شباك الحب

البارت العاشر

البارت العاشر

للكاتبه زهراء المياحي

™°™°™°™°™°™°™°

مريم: ابوي وامي قرر يطلعون وحدهم لاربيل أسبوع كامل وياخذون راحتهم فگال ابوي ابقي انتي وفرح يم بيبيتچ اسبوع ونرجع كلش ضجت اني روحه ما أريد اروح لهناك ما اريد اشوف لاسامر ولاادهم... لأن أريد اتچنبهم حضي هيج يسوي وياي!

_لميت ملابسي اني وفرح وصلنا ابوي كعدنا يم بيبي هي ساكته اني هم تعبت مو مثل قبل اشاقي واضحك واتدلع والسن احس طاقتي خلصت خاصه بعد ما الكل يباوعلي بنضره شلون رفضتي الموقر ادهم الملك

مريم: وكت عصر اتصلت بماما گلتلي باجر الصبح نطلع لاربيل طمنتها ع فرح وسديته اجت فرح يمي فرشت اوراقها والوانها ترسم كعدت بالأرض يمها الون دخلت خلود

خلود: هلو مريوم شلونج

مريم: رديت عليها واني مدنكه الون وي فرح... هلو

خلود: هاج عمه هاي شوربه الدجاج الي كتلج عليها كلش طيبه اشربيها زينه لصحتج

رحيمه: عاشت ايدج

فرح: مريم نرسم هنا ورده حمره

مريم: اي ونرسم هنا وحده خضره نسويها حديقه
نفتح الباب اجاني صوت ادهم

ادهم: خلود سامر اتصل علي يكول راح اتاخر بالجيه لاتحسبون احسابي بالعشه

مريم: يحجي واني مدنكه مرفعت راسي ابدا
خلصنا اني وفرح رسم هي راوتها لبيبي ورجعت كعدت يمها نباوع بالتلفون صار وكت العشه اخذت فرح وتعشينا ساعدنا عمتي سماح بالماعين اني وفرح ورجعنا كعدنا يم بيبي بالتعسه هي نعست طفيت الضوه وكعدت بالاستقبال نلعب اني وجواد وفرح دخل عمي باسم كعد يمي يكرز حب

باسم: كلها راحت نامت بس اني بقيت لو متزوج جان اخذت مرتي ونمت ولا هل الكعده الضوجه شكلي راح اتزوج

مريم: بتسمت اله اي تزوج حت نحضر عرس واغير نفسيتي

باسم: اي وتبجين بنص العرس ونجيب اكل وناكل اكل ادهم بخخخخخ انجبي واحترمي نفسج ما اتزوج اني باقي سنكل للأبد غصبا ما ع الكل

مريم: من دخل ادهم اني دنكت بالتلفون كعد يم عمي يسولف جواد خسر باللعبه كام يصيح

جواد: شلووووون شلووووون انتي بنيه اني ولد شلووون تفوزين شلوووون

باسم: بخت

جواد: والله مرتين تفوز علي مرتين وإني لاعب ماهر انتي مكانج المطبخ

مريم: كل مره اجادل بس لان ادهم هنا محجيت شي التزمت السكوت اجت فرح مدت راسها تشوف شنو العب رادت التلفون انطيته الها لعبت وتخسر اني اباوعلها ساكته

ادهم: جواد ميصير تكول للبنيه مكانج المطبخ

جواد: اعرف خلي تروح تدرس