#اسميته وتيني ♥️
بقلم Meno_Awad
"4"
التفت واشوف ليك دا يس قال لي لو سمحتي
قلت ليه ايوا
قال لي نسيتي تلفونك هناك
قلت ليه شكرا ليك
قال لي العفو.. اممم انتي كنتي بتقري معانا؟؟
قلت ليه ااا لا م ككنت
قال لي بي ملامحك م غريبه علي
قلت ليه هههه خلق من الشبه اربعين😊
وبعدو طلعت طوالي وم اتكلمت معاه
طلعت. ومشيت بعد مسافه البنات جو وانا طبعا عملت نايمه
نور جات قالت لي منه بطلي عارفاك صاحيه لي متين يعني حتكوني كدا
قلت ليها لو سمحتي اسمي علا☺️واكون كدا في شنو يعني
قالت لي خلاص خلاص براحتك معليش
بعدو رقدت وانا ببكي(ايوه ببكي م كنت متوقعه القى كل الناس ديل)
بعدو قلت لي نور :نور انتي ليه م قلتي لي انو الاولاد ديل برضو جايين😢
قالت لي دقيقه دقيقه انتي بتبكي ولا شنو +في النهايه كلنا اصحاب واكييد عشان انا محبوبه😌 ح يجوني وبعدين تغالي هنا انتي مالك
انا قلت ليها لا م ببكي+ محبوبه انا والله😒+مالي ماف شي يلا بلا انا نعسانه
وبعدو نمت وانا بفكر (طبعا يلا عرس نور فضل ليه شهرين😭اي تلاته وعايزانا نقعد معاها😭وح اشوف الخلق ديك كل يوم😭
_______
يلا بعد داك كلنا نمنا وصحينا تاني يوم طبعا ح نقضي شهر ونسه وضحك وطلعات وهباله وم ادراك😂والفساتين ووو.....
يلا طبعا قلت ليكم انو الشباب كلهم فوق وكدا
اما خالاتها وعماتها ووو ديل كلهم تحت وفي تاني السطوح فوق فيو زي قعدات كدا في الارض وتلفزيون... يعني المهمم حلوه شديد 😭♥️♥️
يلا صحينا تاني يوم وكلنا نضفنا البيت ونور قاعده وتاكل واحنا ننضف ليها😭🔫🔫
يلا بعد نصفنا كدا الظهر كان اذن مسينا صلينا وقعدنا نتهابل ونتونس لحد العصر كدا مشينا صلينا وبعدها جينا تاني وبقينا نتونس وكدا والمغرب اذن اصلا م عندنا موضوع مشينا صلينا ومشينا جهزنا فشار وبارد واكل ع الخفيف كدا فطاير وطلبنا بيتزاوو....المهممم😂
يلا انا م كنت ح اطلع معاهم لاني عارفه الشباب وكدا ح يكونوا قاعدين😢بس بعد ضرب وسكل وكدا مشيت معاهم
وخطيب نور جاي اصلا هم عقدو😂🔫
المهمم مشيت معاهم وكدا كان حلوو المنظر ياخ جايبين انوار وكدا وااي بس😭😢♥️
المهمم(والله بحب المهم دي😂) يلا اي المهمم قعدنا كنا بنات بس في الاول بعد شويه الشباب جو وكدا وانا خلاص شويه وح ابكي😢💔وبقينا نتونس وكدا وبعد شويه قالو نحضر فيلم وكدا نور وفهد(اي دا خطيبها😂) قعدو ع جنب مع بعض😢💔وبدو يتونسو وانا ب جاي خلاص ح ابكي
قعدنا نحضر الفيلم كان اسمو لوسي😂(بالانجلش😂💔) يلا هو طبعا احنا جايبين حاحات وبناكل وكدا لكن الفيلم بيقرف يعني ب يحكي عن حاجات كانو عايزين ي هربوها ف دخلوها في بطون 3ناس😂وكدا ولوسي دي واحده منهم😂يلا الفيلم بيفتحو فيه البطون ووو😂💔المهممم يلا البنات شغالين وعععع ويعع وويع( زي عربيه الاسعاف😂😂💔)
يلا انا م شغاله بيهم وقاعده باكل وبحضر لاني حضرتو قبل كدا واصلا هو م مقرف بس دلعع من البنات 🤓👋🏻 اثناء م احنا بنحضر اقصد انا😂😂قالو تعالو نتعرف اكتر ونشوف عملتو شنو في في الفتره الفاتت دي وكدا (دا خطيب نور طبعا😒يعرفوه في الشنو اقول ليكم😒💔) طبعا نور اتعرفت في السعوديه اصلا هو عايش هناك ونور كانت سافرت تقرا لانو اوضاع السودان لا تسمح بالقراءة😭😢💔
يلا قالو نتعرف وكدا مشينا وقعدنا عملنا زي دائره كدا كلنا واي زول بيقول اسمو ووويحكي🙄💔عن حياتو وكدا
يلا انا كنت شغاله بتلفوني بقرا ف روايه وم شغاله بيهم فجأة اسمع ليك زول بيقول عرفينا عن نفسك ي الماسكه التلفون كان دا خالد😒💔لكن ملامحك دي م غريبه علينا قريتي معانا ولا شنو انتي؟؟ مش ي جماعه ولا انا غلطان
كلهم قالو ليهو اي والله كلامك في الصميم😂
نور قالت ليهم اي دي من.. قبل م تتم كلامها قرصتها في رجلها اصلا كانت قاعده جمبي قالت اييي😢
قالو ليها في شنو؟
قالت ليهم ااا دي هناي نمله😢💔
تاني قالو لي اها م قلتي انتي منو
نور قالت لبهم دي هناي علا😃صحبتي😃خلق من الشبه اربعين ي جماعه
وهي ب جوا بتنبذني عارفهه😂😂💔
كلهم قالو لي اتشرفنا وشنو وشنو
م عدا خالد كان م مصدق (متخلف دا😒😃💔)
يلا بعدو قام خالد قال لي اتشرفنا ي علا☺️ومد لي يدو قمت عاينت ل يدو وم عاينت ليه زاتو
وقلت ليه لي الشرف وسكتت دا كلو ويدو ممدوده😂(عن كميه الاحراج اتحدث😂)
قام زحاها وقال احمم😃
بس لحسن الحظ ماف زول لاحظ ليه وبعدها....
#يتبع🏃🏻♀️♥️(اسفه والله ي جماعه استحملو شويتين😢:(.....)
