شباك الحب

البارت الأخير

شباك الحب

للكاتبه زهراء المياحي

™~™~™~™~™~™~™~

_اشكد چنت ولا مهتمه لسالفه الأطفال والمسؤليه وهذا كله ميهم بس وكت ما فقدت الي بطني عرفت
نفسي مو كد هاي المسؤليه الچبيره... الزواج عمره مچان شيء سهل وبس البطله تطلع منا سالمه مو الكل يتوفق بي... خاصه واحنا عايشات بمجتمع عربي وليس إسلامي...

_هل المجتمع يخادنا بدله عرس زفه فستان قاعه ذهب ترتاحين... رجلج يمج... يدفي بالشته!!!
بس تتزوجين تگبرين بعين الناس وأهلچ شوف
هاي متزوجه هاي مسويه انجاز عظيم هاي قدوه
مستقبل!!! حلقه فتره خطوبه يشتريلي هدايه يطلعني مرتاحه وياه وبعدين!!

_دائماً نركز ع الجانب الايجابي للزواج ناسين اهم جانب الي هو السلبي... بعد الزواج شنو!!
هيچ اني فكرت من تزوجت ردت واحد يمدح بجمالي ردت شخص يونسني بليل ويسولفلي واشكيله واسمع منا... جنت منقصه حنان وردت بدله وزفه وعرس وحلقه وهوسه ومثل القصص الأمير الي من تطلعين يغار عليج الي يسولف بس بالرومانسيات امير الغرام.... مفكرت من اتزوج لازم اتحمل عيالي وعمتي لازم احط بالي فكره الطفل والاسقاط والمسؤليه والخ....

_لهذا السبب انهاريت ونهياري تعبني اهواي عرفت حقيقه الي سويته عرفت المسؤليه وعرفت خطئي الچبير... لذالك تقدمت خطوه صعبه وكتبت قصتي
لو موعيت ع خطئي چان سويت نفسي اني البطله النقيه التقيه... وسويت خلود الشريره الي تكره سامر والي تعذبه... واني كل الحق الي من اخذته من مرته
بس مسويت... كتبت كلشي ع حقيقته ماحرفت ولا حدث واحد لان جايه اعتذر واعترف بغلطي مو للناس لا اني اعترف لنفسي ولربي...

_سمعت اهواي حجي واهواي تبهذل من الكل بس مهتميت ليش؟! لان وصلت قناعه الإنسان الي يغلط ويتعرف بغلطه ويطلب المغفره من ربه والتوبه يستحق يعيش مره ثانيه يستحق يكمل حياته...

_وارجع واكول لو ردت تنشهر قصتي اكثر چان سويت نفسي البطله المؤمنه الي ينحلف براسها
القويه الي عمرها متخطئ وتغير البطل وتمشي ع الطريق الصحيح...

_انقل هل القصه واتمنى من اعماق اعماق گلبي ياخذوها ع محمل الجد خاصه الي بعمري ماريد
انسانه تترك دراستها ومستقبلها لخاطر راحه مؤقته
وي الزوج ما اريد وحده تغلط غلطي وتاخذ رجال من زوجته حته لو مچان مرتاح وياها حته لو يحبني وميحبها تبقى المراه الها گلب وينكسر تخيلت نفسي مكان خلود وهيج سامر يكسرني اشكد تاذيت... لذالك اتمنىٰ متغلطون غلطي

°°°°°°°°°°°° ..... °°°°°°°°°°°°

_لزمت حامل المغذي وامشي وهي ساندتني طلعت محد موجود بس ابوي وعمي ابو سامر... اشوف انكسار ابوي هاي ليش هيج يباوعلي؟! عمي ابو سامر وجها تعبان واصفر مشيت ماحجيت شي
طلعت من المستشفى رجل امي واكف قرب سلم وحجه وي امي تحمدلي السلامه واني لتفت ابوي يباوعله كوه كاتمه دموعي ماتنزل بدي ادفع رجل امي واكله بعد امي لابوي بس