المأبون

البارت 1

المأبون
البارت الاول
للكاتبه نور يسري ..

تفاحتي لا تنسون التصويت + تعليق بين الفقرات متابعه الحساب NOOR__applies

مثل خيط الضوه بسرداب
احير شلون اضم حزني ؟
...........................................................

بغداد .. منطقه الرشيد "

الساعه 5:00 الكل ملتمين بالحديقه فارشين فراش وكاعدين جنت كاعده باوع علئ امي شلون تنظف وترجع ترتاح ونوب ترجع تكمل جان اسمع صوت جده حمديه تصيح :-

- ولج نهيوه خلي امج تصب الجاي ونريد كعك هم بسرعه ..

سمعت امي جدتي وراحت رتبت الكلاصات وصبت جاي وكعك باوعتلي بابتسامه وحجت :- تعالي اكلي كعك يم جدو

طلعت وراها شافنه جدو وابتسم حجه :- عاشت ايدج داده تعبناج ويانه تعالي ارتاحي

كعدت امي تربعت بصفها جان صبري يبتسم فرحان بالعابه الجديده
جانت بيبي تسولف علئ ام قاسم لان راحت للعرس وما اخذتها

جدو ضحك وكال :- وانت الا ترحين خذيتي غيبه المره بس علمود العرس شيسوي الله بيج ..

حجت جده بعصبيه :- لعد بس انه من اطلع اخذها وياي مثل الصخله لازكه بيه وهيه من تروح وما تاخذني هم اريد اتونس بشبابي

ضحك جدو بصوت عالي وكال :- ولج داده الشيب ترس شعرج ولدج صارت اعمارهم بالخمسينات وبعدج تكولين شابه

- ولك انت شبيك عليه اليوم اشرب الجاي بسرعه لان بس يبرد تضل تدردم

اخذت جاي وكعكه وبقيت اكل شفت امي تضحك عليهم
باوعلي جدو وابتسم كال :- ولج نهيوه شلونج اليوم شو ساكته ما تحجين بس لا مسويتلج مصيبه ..

ضحكت وكتله :- لا جدو انا مودبه

هز راسه يضحك جان يدخل بابا عصبي خزر امي ودخل للبيت انتبهت بيبي عليه كالت :- شبيه هذا ؟!

جان امي مدنكه متوتره حسيتها تخاف من ابوي شافت جدو يسولف ويه بيبي عافتهم وصعدت بقيت كاعده بمكاني مخليه لعابه بحضني واكل شويه واسمع صوت بابا يصيح

كمز جدو دخل للبيت باوعتلي بيبي وكالت :- يمه نهيوه لعبي ويه صبري ولقمان وكملي كعكتج ..

دخلت بيبي للبيت سمعت امي تصيح ما احس غير احد سد اذاني بيده رفعت راسي صار لقمان بوجهي كتله :-

- شبيها ماما تصيح ؟!

- عادي اصلا تعالي اخذج نشتري شربت مو انت تحبين الشربت

هزيت راسي وطلعنا سويه وكف كبال عمو ابو قاسم وكال :- عمو انطيني شربت برتقال والفلوس تبقئ علئ جدي

ابتسم ابو قاسم اخذت الشربت منه كرص خدي وكال :- شسمها

- نهئ