بنات صبري(العشق النادر)(منقولة_ليبية)

بنات صبري 28

#بـنـات_صـبـري ( العشق النادر )

الـحـلـقـة الـثـامـنـة والـعـشرون [28]
'''''''''''''''''''''''''''''''''''''''''''''''''''''''
بقلم:- Retal Fathi 💕
روايـة من وحـي الخـيـاال
'''''''''''''''''''''''''''
شكرا لكل يلي شاركن بتوقعاتهن الحلوة يلي زيهن 😘
نـبـدو حـلـقـتـنـاا 💛🔥🔥
~~~~~~~~~~~~~~~~~~~~~~

وصلنا في البارت يلي قلبه لما صقر رقـى للشقة ومالقاش أسيل فيها !!

حسام شاف لـ فونه: مانعرفش ..

صقر بعصبية: حسام يازفت الزفوت انت عارف ويـن تكلم ..

حسام شافله بعصبية: قلتلك مانعرفش افهم ، لو انت خايف عليها راك ما وصلتها لـ حالة تخليها تعدي وتسيبك راجع روحك ياخي ..

صقر مسح على لحيته بعصبية: تكلم ياحسام ويـن أسيل ؟

حسام شاف لـ خوه: مراتي ولا مراتك عشان تسألني شن عرفني تلقاها عدت عند رحده من خواتها ولا طشت زقعت انتحرت من وجك هذ ..

صقر شافله بعصبية: اقسم بالله لو نعرفك وراها نقتل دين امك باهي

حسام شافله: لحظة لحظة ديـن امي يلي هي امك في نفس الوقت دينا الإسلام وبعدين شن دخل امي في النص...🌚

صقر خبط بـ يده وطلع مسيب حسام شاد الفون ويفكر ....

حسام تنهد: كان معاها الحق هي مش لعبة ولا قليلة قيـمة ..

شاف لـ روشـن وتذكر لما شاف أسيل شاده شنطه صغيره ...

فـلاشـش بـااكـك ...

كان حسام شاد الفون ويهدرز ..

كان قاعد مقمعز على دروج عشان يشوف يلي يطلع ويلي يخش 😅

التلفت على صوتها المكسور ..

سكر الخط وصبى: شنو في ؟

أسيل طبست راسها وحطت الشنطه: حسام نبيم تشيلني لـ حوشنا

حسام: اي حوش غر اركبي شقتك والعني الشيطان ..

شافتله بعيونها الدامعة: حسام وراسك شيلني نا مانبيش نقعذ هنا زهقت را معاملة امك واختك ليا وريما خذيما كوم وسلوى مرات مفتاح كوم ثاني ..

حسام تنهد: متعاركة مع صقر مد يده عليك ؟

هزت راسها بالنفي: مش متعاركة نبي نمشي لحوشنا نبي انتريح من الواقع القذر ومن كل شي نبي نحط راسي نبي انتريح خلاص فديت

حسام تنهد بضيق; اسيل سلم خيتي العني الشيطان وارقي الشقة .. حتى مصارين البطن ايتعاركن ...

أسيل بكت بعبرة: تيي خوك متزوجني عشان باابا طلب هك ..

حسام شافلها بستغراب: من يلي قالك كذاب را يلي يكذب عليك يبي يفرق بينك وبينه .. بت ريما ماتخذيش منها كلمة ..