كيان حوا " بقلم الكاتبه نورهان البادي "

الفصل ال7

رواية " كيان حوا "
الفصل ال 7.
بقلم الكاتبه: نورهان البادي.

_ولا زلت كما انا .. اكمل في خيالي القصه التي أعدمها الواقع_
___
" في منزل ياسمينا "
" خرجت علشان أقعد مع عدي والحقيقه ان انا كنت متوتره جدا بس حاولت اداري كل التوتر دا علي قد مقدر ، لكن اول ماشفت عدي قاعد وقدامه الورد والابتسامه علي وشه كل التوتر دا بان علي وشي ومقدرتش اداريه، مكنتش متخيله ان عدي اللي بستناه وبطلبه من ربنا طول عمري لحد ما فقدت فيه الأمل خلاص ، قاعد قدامي وجاي يطلبني، ، بس فجأة السؤال الأهبل دا نط في دماغي ' هو عدي فعلا بيحبني '
ياسمين : احم .
عدي بإبتسامه : ازيك .
" سلمت عليه بجمود وقعدت قصاده "
ياسمين : بخير .. وانت !
عدي : أنا كويس .
ياسمين : جاي لي .
عدي : مش فاهم .
ياسمين : رحيم اللي طلب منك كد ، صح !
عدي بعد استيعاب : طلب مني اي يبنتي ، انتي ملبوسه ولا فيكي اي ، مالها دي .
ياسمين بصتله بضيق : والله !! طب علي فكره بق انت مش محتاج تضحي كل التضحيه دي وتتقدم لواحده مش بتحبها عشان خاطر تراضي صحبك " وكملت " مش رحيم طلب منك كد برضو .
عدي بعدم تفهم : مين دي اللي اتقدملها من غير رضايا ، ممسوك عليا ذلة ولا اي مش فاهم .
ياسمين بتحاول ترتب الحوار في دماغها : امم يعني مش رحيم اللي طلب منك كد .
عدي بزهق : يستي رحيم مطلبش مني حاجه ، " وكمل " اي الاوتفيت الجامد دا بس .
ياسمين بفرحه: بجد حلو .
عدي : دا يجنن .
ياسمين : احم ، بقولك اي متوهش في الموضوع وقولي بصراحه ، انت جاي تتقدم لي .
عدي : اي السؤال الأهبل دا !
ياسمين : ايوه انا هبله وجاوبني علي سؤالي .
عدي قرب منها وبص في عيونها : يعني عاوزه تعرفي لي !
ياسمين بتوتر : ايوه.
عدي بثقه : ميجيش معاكي اني بحبك مثلا !
ياسمين بتوتر : ايه ! طب بص بق انا عاوزه اكون كاتبه وانت لو هتخطبني وكد يبقي عندي شرط  توافق عليه .
عدي : اشرطي يختي ،  تلاقيه شرط اهبل زيك .
ياسمين : والله !!
عدي : حد قلك بق ان انا مجنون وبموت ف الهبل .
ياسمين : امم ، ايوه كد .
عدي : طب قولي بق اي شرطك خلينا نقرأ الفاتحه وبالمرة تجيبيلي جطعة جاتووه.
ياسمين بضحكه : شرطي بسيط جدا ، وهو انك تساعدني في موضوع الكتابه دا وتشجعني .
عدي : تعرفي بق ان الكاتب المصري القديم يبقي جد جدي ، يشيخه اتلهي دا لو تحبي اقعد واكتبلك كمان ، بس وافقي بق .
ياسمين بتفكير : امممم خلاص  موافقه صعبت عليا.
عدي : بس يابايره.
ياسمين في نفسها: رخم بس عسل .
" وافقت واستنينا رحيم لما يرجع عشان نقرأ الفاتحه وحددنا الشبكه بعد اسبوع ، ومكدبش عليكو كنت هطير من السعادة .
____
" سما خلصت شغلها ورحيم وصلها لبيتها عشان تجيب البلوزه لياسمين "
' سما ورحيم في العربيه '
رحيم : سما هو انا ممكن أسألك سؤال !
سما : اتفضل .
رحيم : هو اي مواصفات فتي أحلامك.
سما ضحكت : اي السؤال دا يارحيم .
رحيم : بجد والله .
سما بتفكير : بص هو بصراحه اهم حاجه يؤمن بيا وبشغلي ، ويساعدني ان انا اوصل لأحسن صوره مش يحبطني ، وكد يعني.
رحيم : موجود .. موجود.
سما بضحكه : هو اي دا اللي موجود.
رحيم : لا متاخديش في بالك .
سما بعفويه : وانت بقي اي مواصفات فتاة أحلامك !
" رحيم بصلها بصه طويله كلها حب وبعدها رجع بص في طريقه تاني وسما حست بتوتر ، سما وصلت وطلعت جابت البلوزه لرحيم ادتهاله "
سما : البلوزه اهي يارحيم وسلملي علي ياسمين وخليها تكلمني .
رحيم : تمام .
'سما لفت وشها عشان تمشي رحيم وقفها ..
رحيم : سما .
سما انتبهت : نعم .
رحيم : عاوزه تعرفي اي مواصفات فتاة أحلامي.
سما اتوترت : ايوه .
رحيم بنبره كلها حب : انتي .
" رحيم قال الكلمه ومشي وحس من جواه بإنتصار فزيع لما قدر يبوح لسما بحاجه بسيطه من حبه ليها ، وسما فضلت واقفه مكانها مصدومه ومش مصدقه اللي رحيم قاله وابتسامه اترسمت علي وشها من غير متاخد بالها وبعدها  فاقت وطلعت اوضتها ومشاعرها كلها متلخبطه .
____
" في المطعم "
اميره خلصت شغلها وخرجت عشان تاخد تاكسي وتروح ، ريان شافها وقرر انه يخرج يوصلها عشان محدش يضايقها تاني وبالمرة يعرف منها ايه اللي حصل  ..
ريان : مروحه مش كد .
اميره بإبتسامه : ايوه .
ريان : طب تحبي اوصلك .
اميره بتوتر : يعني بصراحه ملوش لزوم ، يعني كفايه اللي حصل النهارده واللي عملته عشاني بشكر حضرتك جدا ،" وكملت بإنفعال "وعلي فكره هو واحد كداب وحاول يعاكسني وقال كلام قليل الادب وكمان حاول يمسك ايدي بس انا اللي ...
ريان قاطعها : انا مطلبتش منك تبرري ، انا مصدقك ، وكمان لا شكر علي واجب ، هتيجي اوصلك ولا...
اميره بتردد : مفيش مشكله .
ريان بفرحه : تمام اتفضلي .
" البنات اللي شغاله مع اميره في المطعم شافوها وهي بتركب مع ريان العربيه "
سلوي : شوفتي ياختي سووسه ، ضحكت عليه ووقعته بنت الجزمه .
ندي: مالك يبت النار قايده فيكي كد لي ! وبعدين تلاقيه هو اللي بيضحك عليها ، دول اغنيا مبيغلبوش ، ومش دي يعني اللي تشده .
سلوي : انتي مش شايفه حلوه ازاي! اااه .. ماشي انا بق مش هسكت وهفضحها في المكان كله انها ماشيه مع المدير.
"تلفون اميره بيرن "
اميره : الو يماما .
رشا : الحقي يااميره ابنك راجع من المدرسه سخن ، والحرارة بتعلي ومش عارفه اعمل اي !
اميره بخوف : خلي بالك منه يماما انا جايا حالا .
ريان بخوف : خير في اي !؟
اميره بعياط : ابني تعبان جدا ولازم اوديه المستشفي حالا .
ريان بصدمه : ابنك !!
اميره بتوتر : ايوه .
ريان : من امتي ؟!
اميره : نعم!
ريان : لا اقصد انتي متجوزه ؟
اميره: ايوه اي الأسأله دي ، ولو سمحت بسرعه عشان تعبان جدا .
ريان بحزن وخيبة امل وصدمه : حاضر.
" ريان وصل اميره للبيت وساعدها فإنه شال ابنها واكتشف ان عندها بنت كمان ، واخدهم علي المستشفي وكل دا وهو ساكت ومبيتكلمش ومصدوم ووصلهم البيت وسابهم ومشي،  اميره حاولت تشكره لكن نزلت وراه ملقتوش .
____
في اليوم التالي .
" في القسم "هند : مفيش مهمه جديده بدل محنا قاعدين كد .
سيف : مستعجله علي الموت .
هند بثقه : لا ياحبيبي احنا قدها ، مش احنا مع بعض،  يبقي احنا قدها .
"سيف بصلها وابتسم "
تلفون رن .
سيف : الو يافندم ، تمام يافندم .
هند بحماس: ايوه كد ياتلفوناتك ياتكاتك ، مهمه جديده مش كد !
سيف : دايما تطلبيها وتنوليها ، اجهزي تجار أعضاء المرادي .
هند : واحنا جاهزين يلا .
" سيف وهند ف العربيه " .
سيف : هيبعتوا اللوكيشن دلوقتي ، المرادي المهمه صعبه فيه أرواح وضحايا لازم ننقذها .
هند بثقه : مفهوم مفهوم .
سيف : غرورك دا هيوديكي في داهيه .
هند : دا ثقه مش غرور .

بقلم الكاتبه : نورهان البادي.