المأبون

البارت 25

المأبون
البارت الخامس والعشرون
للكاتبه نور يسري ...

لا تنسون التصويت + التعليق بين الفقرات + متابعه الحساب NOOR__applies

كل تكرار ممل، إلا تكرار صوتك .
..............................................................

اجت البنيه كومتني اغسل وجهي فتحت الماي ما احس الا احتركت ايدي شاطت روحي .

بقيت اكمز صارت ايدي حمره ركضت البنيه جابتلي معجون مال اسنان وخلته علئ ايدي احس شويه صارت بارده .

دخلت بدلت ملابسي لبست دشداشه بسيطه ولفيت شعري طلعت شفت ايمان تحلب بالبقره بقيت باوعلها من بعيد

خلصت باوعتلي وحجت بابتسامه ::-

ايمان ::- ها يمه شبيج خاف نعسانه ارجعي نامي .

دنكت راسي اطكطك باصابعي متوتره رفعت راسي وحجيت بتوتر ::-

- خليني اساعدج

ايمان ::- تعرفين تطبخين ؟

ابتسمت وهزيت راسي بّـ اي ضحكت واشرتلي علئ مطبخ وحجت بضحكه ::-

ايمان ::- لعد اطبخي الغده وكعدي البنات خلي يجون يساعدوني .

ركضت للمطبخ اطبخ والبنات كعدوا سلموا عليه وكامو يسولفون ويايه .

احس روحي تونست ويه البنات رحت شفت البط الي يسبح بالشط سويت مركه وتمن ماش .

للظهر يله دخلت ايمان تعبانه وعركانه وبالكوه تجر النفس
كعدت علئ السبلت وراحت سبحت ورتاحت وتغدينه سوه .

شفت الطفل جان يقره ويكتب رغم الظروف وصعوبه المعيشه بس كل البنات تدرس وينجحون دعيت بكلبي الله يرزقهم

نزلت كذلتي وطلعت افتر بالبستان احس اكو حركه وراي درت وجهي محد ما اهتميت عبالي وحده من البنات .

شويه واحس واحد ورايه بقيت واكفه بمكاني ارجف سمعت صوت واحد خشن كال بحديه ::-

فارس ::- شتسوين هنا ؟

درت وجهي مصدومه بقه صافن عليه نوب شعري طالع من شافني توترت كبل دار وجها مني وكال ::-

فارس ::- عيب تطلعين بهيج وكت ولوحدج بس مبين مو منا ؟

تلعثمت وكفت الكلمه ببلعومي بالكوه حجيت بخوف ::-

- اي انا غريبه هنا الصبح اجيت .

فارس ::- ارجعي للبيت وبعد لا تطلعين بهالوكت تصير عليج سمعه مو زينه .

هزيت راسي وركضت للبيت بقيت اسب بروحي غميت كصتي وحجيت بكلبي ::-

- المن طالعه علئ صخام وجهي والله عيب هسه الرجال شيكول عليه .

شافتني البنيه الجبيره ضايجه كعدت بصفي وحجت بضحكه ::-