#اقمست على حبكِ عند الأمير
للكاتبة ضوء القمر
Zahraa Hussain
ماضل جفن لليل يحتام
وشعدنا مثل الوادم انام
من جم سنة بعناها الاحلام
وخلص دمعنا من اول العام
شما يمشي بينا الوكت كدام
نتعب مثل قمصان الايتام
هو المثلنا ابيش ينسام
نار الحجي وگلوبنا خيام
عزاز وضحكنا صاير لثام
دور كسرهن بيهن شضام
تلكه بخواطرنا شكثر جام
ومنين ما تندهنه نندار
فطر حجي وگلوبنا كبار
ماعدنا غير التامر وصار
وبعيوننا مدثر نبي وغار
اه يا جرحنا محني الاكتار
جوية دما بمطلاع مسمار
اشراف ونزفنا مكحل الاخبار
ببيوت اهلنا وجنا خطار
هذا الوكت لاهل السبح صار
وهذا الوطن ماخذنا للنار
موتى بكبرنا وندفع ايجار
🖤🖤
گمرهاشم : انصدمت بالي شفته هاي من اجمل المناطق بالمرزعة
شطت نار واشتعلت بيه بقيت صافن شنو ممكن اسوي وشحجي خليت ايديه بجيوبي ومرت كل ذيج گعداتنه وسوالفنه ولمتنه الحلوة كل بقعة من هذا الجزء من المزرعة بي ذكرى حلوه بي سالفة انحجت هنا كعد ابوي هناك سولفلي عن ايامه هنا كعدنه واحد يرد عالثاني بشعر هناك ضحك وهناك توضه كل كعدة وسالفة وضحكة مرت ببالي غمضت عيوني بقهر جان اهوواي يحب هالمكان ومن سألته ليش تحب هالمكان من غير كل هالزرعة وكبرها ما يحب غير هالمكان جان رده
..هنا التگيت باول انسانه حبيتها هنا اول عشگ دخل گلبي وهنا بنيت كل احلامي هنا گعدت واني اتفرچ عليها ااخ يا اول عشگ احس نفسي رديت لايام صباي ايي امك هي الانسانه الي حبيتها وماجنت ادري هي نفسها اختيار امي
گمرهاشم : اااه السموحة يالغالي حرگو مچانك بس وغلاتك اشوفهم الموت على اصوله
حازم : شيخ بشنو تامرنه
گمرهاشم التفت على حازم واني احاول اضبط اعصابي : خلي الفلح تشوف شغلها وشنو تحتاج هالگاع حاززم اريد هالمكان يرجع مثل گبل سامع بويه اني مو كلت كثرو من الزلم على المزرعة والمعمل ليش ماسويتو الي طلبته
حازم : شيخ حطينه زلم بس صار وغافلونه السموحه منك شيخ
گمرهاشم : لا تعتذر بويه الي صار بعد صار بس هذا درس الكم فااهميين بعد مااعيد حازم انت وانور والشباب تشدد بالحراسة هالمرة المزرعة الله اعلم المرة الثانية وين انصبو كامرات بكل المزرعة وانتبه شنو انتبه على زلمك مو ياهو الچان تحطه افتحو عيونكمم عددل ..هذا المكان مثل كبل يرجع سمعتوا .
عفتهم ورجعت للديوان هذا مناوي ينعدل ابد اني منين الگاها منك من اخوك اثنينكم عارات ااخ لوما الدم حسافة محسوبين عليه والا اني الشيخ هاشم الكل تسمع كلمتي وتاخذ بشوري انتو ولد عمي بس اريد افهم الله من ياطينه خلقكم اشو الابو خوش زلمه والناس تشهدله بس الام هي ساس البله من الله ياخذكم ويخلصني منكم
رجعت بس مالي خلك ادخل للبيت لان اكيد الشيخه تكوم تسأل دخلت للديوان جنت قبل يومين متواعد ويه جماعة واجو وهم بالف ياعلي حلينه سالفتهم بس اريد افهم ليوين بعد نوصل وننطي بنات توهن بلغن استغفرالله ربي بعد شتسوي بينه قبل الظهر دخل سيد عبدالله
أنت تقرأ
اقسمت على حبكِ عند الأمير
Romantizmتتكلم حول شاب يسلمهُ والده المشيخة من بعده فيجبر على تحمل هذا الحمل الكبير ..لم ينبض قلبهُ لفتاة قط الا ان الصدفة والقدر تلعب دورها فيلتقي بمن تكون عشقهُ الذي يقسم عليه
