شباك الحب

البارت السابع والعشرون

شباك الحب

للكاتبه زهراء المياحي

°~°~°~°~°~°~°~°~°~

مريم: لتفت لسامر عزا نكشفنا هو صفن دقايق ولتفت الي

سامر: واذا قابل شيصير وأبوي ميگعد گدامهم ويگللهم كشفتهم وي بعض؟!

مريم: أي هم صح... اشرلي اگوم وياه صعدنا فوك العصر بدلت ونزلنا اني وياه طلعنا نختار اثاث للشقه مالتنا شلع گلبي اني اختار لون وهو يختار لون هو يريد ينسق البيت گله واني اريد البيت كله وردي وهو يريده ذهبي واسود اخر شيء قنعنا ع لون ابيض وذهبي وخشبي اثاث البيت وديكورات الشقه كلها... اختارهن وحجزهن ورحنا للمطعم تعشينا وشترالي ازبري... بالرجعه اتصلت بيه امي وسولفنا
رجعت للبيت تعبانه طبيت سبحت ورحت يمه تمددت شبگته هو يتثاوب

سامر: باجر گعديني بالتسعه ماشي اني حنام

مريم: حضنته شوي وهو غفه وقت التلفون وگعدت اتابع ديكورات اثاث أريد ذوقي يشبه ذوقه اريد اكسبه واصير ذكيه باكثر من شيء صارت ب٣ بليل نعست طفيت التلفون ونمت... فزيت ع حركه سامر ديبدل شفت الساعه بالتسعه بتسمت صباح الخير هو هز راسه مبتسم

سامر: صباح النور

مريم: اليوم راح تتاخر بالشغل؟

سامر: ما اطول اليوم معدنا شيء... بس اريد منج تنامين العصر نجيب الاثاث ونرتبه اني وياج

مريم: بتسمت حيل متحمسه هو قرب مني باسني بخدي وراح رجعت نمت فزيت الباب تفلش تثاوبت فتحت القفل عمتي واكفه مكتفه ايديها

ام سامر: وحده ونص يالچنه الخايسه ووحده ونص انتي شابه اكو شابه هيج وكت تكعد راح تخربين نظام ابني

مريم: هسه نازله... غمتني ونزلت سديت الباب بدلت ملابسي وغسلت وجهي واسناني ونزلت لتفت للمطبخ مكومه اماعين البيت كلها بالمطبخ يكول راح تقوم القيامه شبيها هاي... وكفت اغسلهن وارجع ليوره تعبت بس شسوي مضل يومين ونعزل شقتنا ما انزل يمها ابداً
نفتح الباب دخلت فضه من شافتني نزلت بنتها وعافت جنطتها وكفت تساعدني ساكته خلصنا الاماعين لتفت الي

فضه: منو جان معزوم؟

مريم: محد

فضه: لعد ليش هيج الكاونتر فارغ ما بي اي ماعون نظيف كلها وصخه!!!

مريم: عمتي قررت تشن حرب علي

فضه: سامر وين

مريم: بالشغل

_صبينا غده اني وفضه وكعدنا نتغده تاخر سامر اتصلت بي گال عدنا شغل اهواي ويجوز ما اجيب الاثاث اليوم وكفت اغسل اماعين الغده ونفتح الباب دخل واحد بتسمت لتفت سامر... ادهم!!!

ادهم: شخبارج مريم... اقصد مرت اخوي

مريم: غلست علي ودرت وجهي