المأبون
البارت السادس والعشرون
للكاتبه نور يسري ....لا تنسون التصويت + التعليق بين الفقرات + متابعه الحساب NOOR__applies
لأنك المكان الذي يناسبني ألجا إليك .
................................................................صافنه وافكر بكلامه واسلوبه ما احس الا طفر عليه الدهن علئ ايدي .
ابتعدت عن النار اجت مليكه تطبخ كعدت بالصاله باوع علئ التلفزيون .
شويه وناموا ما تعشيت جان راسي يوجعني .رحت للحمام ذبيت من راسي احس الدنيا تدور بيه بالكوه مفتحه عيوني .
غسلت وطلعت اعرج لازمه بطني شويه وسمعت حركات بره
جانت ضلمه ومحد بره كلها نايمه فتحت الباب مشيت وره البيت باوع من بعيد رجال جبير كاعد علئ رجليه ومدنك يبجي .
جان وجها ما مبين ولا ملامحه تنشاف غوشت عيوني من التعب رجعت للبيت اركض دخلت وسديت الباب .
اخذت الموبايل ورحت للغرفه الاخيره جان مسجل رقمه كبل خابرته بسرعه رد كال ::-
- شبيج ؟
بقيت ساكته اسمع صوته يردد بالكلام صار عصبي صاح بعصبيه ::-
- لا تخلين بالي يمج احجي شصاير ؟
طاح من ايدي ما حسيت بشيء نركع راسي بالحايط ما كدرت افتح عيوني .
احس رجليه مقيده وراسي يريد يطك من الوجع جسمي ثكيل .
ما كدرت افسر الصوت بس عرفت اميز صوته عن الناس كلها .
فتحت عيوني بتعب جان مخليني بحضنه ويرش علئ وجهي ماي وجانت ايمان واكفه تهلهل والبنات يباوعن من بعيد .
بقيت باوعله وايدي علئ بطني صاحت ايمان بفرح ::-
ايمان ::- ولك يمه مريتك حامل مبينه تشوف وجها عبالك ليمونه معروفه .
شالني واخذني للفراش تمددت وتغطيت كال بهدوء ::-
- ارتاحي .
طلع بره اسمعه يسولف ويه ايمان تقربت للباب اسمع سوالفه كال ::-
- بعد وكت ما صارلي هوايه من اخذتها شلون يعني ما اعتقد حامل ؟
ايمان ::- صارلك نص شهر من جبتها هنا بعد كم يوم ويصير شهر .
- خاله خشمها طاك دم ؟
لطمت علئ صدرها وحجت بعصبيه ::-
ايمان ::- خطيه بس لا نفس مرض امها .
هز راسه ضايج دخل شافني متربعه بالكاع مابيه حيل اوكف .
والدمعه بعيني بالكوه مسيطره علئ نفسي اجه يكومني همست بصوت ناصي ::-
أنت تقرأ
المأبون
General Fictionانتهيت من داخلي حينما استوطنت قصائدك امرأة غيري حينما نامت في فراش قلبك امرأة لا تحمل اسمي امراة لا تملك نبضي ولا تعطرك بعطري حبك خطيئة والغفران لك الآن خطيئة أعظم وضعت بصمتك فوق بدني بصمة عار شطرتني نصفين أفقدتني ثقتي بالحب وتركتني أصارع د...