🍁🍁𝗠𝗥 𝗔𝗟𝗣𝗛𝗔🍁🍁( 𝙺𝙸𝙼 𝚃𝙰𝙷𝙷𝚈𝚄𝙽𝙶 𝚂𝚃𝙾𝚁𝚈) ||COMPLETED ||

🍁🍁2nd Dream 🍁🍁15

හුස්ම හිරවෙන්න වගේ දැනුන හැගීමත් එක්ක එක සැරේටම දැනුන සැහැල්ලුවත් එක්ක ඇස් ඇරපු රෝස් දැක්කේ තමන් ගුහාවෙන් පිටතට ඇවිත් ගංගාවක් දිගේ පහලට ඇදිලා යන විදිය....

වතුරෙන් ඉහලට ඉස්සිලා වටපිට බැලුව රෝස්ට දකින්න තිබුනේ හාත්පස ගිලගෙන තිබුන ඝන අන්ධකාරේ විතරයි...ටිකෙන් ටික ගංගාව පහලට ගලාගෙන යන වේගේ වැඩි වෙන බව තේරෙනවත් එක්කම ඇගේ ඉතිරි වෙලා තිබුන අන්තිම ශක්තිය එකතු කරගත්ත රෝස් පුලුවන් තරම් වේගෙන් ගං ඉවුර දිහාවට පීනලා ගියා.....

ගං ඉවුර දිගට තියන රලු කලු ගල්වල පහස අතට දැනෙන කොට අන්ධකාරේ ම අත ගාලා රෝස් හෙව්වේ අල්ල ගන්න පුලුවන් තරමේ දෙයක් තියනවද කියලා.... ටිකෙන් ටික ගංගාව ගලන වේගේ වැඩි වෙනවා දැනෙන කොට, රෝස් ට ඇහුනා ගංගාව මහ හඩක් නගාගෙන පහලට කඩා වැටෙනවා!!!

කිසිම දෙයක් නෙපෙනන ඝන අන්ධකාරේ දිය ඇල්ලෙන් පහලට වැටෙන එක මොන තරම් භයානක දෙයක් ද කියලා දැනෙන කොට කලබල වුන රෝස් ගං ඉවුර දිගේ අත අරගෙන ගියේ පහලට නොවැටී බෙරෙන්න පුංචි ම දෙයක් හරි ග්‍රහණය කරගන්න හිතාගෙන......

කන් බිහිරි වෙන තරම් මහ හඩින් ඇල්ල පහලට කඩා හැලෙන හඩ ඇහෙන කොට ඇස් දෙක තද කරලා පියා ගත්ත රෝස් ගල් ගැහුනේ ගං ඉවුරේ තිබුන සිදුරක අත හිර වුන නිසා..... පුලුවන් තරම් ශක්තිය එක්කාසු කරගෙන සිදුර හරහා අත දාලා ඉවුරට ඇදිලා ගිය රෝස් නිදහසේ තිබුන අතින් ඉවුරේ තිබුන තවත් කඩතොලු වුන ගලක් ආධාරයෙන් ඉවුරට ගොඩ වුනේ ඇගේ තිබුන අන්තිම ශක්තියත් වැය කරලා.....

එහෙමම ගං ඉවුර උඩ ගල් තලාවේ වැතිරුන රෝස් ගැස්සිලා ගියේ තමන්ගේ කබා සාක්කුවෙන් ඇහුන අමුතු හඩක් නිසා.... වේගෙන් හුස්ම ගන්න ගමන් ඇලේකට හැරිලා කබා සාක්කුවට අත දාපු රෝස් ගේ හුස්ම නැවතුනේ, ගුහාවේදි දැක්ක රන්පාට කෙන්ඩිය කබා සාක්කුවෙ තියනවා දැනෙන කොට.... කෙන්ඩිය අතට ගත්තා මතකයක් තිබුනත් ඒක කබා සාක්කුවට දාගත්ත මතකයක් රෝස් ට තිබුනේ නෑ!!

වේගෙන් හුස්ම ගන්න ගමන් වෙව්ලන ඇගිලි වලින් සාක්කුවේ තිබුන කෙන්ඩිය අතට අරගත්ත රෝස් ගල් තලාව මතට වැටිලා තියන මලානික සද එලියෙන් කෙන්ඩිය ඉහලට උස්සලා බලනකොටම එක සැරේටම හාත්පසම ඝන අන්ධකාරයක ගිලිලා ගියා...මොහොතක් දෙකක් ගතවෙද්දී ඇස් අදුරට හුරු වෙනකොට කෙන්ඩිය අතේ ගුලි කරගෙන වටපිට බලපු රෝස් ගැස්සිලා ගියේ ගල් තලාව අවසාන කෙලවරේ හිට ගෙන අත් දෙක දෙපැත්තට විහිදගෙන හිටගෙන හිටපු අදුරු ඡායාව වියරු හඩින් හිනාවෙන්න ගත්ත නිසා.........