كيان حوا " بقلم الكاتبه نورهان البادي "

الفصل ال9

رواية " كيان حوا "
الفصل ال 9.
بقلم الكاتبه : نورهان البادي.

_ثم قلت .. الحب لعنه اسأل الله الا تصيبني_
____
اغنيه رومانسيه اشتغلت ،، ورقصنا انا وعدي علي أنغامها الهاديه ،، وكذا ثنائي شاركنا الرقصه ..
" رحيم وقف جمب سما من غير متاخد بالها وهمسلها ..
رحيم : عقبالك .
سما بإنتباه : اي دا رحيم !! " وبعدها ابتسمت " شكرا " وبصت عليا انا وعدي " شوف شكلهم لطيف اوي .
رحيم : فعلا ،، اي رأيك نشاركهم الرقصه دي .
سما بإرتباك : اييه !! لا منا مش بعرف ارقص قد كده .
رحيم بإبتسامه : ولا انا ، يلا نجرب .
سما بإبتسامه : مفيش مانع .
" رحيم وسما شاركونا في الرقص ، وبصيت لرحيم اللي كان فرحان وأول ماعيني جت في عنيه ابتسملي وغمز " الله عليا "
____
سيف في العربيه تحت بيت هند مستنيها "
سيف : انا كان مالي ومال الطلعه دي ،، هي اتأخرت كده لي مش فاهم .
" سيف بص لقا هند خرجت من باب العماره وكانت لابسه فستان طويل ابيض وسمبل جداا وعليه شعرها القصير اللي ضافتله لمسات خفيفه وميكب سمبل خلت شكلها يهبل ،،
سيف انبهر بجمالها ومكنش مصدق عنيه ومكنش متخيل انها هتكون بالجمال دا ..
" هند وصلت وركبت العربيه "
سيف حاول يداري نظرات الإعجاب : كل دا تأخير .
هند بإستعجال : معلش يلا بق ياسيف بسرعه علشان نلحق .
"هند انتبهت للبدله اللي سيف لابسها"
هند بدهشه : واااو ، شكلك قمر اووي .
سيف بضحكه : عادي كد .
هند بعدم فهم : هو اي دا !
سيف : سيبك انتي ،" وكمل بنبره حب " انتي اللي شكلك يخطف القلب .
هند بفرحه : بجد !! الفستان عجبك ، دا انا موصيا عليه بقالي شهر ،، قولت اول مناسبه تقابلني هلبسه علي طول " وختمت كلامها بضحكه "
سيف : لا بجد شكلك حلو " وكمل بجديه " بس مكنش ينفع تتأخري كل دا بردو ،،.
هند : يخربيت الفصلان ، طب سوق بسرعه بق .
" سيف وهند وصلوا الحفله اللي خطفوا أنظار الكل اول مادخلوا ،، وكلنا انبهارنا بفستان هند وبشكلها ورقصنا كلنا ما عدا اميره اللي كانت مشغوله جدا بأولادها ،، لحد ما ماما خدت بالها منهم واميره شاركتنا في الرقص ، وكان جو مليان فرحه ، لكن للأسف كل حلو بينتهي بسرعه ،، وكل واحد روح علي بيته بعد ما ودعنا بعض "
____
اليوم التالي "

في المطعم ..
" ريان عرف بموضوع اميره وسبب طلقها من جوزها وانه اتجوز ومفيش نيه تاني للرجوع وكان فرحان بدا جدا "
اميره : اتفضل حضرتك القهوه .
ريان : شكرا " وكمل " اميره هو انا ممكن أسألك سؤال ؟!.
اميره بقلق : اتفضل .
ريان : هو انتي بتفكري في الجواز حاليا ،، اقصد يعني لو حد اتقدملك هيكون اي ردك !
اميره بضيق : الحقيقه مبفكرش خالص في الفكره دي ، كل اللي شاغل بالي أولادي وبس وإزاي اكون لينا مستقبل .
ريان : اميره انا حابب اتقدملك ، انا حبيتك من اول يوم شوفتك ،، وحابب انك تكوني في حياتي ، واولادك هأمنلهم مستقبلهم وصدقيني هكونلك عوض عن اي حاجه وحشه شوفتيها ، فكري كويس وردي عليا ..
اميره بتوتر : انا مش عارفه اقولك اي ، لكن حقيقي انا رافضه الفكره تماما ، ومعنديش اي استعداد أخوض تجربه تانيه .
ريان بحزن : بجد ، يعني دا آخر قرار.
اميره : ايوه ..
ريان : تمام .. تقدري تشوفي شغلك " وكمل بحزن " بس عندي امل انك تغيري رأيك .
" اميره استأذنت وخرجت بضيق"
_____
" هند بتتكلم في التلفون "
هند : يابنتي انتي مجنونه ! شغل اي دا اللي تسيبيه .
أميره بضيق : معرفش بقولك اتخنقت ،، دا طلب ايدي وانا رفضت ومش عارفه اعمل اي بجد ،، هتحرج جدا لو فضلت .
هند :بجد !!  طب اهدي بس وسيبك من الهبل دا ، وهو لو ضايقك نبقي نشوف الموضوع ده بعدين .
أميره : تمم ياحبيبتي ، اسفه اني عطلتك عن شغلك ، اقفلي بق ونكمل كلامنا بعدين .
هند : تعطلي اي ياهبله انتي ، يغور الشغل .
" هند قالت الجمله لقت سيف بصلها بضيق "
هند بتوتر: طب خلاص بق ياحبيبتي اكلمك بعدين .
" هند قفلت "
هند : اي بتبصلي كده لي ! مش بكلم صحبتي ، وبعدين رامي ودنك معايا لي ها !
سيف : انتي محسساني اني قاعد مع ابله ميرفت بتاعت شئون العاملين ، وانا استاذ حسام مدرس لغه عربيه وقاعدين نحكي بق ،، انتي ناقص تجيبي كوسه وتقوريها .
هند : نينيني ،، ضحكتني .
سيف : طب هتأكلينا بق ولا انزل اجيب اكل .
هند: متقلقش ياخويا عامله حسابي ..
سيف : الفايده الوحيده اللي طلعتها منك .
هند : ياريتك بتشكر .
_____

ياسمين : طب خلص شغل بق ولما تروح ابقي كلمني ..
عدي : كنت عاوز اجي اقعد معاكي النهارده ، وحشاني اووي ..
ياسمين : ومجتش لي حد ماسكك .
عدي : جه في بالي كام مشوار كد قولت أعملهم ، المهم .. بعتلك حاجه مع رحيم ، كنت عاوز اجبهملك بنفسي بس زي مقولتلك .
ياسمينا بفرحه : بجد حاجة اي !
عدي: خليها مفاجأه بق ، وكلها كذا ساعه وتلاقي رحيم جايبهملك ..
ياسمين بحماس : وانا مستنيه .
_____

" رحيم خلص شغله وقرر يروح لسما يشوفها الأول بس مش عارف يروح بمناسبة اي !! بس قرر يروح وخلاص ..
سما خلصت شغلها وخارجه من المستشفي ، في الوقت اللي رحيم كان واقف فيه برا المستشفي مستنيها بعد ما عرف انها لسه جوه ومروحتش .
سما ماشيه لقت صوت بيناديها..
سما بصدمه : حااازم !!
حازم : سما حابب اتكلم معاكي .
سما بعصبيه : انت جاي تعمل اي ! مش انت نهيت كل حاجه .
" رحيم واقف لقي شاب بينادي سما ولما شاف وشه عرف انه خطيبها ،، قرر يمشي لكنه استني لما لقي ان سما اتضايقت اول ما شافته ..
حازم : سما انا عاوز نرجع ، انتي ليه بتعملي معايا كد !؟
سما : هو بمزاجكك !! سما هننفصل ، سما نرجع ، وانا زي الهبله ماشيه معاك في اي حاجه ، لكن لا ياحازم ، انا عرفت انك مش شكلي ولا لوني ، ولا احنا لبعض وياريت متجيش هنا تاني ولا في اي مكان ..
" سما لفت وشها عشان تمشي لكنه مسكها بعنف "
سما : اااه ، سيب ايديى ..
حازم بتهديد : انا حاولت اديكي فرصه تانيه ، لكنك اللي رفضتي ،  هتندمي اوي ياسما ..
" رحيم هنا قرر انه يتدخل ،،
رحيم بعصبيه شده لورا وزقه بعيد عن سما ..
رحيم : لو قربتلها تاني انا همحيك .
حازم : مين دا بقا ان شاء الله ! لحقتي لقيتي بديل .
سما : حازم امشي بق وكفايه مشاكل لحد كد .
حازم بعصبيه: مش ماشي غير لما افهم مين دا !
سما بتوتر : امشي يا حازم لو سمحت الناس بتتفرج علينا  .
حازم بزعيق : مين دا ياسما.
رحيم : قاري فتحتها وهنتخطب قريب ، ليك فيه .
"سما اتصدمت ومعرفتش تنطق"
حازم بدهشه : بجد ياسما .
سما بعياط : ااه بجد ، وامشي بقا لو سمحت ، ولا اقولك انا اللي همشي ..
" سما قررت تمشي رحيم وقفها "
رحيم : راح فين انا راكن العربيه هناك ، يلا عشان اوصلك .
"سما بدون فهم بصتله ' ورحيم مسك ايديها برفق ومشي بيها وهي مشت بكل هدوء وحازم كان واقف كل دا مصدووووم "

" تابعوا "
بقلم الكاتبه : نورهان حمدي .