شباك الحب

البارت الثالث والعشرون

شباك الحب

للكاتبه زهراء المياحي

~°~°~°~°~°~°~°~°

مريم: ياترى لو أهلي محتويني چان سويت الي سويته ياترى لو اختاريت صديقه زينه غير ريماس
چان اني افكر بحب سامر ؟؟ ههههه ضحكت ع نفسي واني أگلب بوحده من الروايات ذكرتني بنفسي شلون طنشت عمري واختاريت شخص اكبر مني بهواااي!!

_من بلشت اقره شفت القصه تدعم زواج المبكر زواج المراهقات!! كلش نقهرت وي كل سطر اقره واشوف كميه الدعم الها اختاريت اكتب قصتي اختاريت اكتب رغم أني متزوجه واحد اكبر من بهواي رغم اني برجلي رحتله...

_بس مع ذالك من نكبر ونفهم إلي صار والي سوينا كلش حنتندم فنعبر من مرحله الندم الى مرحله ننصح بي شخص ميوكع بالخطأ الي وكعت بي... ياترى مريم لو مقرت قصص مراهقات تايد زواج الكبار وعادي كلش تاخذ سامر منه مرته راح تتقدم هيج خطوه؟!

_لأول مره من فتره كلش طويله بسبب الاحداث الي صار بحياتي زواج ابوي... طرد امي....اقتراب موعد محكمتهم..... وطلاكهم... حالتي صارت اصعب احس كبرت وعيت ع الي صار والي سويته نمت بحضن سامر مطنشه الكل فزيت واني حلمانه بخلود لازمه ابنها وتبجي لتفت لسامر هو غاط بالنوم طبيت اغسل بوجهي وابجي

_صارت عيوني متريد النوم خايفه ارجع احلم بيها وبابنها واستمر الصراع مو وي اهلي ولا وي اي شخص صراع كوابيسي اجه وقتي... اجه وقت حسابي اجه وقت الي لازم اتعاقب بي ع اخطائي ربي دزها رساله باحلامي... مرتاحه مريم؟!

_نايمه بحضن واحد مجان الج اخذتي من حضن الي تحبه اذا هو يحبج وانتي تحبي فاكو واحد هم يحبه واستمر عذاب الكوابيس بكل يوم حلم شكل وصلت طريق مسدود!!! المن اشكي شكل لسامر تعال
الحكني داحلم بابنك يبجي؟؟ احلم بخلود تحطه بحضني وتكلي اتحملي موته واشوفه كله دم بحضني!! نهد حيلي يوم وره يوم

........

سامر: مريم مررريم كعدي

مريم: فزيت لتفت اله ها ها شنوو

سامر: بيبي اتصلت گالت رجع مريم

مريم: ها اي اي كمت مخبوصه اخذت ملابسي لبستهم نزلت اشيل جنطتي لتفت لسامر واكف يعدل بشعره عضيت شفتي اكله باول كابوس؟؟ اكله خلود جانت شايله ابنها بحضني وتبجي لو لا... هزيت راسي لا ميفيد بشي هسه مووكته
وصلني لباب بيتي لتفت اله لاتنزل عوفني اني ارجع

سامر: هسه يسون بيج شي خلني...

مريم: قاطعته تعبانه واذا دخلت ويضربوك ماا اتحمل

سامر: تمام

مريم: جر حسره قربت بسته بخده وشلت جنطتي عدلت كصيبتي ودعته دكيت الباب نفتح الباب ابوي واكف اريد احجي كفخني راجدي وكعت بالارض لازمه خدي... اريد اكوم اصيح علي هاي المره بس شي بداخلي كلي تستحقين... رفعت راسي هو يباوعلي عيونه حمر