المأبون
البارت التاسع والعشرون
للكاتبه نور يسري ....لا تنسون التصويت + التعليق بين الفقرات + متابعه الحساب NOOR__applies
أشبعيني قربًا وكأن ليس في الحياة إلا أنتِ .
.................................................................صارت عيوني حمر دخلت للحمام فتحت الماي شويه ونزل مني دم قليل لونه يميل للاسود بسرعه غسلت نفسي .
لميت شعري وكفت كدام مرايه الحمام ايدي ترجف وجهي ذبلان عبالك هيكل عظمي .
ابتسمت ولبست ملابسي طلعت من الحمام شفته يدخن تجاهلته .
دخلت للغرفه بقيت امشط بشعري باوعت علئ المشط جان يطيح شعر خليت ولميته لبست حجابي وطلعت القران .
بقيت اقره قران احس روحي تسكن عليه والوجع الي بصدري يزول .
دخل تقدم بأتجاهي جان كاشخ وعطره وصل لخشمي من كد ما قوي كعد بصفي وكال بتوتر ::-
- راح اطلع ؟
درت وجهي ما اريد باوع عليه وكفت الدمعه بعيني خليت القران علئ الميز وغطيت روحي دنكت راسي وحجيت من وره خشمي ::-
- اي
رفع راسه بصدمه عليه جان يراقب حركاتي كام وكف كبالي وكال ::-
- ما راح تسالين وين رايح ؟
احس الحقد ترس كلبي رفعت حاجبي وحجيت ببرود ::-
- روح لغيري بلكي ترتاح بعد متهمني لو تسكن بلكبور .
خزرني وكام طلع معصب قفلت الباب وراه ورجعت ادردم بكلبي عليه .
رحت للمطبخ اخذت لفه طماطه وطرحه وملح اول ما عضيتها تذكرت من جان صبري يسويها الي .
لكيت كيكه علئ الكاونتر وبصفها ورقه فتحت عيوني علئ وسعها رحت فتحت الورقه لكيته كاتب ::-
- ادري بيج تجوعين بالليل جبتلج كيكه يجوز اتاخر ما اجي .
دمعت عيوني عرفته ما يتوب راح يرجع للسوالف المكسره .
شكيت الورقه وذبيتها اخذت الكيكه اكل وابجي وفوكاها خشمي يخر اخذت كلنس ومسحت وجهي .
صارت الساعه 3:00 وما رجع طلعت بالحوش حسيت حركه وراي كبل درت وجهي مخروعه ما لكيت احد .
بس جان اكو واحد وراي حتئ سمعت ركضه رجلين كبل دخلت للبيت ورجليه ما تشيلني كل حيلي انهد بقيت ابجي لوحدي .
عبالك واحد يفتر بالبيت غيري طفت الكهرباء لملمت رجليه ضليت اقره بّـسوره الكرسي واستغفر ربي .
سمعت صوت قفل نفتح شويه درت وجهي بصدمه خليت مخدات علمود محد يفتح الباب تجيت كل ثكلي علئ الباب .
![](https://img.wattpad.com/cover/313332195-288-k703287.jpg)
أنت تقرأ
المأبون
General Fictionانتهيت من داخلي حينما استوطنت قصائدك امرأة غيري حينما نامت في فراش قلبك امرأة لا تحمل اسمي امراة لا تملك نبضي ولا تعطرك بعطري حبك خطيئة والغفران لك الآن خطيئة أعظم وضعت بصمتك فوق بدني بصمة عار شطرتني نصفين أفقدتني ثقتي بالحب وتركتني أصارع د...