شباك الحب

البارت الثاني

البارت الثاني

للكاتبه زهراء المياحي

~'~'~'~'~'~'~'~'~

سامر: جانت امي تبسطني من جنت أصغير لأن وگيح وصعب وما أسمع الكلام بيبي رحيمه تسمع أني متعارك تاخذني يمها وتنيمني بمكانج من شفتج الصبح تذكرتها هي هم هيج جانت تدللني مثلج وتشتريلي واجت فترات ردت اترك الدراسه بس مقبلت وساندتني وصلتني للي اني بي وبسببها تزوجت الانسانه الي احبها... بعد شلون مااحبها

مريم: كلامه فرحني بس من وصل للانسانه الي احبها شبه ابتسامتي اختفت
رجعت حضنتي بيبي مبتسمه؛ بيبي اني هم من اكبر اوصل مرحله راح اعتني بيج مثل سامر

سامر: اكيد

مريم: شفتها تريد تدمع بس بدلت السالفه من بره تبين انسانه صعبه وعصبيه وكلمته متصير ثنين بس من جوه عباره عن كتله حنان مايوم سمعت احد بهل البيت كراها او حجه عليها
هو صار وقت الغده واختفى يوم ثاني كعدت ضايجه ارتب جنطتي راح ارجع للبيت اليوم دوامي؛ حچيت بزعل بيبي شلون غير يجي سامر يضربج ابره شنو نسيتي ابره السكر كلش مهمه خاف اروح للدوام ومحد موجود

رحيمه: يمكن مشغول لو بالشغل اني اضربها هي بسيطه شنو يرادلها اني اضربها برجلي ميرادلها شيء

مريم: نص ساعه اسمع صوت باب المطبخ نفتح دخل من شافني بتسم عكدت حواچبي؛ وين چنت؟ بيبي چانت محتاچتك دخل للاستقبال يحچي بلا مباله

سامر: چان عندي شغل

مريم: ردت اتصل بيك بس رقمك ماعندي بيبي رادت تضرب ابرتها معرفت شلون اجرها الها وهي ما متعلمه عليها وعمو طلع للشغل هو هز راسه وراح طب جوه وكفت اباوعله حرامات اليوم حرجع للبيت اكره المدرسه حطيت راسي ع الباب منتبها ع كل حركه يسويها هو كام طلع تلفونه

سامر: هذا رقمي

مريم: حاولت اخفي ابتسامتي اخذ تلفوني سجله وانطاني اياه كتبت ع رقمه سامري بتسمت اله شنو كتبت ع رقمي؟

سامر: ها بعدني ماكاتب شي

مريم: دكيت علي هز راسه يعني استلمه " كولي شنو كتبت "

سامر: مريوم

مريم: خجلت

سامر: ياله مريوم اني رايح اي شي تحتاجه اتصلي بيه اجيبه

مريم: هزيت راسي بنفي؛ مراح ابقى هنا راح اروح للمدرسه

سامر: ها وإني توقعت تبقين هنا حتى أي شي تحتاجه بيبي تتصلين بيه ياله مو مشكله من تجين

مريم: عافني وراح بدون ميسئلني ياصف بيش دوامج ظهري صباحي رحت كعدت يم بيبي انتظر ابوي شوي واجه اخذني للبيت وهيج استمر الدواَم متحمسه كلش لليوم الخميس الجاي حتى اروح اشوفه

_دخلت رقم سامر بالواتساب وبالتلي وربطت حسابه بجهات الاتصال دخلت ع صفحته بالانستا ماناشر شي واصلا متابعي قليلين اني بس متابعيني ١٢ الف