شباك الحب

البارت السادس

البارت السادس

زهراء المياحي

×~×~×~×~×~×~×

_فتحت عيوني بثگل ما اشوف بس سقف المطبخ بشكل ضبابي جسمي كله ميتحرك شوي شوي حسيت باطرافي حسيت بلمسات امي لتفت هي لازمه ايدي وحايره بيه وجها اصفر شفايفها يابسات من لتفت الها اتفحصها عيونها دمعت نضرتلي بنضره تتوسل بيه أطلع منا واخلصها من هذا العذاب نضراتها حركتني حرك حجيت بتعب..اتصلتي ع عمو؟

ام مريم: هسه يجون عليچ

مريم: غمضت عيوني ليش نهاريت ليش مبقيت كاتلتهم ليش مامخلت نسوان خوالي وادبتهن ومرمرت بيبيتي ليش وكعت
وبينت نقاط ضعفي... بوسط افكاري واجه ع بالي سامر!!
لحظه قبل لا اوكع هو جان موجود فتحت عيوني لتفت الها
ماما وين سامر عكدت حواجبها باستغراب

ام مريم: سامر؟؟؟

مريم: صفنت بيها يعني مااچه لهنا؟!

ام ريم: شيسوي هنا؟ ماكو يمتى

مريم: كمت ع حيلي سندتني لتفت فرح كاعده يم ماما وساكته عيونها مورمه من البجي لتفت محد بالمطبخ اني الهم الچلاب وكفت ع رجلي والدوخه بعدها قادتني وكعدت ع الكرسي دقايق وندك الباب راحت تفتحه طلع خالي باستعجال وراها نزلت مرت خالي لازمه راسها شبيها هاي منو كللها جاين علي حت تشكي طلعت بره امده حضي كمت ع حيلي غسلت وجهي بسرعه بمي بارد اصحصح واشوف دربي واكطعهم اخذت ايد فرح وطلعت

قادر: مررررريمم عمووووو مريم تعالي

مريم: طلعت من المطبخ چان بره عمو قادر وابو سامر وادهم چريت حسره وطلعت قربت يمهم هما ضايجين

ابو سامر: شلون صرتي؟! اوديج للمستشفى

فالح: كلشي مابيها ادب سززز بس اجت خبصت البيت خبص بنيه بلا تربايه الي يسمعها يكول خوش بطولات تسوي

قادر: مريم شمسويه؟؟

مريم: لتفت لخالي بعد ما طمنت عمامي هنا...بطولات طبعا يحتاج بطل حت يادبكم عاط بيه خالي وقرب لزمني عمي قادر من ايدي ودفعني وره ظهره لتفت لخالي اخوزر بي

فالح: كدامكم هاي كدامكم!! استقوت بيكم

مريم: عطت بي لا استقويت ولاشيء من البدايه انتو تحتاجون جره اذن

ابو سامر: مررررريم نصي صوتج واحترمي الاكبر منج عيب هل السوالف ياااله

مريم: سكتت كتفت ايدي بعدم رضى... طلعت امي وبيبي ومرت خالي تبجي لازمه خدها

فوزيه: ليش هيج ليش؟؟ بتكم جايه تضرب بينا وهاده ع ولدنا حت عمتي متحرمت تعيب ع شيباتها انتو تربون بناتكم زين لو كلهن هيج

ابو سامر: تضرب!!

مريم: رديت عليها طبعا يربون بناتهم لدرجه كل بنيه منا تسوه الف رجال منكم رجع عمي عاط بيه لتفت عمي قادر يسكت بيه