كيان حوا " بقلم الكاتبه نورهان البادي "

"الفصل الأول"

رواية "كيان حوا "
بقلم الكاتبه : نورهان البادي
البارت الاول.

زي مافي بني ادم فيه بنات حوا .
وكلنا ف الاخر  انسان.
ولكل حوا كيان .

"كتبت الجمل وقفلت مذكرتي ودخلت انام ..
لا ثواني قبل ماانام اعرفكوا بنفسي الاول ، انا ياسمينا .. طالبه متخرجه من كلية تربيه .. وهوايتي المفضله الكتابه وحلمي اني ينزل كتاب بإسمي ف معرض الكتاب ، واسمي يملي المكتبات ، بس مفيش حاجه بالسهل كده ، وعشان توصل لازم يكون حواليك ناس مشجعاك ، انما ماما وبابا رافضين الفكره نهائى وكأنني هنزل حاجه عيب مثلا، مش فاهمه والله ، بس عارفه اني هوصل للحلم دا في يوم ، ربنا يخليلي اخويا حبيبي اللي دايما داعمني ومشجعني ،
" الباب خبط "
رحيم : صاحيه !؟
ياسمينا بابتسامه :ياريتني جيبت سيره شاتاي اولسوي كان ظهرلي ، لكن اعمل اي.
" فتح الباب ببطء ودخل والابتسامه علي وشه.
رحيم : لسه جاي من الشغل دلوقتي وقولت اشوفك قبل ماانام .
ياسمينا : متحرمش منك ، ها احكيلي بق عملت اي في يومك .
رحيم : احكيلك اي يعني يبنتي ، منا بروح الموقع واستلم العمال وأبدأ اشتغل من الصبح للمغرب لحد مالشمسه بتاكل راسنا .
ياسمينا : هو انت حد قلك تكون مهندس يعني.
رحيم : ابوكي ياستي ، ابنه الكبير بق وأول فرحته ، يعني ارضيكي معملوش اللي نفسه فيه.
ياسمينا : اهو خليه ينفعك ، ابقي قوله يجي يظلل عليك ،.
" وضحكت جامد .
رحيم : انا غلطان اصلا ان انا قعدت معاكي يارخمه .
ياسمينا : لا لا بجد يارحيم مدخلتش فنون جميله لي ، انت طول عمرك بتعشق الرسم .
رحيم بحزن مصطتنع : خلاص بق يا ياسو متقلبيش المواجع .
ياسمينا : خلصا يابرو،  بس داخل عليا كد م غير الكيس بتاع كل يوم .
رحيم : انا اقدر ، انا بس لقيت الشيكولاته ساحت حطتهالك ف التلاجه ، ربع ساعه وادخلي خلصي عليها ، يامفتريه .
ياسمينا : احلي اخ دا ولا اي ، والله لو مخويا لكنت جيت خطبتك ياعسل انت ياعسل .
رحيم بضحكه : اعقلي ياهبله انتي .. يلا تصبحي علي خير .
ياسمينا : حبيب قلب اخته ياناس .
_____

في منطقه اخري ..
منزل " سما "
تيلفون بيرن الساعه 4 الفجر .
سما بتأفف : ايوه مين .
ممرضه : الحقي يادكتوره سما ، حاله خطره جدا وصلت المستشفي والدكتور أمجد مسافر برا البلد ومحتاجينلك جدا.
سما : انا جايه حالا .
قفلت وجرت عشان تلبس ..
سما : ياساتر يارب .
...
ركبت العربيه وساقت بسرعه كبيره وكان الطريق مساعدها ، لحد ماوصلت المستشفي ونزلت تجري عشان تلحق المريض .
سما بتجري ف المستشفي وكأنه حد قريبها ، بتعامل المرضي كأنه فرد من أهلها،  وعلي قد متقدر بتحاول تنقذه .
سما بإستعحال : اجري بسرعه هاتي الادوات .
الممرضه 1: حاضر يادكتور .
الممرضه 2 : عمل حادثه يادكتور واللي خبطه جري وفقد دم كتير علي محد انقذه.
سما : بسرعه هاتي جهاز القلب ، المريض بيروح مننا ، احنا محتاجين دم بسرعه ، خدي عينة المريض حلليها وهاتي الفصيله المطابقه له ضروري.