رواية " كيان حوا "
الفصل ال 8.
بقلم الكاتبه : نورهان البادي .
_كن كما أنت ولا تهتم_
____
" سيف وهند راحين يقبضوا علي العصابه "
سيف بحذر : هند .
هند بإستعداد : لا بقولك اي متقوليش خليكي ومش خليكي ، رجلي علي رجلك .
سيف بعناد : مش كنت هقولك كد علي فكره .. المهم ركزي كويس واحمي نفسك وخلي بالك ..
هند : مفهوم .. وانت كمان .
سيف : طب يلا .
" سيف وهند دخلو المكان بهدوء، وكان عباره عن جراش كبير جدا مليان عربيات متكسره وضلمه ،.
هند بصوت عالي : احنا هنلعب استغمايه ولا اييييه !
" هند مكملتش الجمله لقت ضرب النار اشتغل والمكان نور ، وصوت الأطفال المخطوفه علي والكل بق يصرخ .
سيف : نهار اسود ..
" سيف وهند كل واحد جري عكس التاني واتحموا في عربيه عشان يقدروا يضربوا النار.
هند : هما زعلوا ولا اي انا كنت بهزر والله .
" هند طلعت وبدأت تضرب نار عليهم ولمحت سيف كان بيضرب عليهم نار هو كمان ..
" فجأة صوت ضرب النار هدي ، هند خرجت لقت الكل مرمي في الأرض ، والأطفال في جمب بيعيطوا ويصرخوا ، .
هند بتنادي علي سيف : سيف !! انت عايش .
سيف : عايش ياختي ، بس مش يمنع ان نهايتي هتبقي علي ايدك .
هند : طب اخرج انا موتهم كلهم .
سيف خرج : اه منا كنت قاعد بتفرج هنا .
هند : خدت بالي .
سيف اتعصب وقور ايده ورفعها علي هند وداس علي سنانه بحركه عصبيه ومسك نفسه بالعافيه : خرجي العيال يلا ،.
هند : فكرتك هتقول حاجه تانيه .
سيف : لا برضوا انا اقدر .. انجزي ياهند خلينا نخلص في يومنا دا .
" سيف قال الجمله وساب هند وخرج برا ، هند بدأت تهدي في الأطفال وخرجتهم كلهم وفضل طفله واحده كانت خايفه ومش راضيه تتحرك ، هند قعدت جمبها تواسيها ..
هند : حبيبتي متخافيش قومي عشان اوديكي عند ماما ، مش انتي عاوزه تشوفيها ، يلا عشان اجبلك شيكولاته....
" هند في نص كلامها لقت مسدس علي راسها من ضهرها..
هند بخوف : سيف متهزرش .
واحد من العصابه : سيف مين ياحلوه ،.
هند بخوف : واحده واحده لو سمحت ، انا لو عيطت محدش هيعرف يسكتني ،.
الراجل : وكمان دمك حلو ، دا احنا يومنا حلو " وكمل بزعيق " قووومي.
" هند وقفت بخوف لقت طلقه خرجت من مسدس ، هند صرخت ولفت وشها ببطء لقت الراجل مرمي علي الارض وسيف واقف بمسدسه .
سيف بثقه : كد واحده قصاد واحده .
هند بصوت مرتعش : لا عاش .
سيف : واسطة اي دي يشيخه اللي تبهدل الواحد معاها بالشكل دا ، هاتي البنت ويلا ، احنا جاهزين عشان نمشي ..
هند برعب : حاضر ، وكملت في نفسها : كنت هموت ، كنت هموت ، اااع.
_____
" عند اميره ف المطعم "
اميره استغربت لما ريان مشي ومستناش حتي لما تشكره ، وازاي وشه اتقلب لما عرف انها متجوزه لا ومخلفه كمان ، اميره حاولت تشكره لما تروح الشغل ، بس اتفاجئت من السكرتيرة لما وقفتها ومنعتها انها تدخل للمدير واخدت منها فنجان القهوة وقدمته هي ، ..
فضل الموضوع دا لمدة أسبوع والمدير رافض ان حد يدخله بالخصوص أميره ،.
____
_يوم خطوبة ياسمين وعدي_
أنت تقرأ
كيان حوا " بقلم الكاتبه نورهان البادي "
Romantizmزي مافي بني ادم فيه بنات حوا . وكلنا ف الاخر انسان. ولكل حوا كيان . " رواية كيان حوا " للكاتبه نورهان البادي.
