بنات صبري(العشق النادر)(منقولة_ليبية)

بنات صبري 1

#بـنـات_صـبـري ( العشق النادر )

الـحـلـقـة الأولـى [1]
''''''''''''''''''''''''''''''
بقلم:- Reto Fathi 💕
روايـة مـن وحـي الخيـاال
''''''''''''''''''''''''''''''''''''
لايك قبل القراءة وتعليق بعـده 🙈🌸
'''''''''''''''''''''''''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~

شاده الفـون في يدهـا وهي مركزه على صـوت المطر تتكلم معـاه وهي مستغربـة طريقة كلامـه معاها وكيف جااف معاها ، متغير عليـها واجد ومش اليوم لا مـن فترة ..

تنهدت بضيق وهـي تشوف لميـة المطر يلي تقطر من سقـف حوشـهم ..

بعد تفكير وتفكير والرصيـد ماشي على فاضـي كانوا كلا طرفيـن ساكتـين ، قررت انهـا تسألـه بعد ما حسمـت أمرهـا ..

تكلمت بصوت خافـت: منـيــر ..

زفر بضيق ورد عليـها: كنك ؟

استغربـت رده الجافي وهذا ما زادهـا انها تتكلم معاه

تنهدت بضيق: كنك !! أنـتَ يلي كنك متغيـر ؟

وكأن كان يستنى فيـها تفتح الموضوع هـذا رد عليـها بعصبية وصوت عالي وهو متنرفز من طريقة كلامهـا

منير: أسمعي يا أسيل انا وأنتِ قصتنا لعند هنـاا وتمـت ..

شهقـة عفويـة طلعت منهـا وتكلمت وهـي حابسـة دموعهـا: يعني ؟

منير بنفاذ الصبر: يابنتي نا ماعش نبيك ماعش نبي نكمل معاك لعند هنـا وخلاص انتهينا ، انتِ مش مناسبتني ..

نزلن دموعهـا وتكلمت بصوت يرعش: ا اا انـت تحكي من جدك ..؟ و ويـن حبك ليا..!

منير ضحك بستهزاء : اي حـب و أي نـم ! نا تكلمت معاك سنتيـن وشهر ، على سبـه نكسر خشمـك نوريـك انك مش عليا ترفعـي خشمك وتضربـي جو الأحترام ، يعني كنتِ رهـان وربـحته ..

أسيل بكت: حرام عليك انا حبيتك من قلبي ، انت ماعندكش انسانية ولا حنيـة بكل تلعب بـ بنات الناس !!

منير تنهد: بـاه توا عرفتي اني ما نحبكش صح..؟ يبقـى بمَ انك عرفتي اني مانحبكش واني كنت نضحك عليك فـ حطيني في الحظر وامسحي رقمي وانـسي واحد اسمـه منير .. تمام