وكبيت عليها لبن (اي بشربها كدا🐸🔫)
واديتو حقتو وهو بعاين لي
وبعدها طلعنا لمن وصلت ع الغرفه
خالد قال لي علا
م رديت عليهو دخلت وقفلت باب الغرفه
اول م قفلت الباب اخدت نفس واتنهدت ومسحت وشي بيدي
ودخلت قعدت في البلكونه وجيت اقرا كتاب
بعد قريت شويتين كدا
قمت جبت دفتري وقعدت اشوف فيهو وجيت كتب فيو
#لا اعرف... لا اعرف لماذا لماذا ترافقيني ذكرياتك لماذا ترافقني انت ايمنا ذهبت
لماذا يراودني ذاك الكابوس تلك القصة المؤلمة لماذا لا أستطيع نسيان ذلك
ولكن اهم ما في ذلك هو انني ما زلت افكر.. افكر فيك ولكن لماذا لا استطيع نسيانك بعد كل ذلك ولكن هل ستكون من نصيبي هل سيكتب لي النجاة من ذلك؟ هل ستكون هناك حياة مكتوبه لنا معاً هل كل احلامنا ستتحق... هل؟
ولكن مع كل ذلك
*I love you always... like the first time*♥️
بعدها اتفاجات من الكتبتو ف قمت قفلت الدفتر وتميت القهوه واتصلت ع لين واتونست معاها وسألتها من احوال ناس البيت وكدا وقفلت منها....
عند خلودي😂😂
كان قاعد وبشوف ف تلفونو ف محادثه
وبتكلم مع نفسو وبقول
انا غلطت كتير والله عارف بس م نفسك ترجعي وترجعيني م نفسك تعبت انا تعبت والله من دونك لو تعرفي قدر شنو اشتقت ليك ليه دايما بحصل معاي انا كدا ليه؟؟؟
وبعدها قفل المحادثه ومشى فتح ليهو صورة وكان بشوف فيها وبرضو بتكلم مع نفسو وبقول
هي ليه بتشبهها كدا ولا دي هي طب ليه الاسم غير طيب هي ليه م دايره تتكلم معاي طيب انا اعمل شنو ليه بقيت بعمل كدا ليه م فاهم شي انا.... يا رب لطفك يا الله...
#ولكنكِ ستبقي الزاوية الهادئة التي أهرُب إليها بعيداً عن صخب الحياة.... #حياتي♥️
وبهناك حبيبتنا "علا"
نفسس الشي فتحت ليها محادثه وقعدت تقرا فيها وتضحك مرهه وتتبسم مرهه وبعدها فتحت صوره وبقت بتعاين فيها مسافهه وبعدها اتنهدت وطلعت قفلت التلفون وبقت بتعاين للنجيله وهي قاعده سرحانه ساي
# وقد تكون سلبتَ تفكيري... فكري وكل شي في حياتي ولكن هل لك ان تعود هل لك ان تكون لي.. لي وحدي؟🤍
#وتيني♥️
#يتبع🏃🏻♀️♥️
