المأبون

البارت 37

المأبون
البارت السابع والثلاثون
للكاتبه نور يسري ...

لا تنسون التصويت + التعليق بين الفقرات + متابعه الحساب NOOR__applies

الإتجاه الوحيد إليك فقط .
.................................................................

ضحك ابو لهب وهز ايده كام علئ حيله ودنك علئ جدي وكال بابتسامه ::-

- لا تخلـيني اذكرك ؟

ضحك جدي وباوعله صفح دخل ابو لهب جوه شافني واكفه اشرلي وكال بحديه ::-

- يلا للبيت .

- انجب

صفن عليه بصدمه مدري شلون طلعت مني هالكلمه كبل خليت ايدي علئ حلگي بخوف هز راسه وطلع .

دخلت جوه لكيت ليلئ كاعده بين النسوان رحت لميت ملابسها واشرتلها تجي للغرفه اجت شافت الجنطه حجت بهدوء ::-

ليلئ ::- ولج طرگاعه شمسويه ؟

ابتسمت وحضنتها بست راسها الي جان بي كم خصله مشيبه تنهدت وحجيت ::-

- يمه الله عليج تعاي ويايه لا تستحين من ابو لهب والله هو طيب وماله شغل بأحد .

دمعت عيونها باستني وهزت راسها بّـ اي ضحكت فرحانه كبل شلت الجنطه وخليتها بالسياره .

صارت الساعه 2:00 بالليل كمت اصلي صلاه الوحشه رفعت اديه ادعي حجيت بغصه ::-

- اللهم اغفر له وارحمه وعافه واعف عنه واكرم نزلـه واوسع مدخله واغسلـه بالماء والثلج والبرد ونقه من الـذنوب كما ينقئ الثوب الابيض من الدنس .

سجدت لـربي وكمت لگيت ليلئ تضحك حجيت بهدوء ::-

- شبيج ؟

ليلئ ::- مسويه ابوج يصلي ويصوم علئ هذا دعائج كبل لـلـجنه .

ابتسمت وكمت لمـلـمت السجاده خابرني ابو لهب فتحت الاتصال صاح بعصبيه ::-

- بربوك يله تعاي خل نمشي للبيت شكد خابرت عليج ما تردين والله من الزمج الا اسويج شلـختين .

عصبت بالكوه ساكته طنكرت وحجيت بحقد ::-

- شبيك بس تصيح كافييي صوتك مزنجر ما اريد اسمعه .

- جايج جايج

خليت وسديت الاتصال سمعت صوت الباب كبل ركضت جوه شافتني ليلئ نصدمت راحت فتحت الباب دخل ابو لهب كال ::-

- وينها البربوك ؟

ليلئ ::- جوه

دخلت لـلـغرفه وقفلت الباب ما حسيت الا ونركع صاح ::-

- تطلعين لو اكسره فوك راسج ؟

- والله حرام عليك شوف ربك شمسوي بيك حتئ صوتك مزنجره .