المأبون
البارت الثالث والثلاثون
للكاتبه نور يسري ....لا تنسون التصويت + التعليق بين الفقرات + متابعه الحساب NOOR__applies
﴿ فَرِحِينَ بِمَا آتَاهُمُ اللَّهُ مِنْ فَضْلِهِ ﴾
.................................................................دخلت للحمام ادور شفت موس مال حلاقه حاد اخذته خليته بملابسي قفلت الباب وكعدت بالكاع ابجي وايدي ترجف .
طلعت الموس وقربته علئ الشريان وارجف شويه وندفر الباب قوي فزيت صاح بعصبيه ::-
- افتحي الباب لا اسكطج ادبسز .
نعوج الباب فتحه ودخل شاف الموس بأيدي دفعني طك راسي بالحايط واخذه جرني من ايدي جلبت بالباب .
جان يجر بيه قوي كامت ايدي توجعني تيهت الباب دخلني للغرفه وربط اديه صحت بقهر ::-
- والله الا اخابر جدي يجي ياخذني غصبا ما عليك حقير .
مشئ خطوتين دار وچهها عليه معصب رفع حاجبه وكال ::-
- اذا طلعتي من الباب توصلج ورقه طلاكج .
هلهلت بفرح وبقيت اضحك ما كدرت اسكت روحي وعيوني مدمعه حجيت بأبتسامه ::-
- اذا انت رجال طلكني .
عكد حواجبه انسحب وقفل الباب عليه نص ساعه ورجع بيده موبايلي كال ::-
- خابري .
باوعتله مستغربه من تصرفاته اشرلي اخذ الموبايل رمشت بعيوني ودنكت علئ الحبل الي رابطني بيه .
فهم قصدي دنك فتحه وشمر التلفون بحضني اخذته واتصلت عليه ما يرد وكلساع اتصل شويه ورد صحت بغصه ::-
- جدو تعال اخذني بعد ما اريده طلكونيييي منه اذا ما طلكتونييي انتحر والله .
حسيت جدي نايم ومن سمع صياحي فز وكال ::-
سعيد ::- كاعد تتشاقين شبيج بويه شصاير انطيني ابو لهب احجي وياه .
انطيته بنتر اله باوعتله بطرف عين خله الموبايل علئ اذنه وكال بمكر ::-
- صارلها يومين تطلب الطلاك بدون سبب .
سعيد ::- عجيب ؟
عصبت من يمي احس النار بكلبي كبل كمت علئ حيلي وصحت بعصبيه ::-
- جذاب .
اجيت اسحب الموبايل منه قيدني وسد حلكي سمعت جدي كال ::-
سعيد ::- جايج بويه .
قفل الموبايل باوعلي بحقد كام لزم ايدي وحجه بغصه ::-
- ديربالج تحجين ما تلومين الا روحج وانت تعرفيني شسوي ؟
ضحكت وهزيت ايدي كعدت بالكاع نزلت دمعتي وحجيت بعتب ::-
أنت تقرأ
المأبون
General Fictionانتهيت من داخلي حينما استوطنت قصائدك امرأة غيري حينما نامت في فراش قلبك امرأة لا تحمل اسمي امراة لا تملك نبضي ولا تعطرك بعطري حبك خطيئة والغفران لك الآن خطيئة أعظم وضعت بصمتك فوق بدني بصمة عار شطرتني نصفين أفقدتني ثقتي بالحب وتركتني أصارع د...