المأبون

البارت 17

المأبون
البارت السابع عشر
للكاتبه نور يسري ...

لا تنسون التصويت + التعليق بين الفقرات + متابعه الحساب

رغم اعتيادي على الأمر ذاته إلا أنه يبكيني مرارًا .
.................................................................

اختنكت احاول اتنفس طلعت بره اجر بالنفس كوه دخلت للحمام سمعت صوت ورايه درت وجهي لكيت بيبي تباوعلي حجت بقلق ::-

حمديه ::- ولج شبيج ؟

جانت الغصه بكلبي طلعت من الحمام وحجيت بتعب ::-

- متعوبه روحي

جرتني بيبي جوه خذتني لحضنها وبقت تبوس براسي حجت بخوف ::-

حمديه ::- شمالج يمه وجهج اصفر وترجفين عمت عيني عليج ..

بجيت بحضنها احس كلبي مقبوض ما مرتاحه الدنيا سوده بعيوني
من يوم الي تشوهت وانا يوم عن يوم حالتي النفسيه تتعب

كعدت الصبح سوتلي بيبي لفه بيضه اكلتها وطلعت للمعهد
لبست تنوره سوده وقميص ابيض وشال اسود وكفت كدام المرايه وحجيت بكلبي ::-

- انت رايحه تدرسين لا تهتمين لكلامهم

اكثر من مره عدت الكلام بين نفسي شلت كتبي وطلعت اتمشئ جان الشارع فارغ والجو بي بروده ..والسماء صافيه

وصلت للمعهد دخلت جان هوسه وطلاب هوايه وخصوصا هذا اول يوم الي ياهو اليشوفني يضحك او يسوي حركات مو حلوه

شفت اثنين بنات واكفات يسولفن مريت من يمهم مدنكه جان اسمع وحده منهن حجت ::-

- يااا خطيه محترك وجهها "

وكفت الدمعه بعيني اكره احد يحجي هيج عليه جان صوتها مسموع حسيتها تتعمد تسمعني كرهتها وابتعدت عنهم

كعدت بحديقه محد بيها تلمست وجهي وبجيت حجيت بكلبي ::-

- كل البنات حلوات الا انا محتركه وحتئ الناس تلعب نفسها مني

مسحت دموعي رجعت للبيت ضايجه بدلت ونمت رغم ما نعسانه بس من كثر القهر احتاجيت النوم ..

سمعت جدو وبيبي يسولفون صارت دوده بيه احب اسمع سوالفهم تقربت للباب جان يحجي جدو حجه ::-

سعيد ::- اليوم نزور الامام الكاظم جهزي روحج انا ارتاح من ازوره

فرحت بيبي ولبست وتعطرت دخلت شافتني كاعده ضحكت وحجت ::-

- يله يمه كومي بدلي نروح نزور الامام كاظم (ع)

حجيت بتعب ::- ما اريد اروح

باوعتلي بعصبيه وحجت ::- شبيج ولج اكو وحده ما تريد تزور هسه بس تزورين ترتاحين يله لا تعاندين ..

جنت حيل تعبانه نفسيتي واريد اطلع حركه كلبي شلون مجان كبل صحت بقهر ::-

- كافيييييي تعبتتت منكم ما اريدكم عوفوني مليت من هالعيشه كافيييي "