كيان حوا " بقلم الكاتبه نورهان البادي "

الفصل ال 4

رواية " كيان حوا "
بقلم الكاتبه : نورهان البادي.
الفصل ال4.

" _احتفظ بجزء منك لا يقرأه العابرون_.

____
" أمام فندق كبير ، اميره واقفه ومتردده تدخل ، لحد ماستجمعت قوتها ودخلت "
اميره بتردد وقفت جارسون مش عارفه تبدأ منين : حضرتك .. سمعت انكوا محتاجين حد يشتغل صح ولا اي!
جارسون : انا كنت اعرف اسألي المدير .
اميره : طب وانا اوصل للمدير ازاي ؟
جارسون : مكتبه في الدور التاني ف الاخر ، بس خلي بالك عشان تنك حبتين .
اميره : تمم شكرا .
" اميره قربت من السكرتيرة.
اميره : ممكن اقابل المدير .
السكرتيرة  : اقوله مين !
" اميره واقفه متردده ومش عارفه تقول اي ؟ اول مره تتحط ف موقف زي دا ..
" تلفون السكرتيرة رن .
السكرتيرة: الو يافندم ، حاضر يافندم حالا ..
" اميره بصتلها عشان تقول للمدير انها عاوزاه .
السكرتيرة بتفهم : صحيح يافندم في واحده عاوزه تقابل حضرتك بتقول اسمها ..!
اميره بسرعه : اميره .
السكرتيرة: اميره يافندم .. تمم يافندم .
" وقفلت الخط .
السكرتيرة : انا اسفه جدا المدير رفض المقابله .
" اميره بحزن ومعرفتش تتكلم فضلت واقفه مكانها، والسكرتيره سابت المكتب وراحت تجيب القهوه اللي المدير طلبها منها .
" اميره واقفه متردده ومش عارفه تمشي ولا تستني فرصه تانيه لحد ما صعب عليها نفسها وقررت تمشي ، فجأة الباب فتح وخرج منه المدير اللي كان باين عليه مستعجل وبيتكلم في التلفون  لدرجة انه مخادش باله ان اميره واقفه .
اميره بإستعجال : لو سمحت .
" فجأة المدير ( ريان ) بص لقي واحده في منتهي الجمال واقفه ومتوتره وايديها مشبكه في بعضها ،.
اميره بتوتر : انا كنت عاوزه اقابل المدير .
ريان نسي المكالمه اللي في ايده وتنح: ايوه ، انا .
" اميره بإستغراب علي عكس تخيلتها تماما ، كانت متخيله انها هتقابل واحد كبير ف السن شعره ابيض  ، انما لقت واحد في سن ال 30 جسمه زي جسم الابطال واقف بكل ثقه وشعره الاسمر ومفهوش ولا خط ابيض علي عكس تخيلتها تمام ..
اميره مستغربه وكملت بتوتر : ايوه كنت جايه عشان شغل .
ريان : تمام اتفضلي هنا ولما السكرتيرة تيجي خليها تسلمك شغل ف المطعم تحت ..
اميره بفرحه : بجد ! شكرا اووي .
السكرتيرة: اتفضل قهوتك يافندم .
ريان : انا مستعجل دلوقتي ، قدميها للانسه وسلميها شغل ف المطعم واكتبي إسمها في القايمه .
السكرتيرة بإستغراب : حاضر ي فندم " وبصت لاميره وكملت : اتفضلي .
"ريان بص لأميره وابتسم ومشي .
اميره : هو انا اقدر استلم الشغل أمتي .
السكرتيرة : بكره .
____
في اليوم التالي .
" في منزل هند .
اميره: انا قولت اجي اشوفك بلبس الظابط قبل متروحي الشغل .
هند بتجهز عشان تلبس : بذمتك مش تحفه عليا.
اميره: مش متخيله فرحانه بيكي ازاي .
هند : انا اللي مبسوطه انك لقيتي شغل ، هتمشي من هنا علي هناك علي طول صح .
اميره : ايوه وخليت عمي أحمد البواب يروح يجيبهم كل يوم من المدرسه مقابل مبلغ كد اتفقنا عليه .
هند : حلو اوي ، صحيح امك عملت اي لما عرفت انك لقيتي شغل!
اميره : مكنتش مصدقه كانتمذكراتي بسكتها ، ولما اتأكدت استغربت ورمتلي كلمتين كد ودخلت نامت .
هند : والله امك بتحبك بس هي اللي خايفه عليكي .
،تعالي بق نلحق الشغل قبل منترفد احنا الاتنين .
اميره: هو انا اشتغلت عشان اترفد ، بلا وكسه .
____
في منزل ياسمينا.
العيله متجمعه علي الفطار .
ياسر: عدي صاحبك كلمني وطالب ايد اختك انت اي رأيك فيه يا رحيم .
رحيم بص لاخته اللي كانت ساكته علي عكس طبيعتها اللي بتزعق اول متسمع سيرة الموضوع : عدي شخص كويس جدا يابابا ، بس ف الاول والآخر رأي ياسمينا .
ياسر : وانتي اي رأيك ياياسمينا.
صفاء : هي دي عايزه تفكير هو في احلي ولا أجمل ولا في ف ادب عدي ، طبعا موافقه .
ياسمينا بزهق : خلاص اتجوزيه.
ياسر بزعيق : بنت ، ادخلي اوضتك وانا هتفق معاه سواء برضاكي او غصب عنك ، يلا امشي ادخلي اوضتك .
ياسمينا بعياط : دي مبقتش عيشه بجد .
" وزي كل يوم يحصل مشكله علي الفطار تدخل اوضتها وتقفل الباب والباقي ينزل علي شغله "
____
ف القسم .
" هند وصلت علي شغلها متأخر ربع ساعه ودخلت المكتب "
هند بعفويه : صباح الخير.
سيف بغضب : انتي اي اللي اخرك ،.
هند بإستغراب : اصل مكنش فيه مواصلات وكد واتأخرت غصب عني .
سيف بعصبيه: مفيش الكلام دا هنا ، انتي مش شغاله لوحدك احنا تيم واحد ، تخيلي لو كانت جت مهمه كنت هعمل اي ، كنت استني حضرتك لما تيجي مش كد ، لما تبقي شغاله لوحدك ابقي تعالي براحتك، انا مش عارف لي خلوكي معايا ، هو مفيش غيري اشيل ام المسؤليه دي .
هند بضيق : علي فكره بق انت لو مضايق اننا تيم واحد انا هروح حالا لحضرة النقيب واخليه ينقلني ويعفيك ياحضرة ، وبعدين مسؤلية اي دي هو انا بنت اختك ، انا زيي زيك بالظبط علي فكره .
"سيف اضايق وكان هيرد، التلفون رن وسيف رد_
سيف لهند : ورانا مهمه ، يلا .
"هند تجاهلته وخرجت من المكتب بكل عصبيه_
سيف ف نفسه : مش هنسلك مع بعض لا ،.
هند في نفسها بعصبيه : مغرور ، متكبر ، شايف نفسه مش عارفه علي اي ، رخم ، الخ .
" هند وسيف ركبوا العربيه لحد ما وصلوا منطقه مقطوعه فيها مصنع كبير باين عليه مهجور وحواليه صحرا كبيره ،.
هند بإستغراب : اي المكان دا.
سيف بحذر نازل من العربيه : خليكي انتي هنا ، هندخل نخلص ونطلع علي طول .
هند بصدمه : هنا مين ، انا رجلي علي رجلك .
سيف بعصبيه رجع تاني العربيه وقال: هند ! لو سمحتي متعصبنيش ، المكان دا خطر فيه أخطر عصابه تهريب مخدرات وتجارة أعضاء ،.
هند بثقه : منا عارفه انه خطر ، وعارفه ان الشغلانه كلها خطر ، وانا قدها وجايا معاك .
سيف بعصبيه: انا خايف عليكي ياهند افهمي بق ، لو دخلت بيكي مش هعرف اركز معاهم ولا معاكي وكل لما اسمع ضرب نار هبص عليكي والله اعلم ممكن منطلعش.
هند : تبقي المشكله فيك بق مش فيا .
سيف بزعل : تمام انا غلطان اصلا اني خايف عليكي  .
هند بضيق : يووه بقي يا حضرة الظابط ، طب اتفضل وانا هستني هنا بس لو اتأخرت هدخل .
سيف بتحذير : اوعي تنزلي ياهند ، خلي بالك من نفسك لحد مرجع .
هند بزعل : تمام وانت كمان هه.
سيف : يلا يارجالة " وكمل في سره " اي اللي انا بعمله دا ، متنزل ولا تعمل مش عارف خايف عليها كده لي !
____

في الفندق اللي فيه المطعم اللي اميره بتشتغل فيه .
" اميره استلمت الشغل وبقت جارسون في المطعم وبتقدم طلبات للناس .
" تلفون اميره بيرن "
اميره : الو ياهند انتي يبنتي مش فالشغل  .
هند بملل : ايوه يبنتي ، البيه اللي انا شغاله معاه سيبني في العربيه بقالي مده ودخل للعصابه لوحده ، وسايبني هنا .
اميره : يبنتي انتي محسساني انك بتلعبي ، دا حياة او موت ، ادخلي شوفيه كد يمكن يكون جراله حاجه.
هند بخضه : يالهوي تصدقي ممكن يكون جراله حاجه ، دا بقاله اكتر من 10 دقايق جوا ، سلام سلام .
اميره : مجنونه البت دي ولا اي ؟
_*****_
عند ريان_
ريان : هي البت اللي جت امبارح دي استلمت الشغل .
السكرتيرة: ايوه يافندم.
ريان : تمام شوفي شغلك .
السكرتيرة بإستغراب : ماله دا هو كمان ، ناقصاه .
_*ريان نزل لاميره ف المطعم وشافها من بعيد وكان باين عليها التوتر ومضايقه من اللبس اللي لابساه ، وقرر يقرب منها يشوف مالها .
ريان : اخبار الشغل معاكي اي .
" اميره اول ماشافته اتوترت ومعرفتش تتكلم "
ريان : مالك .
اميره : مفيش يافندم ، الشغل لذيذ والله ، انا متشكره جدا .
ريان بإستغراب : حاسك كد متوتره ، في حاجه مضايقاكي !.
اميره : لا ... اه " وكملت بكسوف "هو بصراحه الاسكيرت قصيره اووي ومضايقاني دا غير انها ضيقه وبجد مش واخده راحتي ،.
ريان خد باله انها قصيره ، بس مجاش ف باله ان الموضوع هيضايقها .
ريان بتفهم : خلاص تقدري تتدخلي تغيري اليونيفورم وتلبسي اللبس اللي جايا بيه ، وبكره هتلاقي استايل تاني ، هستورده مخصوص عشانك " وكمل " اقصد يعني عشان الموظفين اللي هيضايقوا .
اميره بفرحه : شكرا بجد ، طب هو انا هقدم الطلبات بلبسي عادي كد .
ريان بتفكير : لا،  اعتبري اليوم فري النهارده واهو فرصه تتعرفي علي الشغل من بعيد ، بتعرفي تعملي قهوه طيب !
اميره بثقه : اكيد  .
ريان : خلاص اعمليلي فنجان قهوة وطلعيه لمكتبي فوق ، " وختم الجمله بإبتسامه خلت اميره واقفه ف مكانها سرحانه لحد مابعد واختفي عن عنيها ودخل مكتبه "
____
"سيف ماشي ف المكان بحذر وبيحاول يقتل اي حد يظهر قدامه ..
فضل ماشي هو والاتنين اللي معاها ، وأشار لهم  يتحركوا في اتجاهين متضادين ، سيف وصل لآخر دور ف المصنع بعد ما قتل كل اللي هناك ، وفاضل واحد بس ، رئيس العصابه ، سيف كسر الباب ودخل بحذر وماسك المسدس لحد ما لقي مسدس علي راسه .
سيف وقف بثبات.
المجرم : ارمي مسدسك .
سيف بثبات وطي علي الارض وفجأة لف ومسك ايد المجرم ورمي منها المسدس ، وبدأ الضرب يشتغل بين الاتنين ، والمجرم مكنش سهل بردو ، سيف حاول يمسك مسدس من ع الارض المجرم رماه بعيد ومسك هو المسدس وكان هيضغط علي الزناد لقي مسدس جمب راسه .
هند : العو جه العو حضر  .
سيف ضحك في نفسه " ابو شكلك هبله.
هند : جرا اي ياحكومه ، هتعترفوا بينا امتي بق ، منور ياحظابط.
سيف خرج الكلبش وحطه في ايد المجرم ؛ وبص لهند من جمب  : اي اللي جابك .
هند : اتأخرت قولت اجي اشقر عليك .
سيف ضحك وزق المجرم قدامه ومشي ، وهند نفخت ف المسدس بثقه  ،وكملت : ماشي ياحظابط .

بقلم الكاتبه : نورهان البادي.