المأبون

البارت 12

المأبون ..
البارت الثاني عشر
للكاتبه نور يسري ...

لا تنسون التصويت + التعليق بين الفقرات + متابعه الحساب NOOR__applies

"كل الذين اعترفنا لهم بأن الحياة كانت قاسية قبلهم، لم يقصروا في جعلها أشد قسوة."
.................................................................

وضفرت راسي وطلعت كذله وخليت حمره سحريه خفيفه وكحله شويه دخلت ليلئ شافتني كاشخه ضحكت وصفكت ايد بايد وحجت ::-

ليلئ ::- عشتوو منيلج هالدشداشه الحلوه والكحل شعندج ؟

دنكت راسي مستحيه خصوصا بعد ما لبست دشداشتها بلعت ريكي وحجيت ::-

- انت اكثر وحده تعرفين دشاديشي مشككات واستحي البسهن كدام جدو

هزت راسها وابتسمت ::-

ليلئ ::- اصلا طالعه حلوه هيج اريدج تعدلين بروحج بلكت الله وجدج يحس بينه ..

دارت وجها تشرب جاي سمعت صوت الجرس دخل جدو للاستقبال وابوي يرحب بي

اخذت الماي ودخلت رفعت راسي اول ما شافني وكف والدمعه بعيونه رجفت ايدي خليت الماي بالكاع وجرني حضني حجه ::-

سعيد ::- يا بويه يالحنينه كلبي متكطع عليج والله ..

باس راسي وخدي ورجع حضني نزلت دمعتي دنكت بست ايده انتبهت علئ شاب كاعد جبير وعنده لحيه عكدت حواجبي واشرت عليه حجيت ::-

- منو هذا ؟

ضحك جدو وحجه ::- معقوله ما عرفتي ؟

هزيت راسي بّـ لا جان يباوعلي ويضحك وعيونه عليه حجه جدو ::-

سعيد ::- هذا صبري

فتحت حلكي مصدومه هو من شافني انصدمت ضحك متغير حيل ولا جنه ذاك الولد الصغير المشاغب الي العائله كلها تكرها حجيت بصدمه ::-

- معقوله ؟

صبري ::- اي معقوله .. شلونج الكاطعه بالجذب ما تعرفين تسئلين علينه ..

ضحكت ودنكت خجلانه لان جبير استحي ارد عليه كعدت بصف جدو جان ابوي متوتر ندك الباب خله وطلع همس جدو ::-

سعيد ::- شلون عايشه هنا ؟

- ها

سعيد ::- مرتاحه لو لا ؟

ابتسمت وحجيت ::- اي جدو مرتاحه الحمدلله علئ كل حال

ضحك صبري وحجه ::-

صبري ::- ما توقعتج هيج متغيره ؟

ضحكت وكتله ::-

- حتئ انت كبران هواي ما عرفتك ..

ابتسم جدو وحجه بضحكه ::-

سعيد ::- وين وصلتي بالدراسه ؟

- ثالث متوسط