المأبون

البارت 8

المأبون
البارت الثامن
للكاتبه نور يسري ...

لا تنسون التصويت + التعليق بين الفقرات + متابعه الحساب NOOR__applies

مُنذ تلك الليلَة لم أعُد أنا .
.................................................................

كلشي يصير ويايه اروح للصوره واحجيه جنت احجي ومندمجه واضحك دخل جدو شافني لازمه الصوره ابتسم وحجه ::-

سعيد ::- تعالي تغدي

هزيت راسي بّـ اي ونزلت كعدت علئ السفره سمعت صوت همس وراي درت وجهي لكيت خاله حليمه عيونها حمر وتحجي بعصبيه ::-

حليمه ::- لا تصير اناني اخوك هوه المرضها من القهر والضيم وهسه تريدون تزوجونه ليلئ ولكم ما طلعت الاربعين الله لا ينطيكم

جاسم ::- كافيي اصلا علاقتهم من الاول علئ الهامش لو نسيتي ؟

حليمه ::- كرهتك

باوعلها بصدمه عافته وصعدت فوك تدردم دار وجها عليه ابتسم وطلع
بذاك الوكت عرفت ابوي يريد يزوج غلست علئ الموضوع

جانت سليمه تطك بعلجها وتباوعلي صفح اخذت خاشوكه ذبت العلج وحجت ::-

سليمه ::- تدرين بابوج يريد يزوج ليلئ والله حرام امج بعدها ما طالعه اربعينتها

سعيد ::- اسكتيي

فرت حلكها ما عاجبها الوضع جان جدو مدنك وياكل وبيبي عازله روحها بالغرفه خليت وكمت رجعت للغرفه تمددت ودموعي تتسابق علئ خدي

باوعت للصوره وحجيت بغصه ::- يمه انت مرتاحه ؟

بقه السوال يفتر بعقلي دائما اسئل نفسي امي مرتاحه هناك وشتسوي هسه ؟
احس اكو شيء بداخلي يكلي امج مرتاحه غمضت عيوني

كالعاده كعدت الصبح لبست ملابسي اخذت المشط ونزلت لبيبي تمشط شعري باستني براسي وحجت ::-

- ديربالج من السيارات امشي علئ الرصيف مو تمشين بنص الشارع

- اي

طلعت امشي جان ابو قاسم واكف بباب المحل سلمت عليه بايدي ضحك واشرلي بايده جانوا البنات يلعبون ومندمجه اركض وياهم لحد ما تعبت

رجعت كعدت علئ الرحله فتحت الجنطه حسبالي كالعاده الكه لفه بس تذكرت امي راحت دنكت راسي ضايجه وبقيت ضايجه لنهايه الدوام

نرجع من المدرسه جانوا اكو بنات يمشون سويه تقربت امشي بصفهم

انتبهو عليه وابتعدوا دنكت راسي وصلت للبيت ذبيت جنطتي ودخلت كبل تمددت بالكاع ونزعت جواريبي صاحت بيبي ::-

- ولج نهيوه كومي اغسلي رجليج وتعالي تغدي

بسرعه ركضت غسلت وتغديت باوعتلي بابتسامه وحجت ::-