شباك الحب

الجزء الثاني

" شباك الحب "

الجزء الثاني

للكاتبه زهراء المياحي ♡

_اني من الكاتبات الي ما احب اضيف جزء ثاني للقصص
احسها محلوه وبس اضافه احداث روتينيه بس احس صار
طلب ملح من قبل بعض البنات للقصه ف نزلت هذا البارت
وبعد بارت هم

الي يحب يقراها يكملها والي يحب يكتفي بالاحداث القديمه
براحته هو مجرد تكمله احداث جديده وبس ماكو شي جديد ✨

قرائه ممتعه✨✨✨✨

♡•♡•♡•♡•♡•♡•♡•♡•

مريم؛ گاعد هو ديشتغل واني صايره وره ومنتجيه على ظهر القنفه واباوعله
همست ب اذنه؛ " حباااااااب حباااااااب ساااااامر اروووحلك فدووووه
حباااااب خليني اروح وياهم كلهم ياخذون زوجاتهم ويرحون لاربيل حببباببب
خليني ارووووح وياك هسه يگولون شوف هذا اناني وخله مريومته بالبيت
يريدها بس اله ومايخليها تطلع وياه تقبل هيج يگولون عليك؟ "

سامر؛ اي اقبل

مريم؛ بس... قاطعني

سامر؛ ما اريدج ترحين وياهم هذا طريق وكلشي يصير بي

مريم؛ هاي العالم كلها تروح وتطلع بس مريم لان حتطلع
يصير الطريق بي شي والله اني كلشي ما اسوي واكعد عاقله
مؤدبه خلوقه والكل يشهد ب اخلاقي...
داكمل هو رفع راسه لتفتت الي باوعلي بنضره ابتعدت جريت حسره
كمت كعدت مقابيله بالارض هو يرسم عيوني على الرسم حجيت بدلع
" هسه اني مو خلوقه ولا مؤدبه تمام بس انطيني عذر غير عذر يصير
شي بالطريق "

سامر؛ هو منو راح يروح؟

مريم؛ صحت؛ شوووووف حتى مجنت مركز وياي زززززين حتى
ما انتبهت لشنو حجيت راح ازعل ومحد يرضيني

سامر؛ هو غير باسم وقادر؟

مريم؛ باسم وقادر وبيبي رحيمه وزوجاتهم صفا وحلا
وعمتي سماح وبعد ها وفاضل وخطيبته وبعد حيروح جواد ويانا
ششششوف حتى جود يروح واني؟ بيبي كالت تعالي ويانا
وبعدها يلحكنا ابوي وريحانه وفرح شششفت؟

سامر؛ هاي كلها تروح؟
بس اني عندي شغل حبيبي والله هل الاسبوع كله شغل
والاسبوع الجاي اسافر هم

مريم؛ لعد خليني اروح وياهم؟

سامر؛ وتعوفيني؟

مريم؛ لا بله لعد انت مو حتسافر؟ هم راح تعوفني!!

سامر؛ لا اخذج وياي نروح لتركيا يومين بس

مريم؛ اي تاخذني وتعوفني بالفندق بس وبعدين ترجعني

سامر؛ قابل اخذج لموقع البناء واصيحلهم مرتي اجت وياي
وما امن اطلعج وحدج

مريم؛ تمام
عفته وگمت زعلانه دخلت للغرفه تمدددت ردت ادز
رساله لبيبي اگللها سامر ميقبل بس عفت التلفون وتغطيت
شوي وهو دخل الغرفه اجه صعد للجربايه بعد الغطه عن وجهي