كيان حوا " بقلم الكاتبه نورهان البادي "

الفصل ال6

رواية " كيان حوا "
الفصل ال 6.
بقلم الكاتبه : نورهان البادي .

_إكرامًا لجمال وجهك إياكِ والعبُوس_
___
ياسمينا واقفه مصدومه وبتبص للرسمه وبتركز فيها يمكن تكون شايفه غلط فجأة لقت الرسمه بتتشد من ايديها بعنف "
رحيم بتوتر : اي اللي خلاكي تدوري في حاجاتي.
ياسمينا : لا لا متوهش في الموضوع " وكملت " اي بقا اللي انا شوفته دا .
" رحيم اتوتر ومعرفش يقول اي ، وعنيه فضلت تدور في كل الاوضه الا انها تيجي ف عين اخته "
ياسمين بهدوء : انت ازاي تخبي عني حاجه زي دي ، ازاي بجد مش فاهمه ،.
رحيم : خلاص بق ياياسمين ، هو موضوع واتقفل من زمان بس مش عارف ايه اللي فتحه تاني .
ياسمين : لا انت تقعد وتحكيلي بق .
" رحيم خد نفس وقرر يحكيلي  انه بيحب سما من سنين ولما قرر ياخد خطوه ويعترفلها عرف من اخته انها بتحب حازم وهيتخطبوا وقرر انه ينسي الموضوع ويبعد ، وبعد مكان مفكر انه نساها قلبه دق اول معرف انها سابت خطيبها ونفس الشعور اللي دفنه من سنين رجع و عاش ف قلبه تاني "
ياسمينا بدهشه : كل دا ومقولتليش ، طب ياخي كان ممكن اساعدك ، كان ممكن اعمل اي حاجه ، انما تخبي عني حاجه زي دي .
رحيم بزهق : يووه خلاص بق ياياسمين اهو اللي حصل " وكمل " دلوقتي قوليلي اعمل اي انا لسه بحبها وخايف اقولها تاخدني طريقه تنسي بيها الزفت اللي كان خطبها دا وخايف اسيبها حد تاني ياخدها مني ،.
ياسمينا بتفكير : امم هي لازم تحبك في أسرع وقت ،.
رحيم : تفتكري هي ممكن تحبني .
ياسمين : ومتحبكش ليه بق ان شاء الله !! واقولك بق علي حاجه .
رحيم : قولي
ياسمين : هي كانت بتحبك م زمان من قبل ماخطيبها دا يدخل حياتها ، بس هي لقتك منفضلها فقررت تبعد وتنساك فممكن دا يساعدنا ، ومين عارف ميمكن كانت مخطوبه لخطيبها دا عشان تنساك بيه .
رحيم بصدمه: بجد !!! قد اي انا غبي وضيعتها بغبائى دا .
ياسمين : منت لو كنت قولتلي كنت ظبطك انما انت خبيت عني تستاهل .
رحيم: خلاص المهم بق هنعمل ايه !.
ياسمينا : سيبها عليا " وكملت بفرحه " طلعت بتحب يارحيم وواقع ،، ونلبس فساتين بق وهيييي .
رحيم بضحكه : هتلبسي فساتين فعلا ، بس فستانك انتي ، عدي جاي بكره يقعد مع ابوكي ،.
" وقفت مكاني مصدومه ونسيت انا كنت جايا لي اصلا واتحججت لرحيم ان انا هدخل انام لكني معملتش كد بالعكس فضلت صاحيه للفجر بفكر ، هو عدي ممكن يكون بيحبني فعلا ! وقررت ف الاخر اسأله هو السؤال دا .
_____
اليوم التالي "
في منزل اميره .
" اميره صحت متأخر "
اميره بزعيق : حرام عليكي يماما مش عارفه تصحيني  ، اعمل اي دلوقتي ميعاد الشغل فاتني ، و لسه يوسف ورنا مجهزوش للمدرسه .
رشا : اللي وراه حاجه يقوملها يحبيبتي .
اميره بعياط : لي كد يماما ، هترفد انا شكلي كد .
" اميره جهزت أولادها بسرعه وجهزت وطلبت من البواب بتاع العماره يوصل أولادها للمدرسه ، وهي ركبت مواصله وطلعت علي الشغل وقلبها مقبوض .
" في الشغل "
ريان وصل وسأل علي اميره لقاها لسه مجتش وطلب منهم لما تيجي تطلع علي مكتبه ... اميره وصلت وبلغوها ان المدير عاوزها.
اميره في نفسها : اترفدت انا عارفه انا فقريه طول عمري .
" اميره قربت بخوف والسكرتيره قالتلها تدخل.
اميره داخله مرعوبه بس خوفها راح لما شافت الإبتسامه علي وش ريان .
ريان : اتأخرتي كده لي ، ينفع كد دماغي مش فيا ولا عارف اشتغل ولا عارف اركز غير لما تيجي.
اميره بتوتر : لي بس كد .
ريان : القهوه بتاعتك يستي ، قلبه دماغي، يلا عاوز بق فنجان يخليني اخلص كل الشغل اللي مستني دا .
اميره بإبتسامه : طبعا ، واسفه جدا علي التأخير بس والله مش هتتكرر تاني .
ريان : ولا يهمك .
" اميره لفت وشها عشان تمشي ريان وقفها "
ريان : اميره !! انا بعتذر لو كان طلبي امبارح اني اوصلك ضايقك .
اميره : لا بالعكس ، انا اللي اسفه علي طريقة ردي مكنش قصدي ، وكمان حبيت اشكر حضرتك جدا علي اليونيفورم بجد شكرا ..
ريان : لا اهم حاجه رضاكوا  ،و متتأخريش عليا ف القهوه بق .
اميره بإبتسامه : فوراا .
____
في القسم .
" سيف وهند قاعدين بيتكلموا ، وهند بتحكيله علي صحابها "
هند : وبس كد يسيدي ومن وقتها واحنا صحاب ، والظروف بق ودت كل واحده في حته ، بس احنا مع بعض دايما ،.
" سيف مركز معاها ومع طريقة كلامها .
هند بعفويه: وانت بق عندك كام صاحب .
سيف انتبه : يعني كلهم معارف سطحيه .
" العامل كان داخل بالشاي هند اول ماشافته جرت عليه وخدت منه الشاي "
هند : تسلم ايدك ياعمي محمود ، تاعب نفسك لي بس .
محمود : ربنا يحميكي يبنتي واشوف ولادي زيك .
هند : ربنا يخليك ياعمي محمود .
" هند خدت الشاي وقدمته لسيف اللي كان قاعد مبتسم .
سيف بيبص لهند والابتسامه علي وشه : هو انتي ازاي  كد !
هند ضحكت : كد ازاي مش فاهمه.
سيف : مختلفه ، كل حاجه بتعمليها مميزه ، انتي نفسك مميزه ،.
هند : ودي حاجه حلوه ولا وحشه .
سيف : دي حاجه جميله .
هند ضحكت : طب اشرب الشاي يلا عشان مش يبرد .
____
في المطعم .
" اميره بتودي الطلبات للزباين وفيه زبون عمال يضايق فيها ويتغزل في جمالها " يعاكسها يعني " وهي متجاهلاه لحد ما اتجرأ ومسك ايدها .
اميره شدت ايدها وضربته بالقلم علي وشه ، الشاب اتعصب وقعد ينادي " فييين المدييير .
واميره واقفه بتعيط .
ريان خرج من مكتبه يشوف في ايه !
ريان بص لقي اميره بتعيط والشاب واقف بينادي علي المدير.
ريان بزعيق : في اي!!
الشاب : البت دي تترفد حالا ،.
ريان : اهدي بس ، اي اللي حصل.
الشاب : قلة ادبها عليا ، وضربتني بالقلم ، كل دا عشان بقولها تحترم نفسها بدل مهي في الرايحه والجايه تبصلي وتغمزلي وشغل محن كد ، شغل بنات اليومين دول يعن....
ريان قاطعه ببوكس في وشه قلبه علي التربيزه كلها ، وبعدها نزل ضرب فيه ونادي علي الحراس يرموه برا المطعم .
ريان بتهديد لكل اللي قاعدين : الزبون مش دايما علي حق واللي يقعد هنا يقعد بإحترامه ،" وبص لاميره وقالهابصوت هادي : كملي شغلك ،" وطلع علي مكتبه بعصبيه وقفل المكتب وراه "
" البنات اللي شغاله ف المطعم "
_ هو ماله كد يختي من امتي والزبون مش علي حق دا كان بيرفد طقم عمال كامل ويجيب ناس غيرهم لو زبون اشتكي من واحد بس .
= انا سمعت يختي انه معجب بالبت دي ، انتي مش شايفه حلاوتها طافحه عليها ازاي ، اوعدنا يااارب .
_____
" في منزل ياسمينا "
ياسمين : بص يارحيم سما بتقفل تلفونها طول اليوم ، انا بعتلها رساله مش هتشوفها ، بطلب منها بلوزه كد معينه بحب اخدها منها علي طول انت تروح وتستناها لما تخلص شغلها وتروح معاها علي البيت توصلها وحاول بق تفتح اي موضوع انت وشطارتك بق ،
رحيم : والله انتي اجدع اخت ، اجهزي بق عشان عدي زمانه جاي .
ياسمينا بعناد : واجهز لي ، وبعدين خلي اليوم دا يعدي لاني مش طايقه نفسي اصلا .
" الجرس رن وكان عدي ''
رحيم : اهو وصل ، اجهزي يبت لما اطلع اقعد معاه انا وابوكي .
ياسمينا: لا سلم عليه وروح لسما قبل ما تروح من شغلها .
رحيم : طب اسيبك في يوم زي دا ازاي ، دا اول عريس نتفق معاه .
ياسمينا : يعم روح بس متعطلناش ،.
رحيم: خلاص هسلم عليه وامشي،.

____
" في المستشفي "
" رحيم بيدور علي سما وواقف لقاها خارجه من غرفه عمليات والبالطو لابساه والسماعه علي كتفها وبتكلم في الممرضه وبتفهمها المريض محتاج ايه ... سما رفعت عنيها لقت رحيم واقف قدامها انصدمت في الأول وبعدها اتوترت وحاولت تبان عادي وقربت منه .
سما : ازيك يارحيم ، انت بتعمل اي هنا ، اوعي يكون حد جراله حاجه .
رحيم : لا انا جاي علشانك .
سما بعدم تفهم : ازاي يعني .
رحيم بتوتر ولخبطه: لا لا اقصد جايلك ، هي ياسمينا مقالتلكيش ، أصلها قالتلي انها قالتلك أنها عاوزه منك بلوزه او حاجه زي كد وقالتلي اجي اخدها منك .
سما : لا ثواني يمكن تكون بعتت حاجه وانا مش واخده بالي ..
" سما فتحت التلفون لقت رساله من ياسمين عاوزه منها البلوزه "
سما : يخبر دي بعتالي رساله فعلا ، طب هي مش عارفه يعني تقولي قبلها ، طب انا كد هضطر اتعبك معايا لإني لسه هروح اجيبها من البيت ، خلاص يارحيم تقدر تروح انت وانا هبعتهالها بكره .
رحيم بإستعجال : لا لا تعب اي ، وبعدين دي محتاجاها ضروري دي حتي مش راضيه تقابل عدي غير وهي لابساها اصل هو عندنا دلوقتي بيتفقوا وكد .. احم.
سما ضحكت : خلاص يارحيم ، بس انا لسه قدامي كذا حاله كد اخلصها بس .
رحيم : لا لا خدي وقتك خالص ، انا مستني.
سما بإبتسامه : مش علي اساس انها عاوزاها ضروري .
رحيم : متلبس اي حاجه بق هي هتستهبل .
سما ضحكت : تمام يارحيم 10 دقايق ونمشي .
رحيم: وانا مستني " وكمل في نفسه " لو هستنا العمر كله.

بقلم الكاتبه : نورهان البادي.