المأبون

مشهد

المأبون
مشهد
للكاتبه نور يسري ..
..........
انتهيت من داخلي
حينما استوطنت قصائدك امرأة غيري
حينما نامت في فراش قلبك
امرأة لا تحمل اسمي
امراة لا تملك نبضي
ولا تعطرك بعطري

حبك خطيئة
والغفران لك الآن خطيئة أعظم
وضعت بصمتك فوق بدني
بصمة عار شطرتني نصفين
أفقدتني ثقتي بالحب
وتركتني أصارع دموعي كل ليلة.

قال صلئ الله عليه وسلم ...
(اتَّقوا دعوةَ المظلومِ، و إن كان كافرًا، فإنه ليس دونها حجابٌ).[٣]  
NOOR__applies تابعوني
......................................
نهئ: فتحت الباب بهدوء رحت شغلت التلفزيون علئ قران وسويت الريوك
اسمع صوت العصافير والشمس الي بدت تطلع باوع علئ الباب
منتظره جدي يجي من الجامع علمود ناكل سوه

رحت كعدت بالحديقه مرت ربع ساعه ودخل جدي والابتسامه ما تفارك وجها باوعلي بحنيه وكال ..

الجد: ها داده شو كاعده من وكت '

نهئ: هههه جنت منتظرتك تجي سويت ريوك وصمون حار

الجد: لعد راح اغسل واجي وراج روحي كدامي انت ..

كعدنا سوه علئ السفره ناكل الئ ان خلصنا رحت صليت وكملت
شفت عصافيري سقيتهن ماي صارت الساعه 7:00 راح جدي نام

اخذت القران بديت اقره ايات عفته علئ الطبله وخذتني صفنه علئ صوره امي درت وجهي علئ المرايه
باوعت لملامحي وشكلي وجسمي كبرت هواي امي جانت امراه جميله

اما انا امراه مشوهه لا فائده من جمالها شيء وخرت شعري من نص وجهي
غرغرت دموعي وجع وانكسار اكتئاب كل هذا يصير لمن اشوف نص وجهي المشوهه

منبوذه بالكليه كل الناس تباوعلي بقرف مو بيدي الصار لو اكدر ارجع وجهي مثل قبل جان رجعته وصرت احسن

الشخص الوحيد الي انه بعيونه حلوه هو جدي اما الناس بنظرهم وحده غير لائقه بهم ...

.....................

مشهد ثاني ..

لقمان: هو بس شوفتج تلعب الروح عوفني لوحدي رجاء لا تقربين يمي

جانت كلمات تجرح مو سهله عليه يجوز سهل ينطقها بكل سهوله بس تجرحني الف سهم بكلبي من سمعت كلامه باوعتله بعيون مدمعه تشكي جرحي وكتله ..

نهئ: مدام انه العب الروح منو كالك اختارني ياهو ضربك علئ ايدك وكالك اخذها

باوعلي وكال ببرود ..

لقمان: الدنيا جبرتني ..

خليت وطلعت بره اعرف يتقصد يجرحني بكلامته الي مثل السيف لمن اسمعهن يتقطع كلبي
يتعمد يذلني ويهين كرامتي بكل سهوله وكانه هو اجمل انسان بالعالم

نزلت جوه اخذت ادوات التنضيف وبديت اذب حركتي بالتنضيف بكل قوه مع انه البيت نضيف بس ماكدر علئ الاقل اريح كلبي
طلع هوه شافني انضف كال ..

لقمان: شسالفه مو الصبح نضفتي كل ساعه مسويه البيت كله ماي

نهئ: عاجبني ورجاء لا تتدخل بيه لان تلعب روحي من الشخص الي يحب يدخل بالناس

لقمان: تدللين عزيزتي التوبه بعد ادخل بامورج الخاصه ..

طلع مبدل كاشخ علئ ٱخر حبه عبالك راح يخطب رحت باوعت من الباب شفته ركب سيارته واختفئ بقيت اتسائل بروحي وشدعوه هالكشخه معقوله هذا كله لان رايح لصاحبه

كاعد افكر وما سمعت غير الباب انفتح بقوه باوعت وجان اشوف ..... يتبع

.....

NOOR__applies تابعوني
السلام عليكم حبايبي ...
مراح اكول شيء بس عجبني انزل مشهد منها اما القصه فما محدده ايمتا ابدي بيها ...

علئ العموم التفاعل والتصويت هو الي يحدد ابدي بيها او لا
واذا عجبكم المشهد ابدي بتنزيلها ...