بنات صبري(العشق النادر)(منقولة_ليبية)

بنات صبري 5

#بـنـات_صـبـري ( العشق النادر )

الـحـلـقـة الـخـامـسـة [5]
'''''''''''''''''''''''''''''''''
بقلم:- Reto Fathi 💕
روايـة من وحـي الخيـاال
''''''''''''''''''''''''''''''''''''
تـفـاعـلـوا 🌸🙈
''''''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~~

وصلنا في نهاية البارت السابق لما منار كبت على مالك القـهوة ...

مالك فنص عيونـه وشاف للقهوة يلي نكبت عليـه

رغد مسكت ضحكتها وشافت لـ سفيان يلي مطبس راسـه عشان ما حد يشوفه يضحك ..

منار حطت يدها على فمها بصدمة: اوو ، والله ماقصدي باش مهندس

طلعت من جيبها منديل وقربـت منـه تمسحلـه جت بـ تحط يدها

مالك مسكها ودفهـا: نعرف كيف نصرف

وشافلها وعـدا وهو يتمتم بكلام مش مفهوم ..

منار ابتسمت بخبث: هذا علي يحكي على منار صبري

سفيان ربع يديـه: انت يلي تنباشي يامنار صبري

منار شافتله: من قاللكم تكلموا علي ونا قاعده ، يلا سلامات اول يوم في العمل نبيـه جميل

طلعت مسيبـه رغد تضحك وسفيان موقف ويشوف لـ رغد

رغد مسحت دموعها: وااك يابطني خطيره الفرخـه هذي

سفيان ابتسم: لو كملتي ضحك فيك تبدي في عملك !!

رغد لوت بوزها: ماشيه ماشيه وانت تلز ، تقول شركة باتك

سفيان هز راسـه يمين ويسار وعـدا طلع قبلها

اما رغد عدت دغري لـ مكتبها عشان تشتغل ..

وقـف قدام المكتب بتاعه وحط يديـه على مكتـب وهو ياخذ في نفـس بقوة ..

سفيان خش وفي يده سوريـة: وصـلت السورية

مالك ضغط على يده بقوة وطيـح الملفات يلي على مكتب: متمرده تافـه حقيره

سفيان بستغراب: م مالك !!

مالك بعصبيـة: هي ماتبيش ماتبيش تطلع من راسي ياسفيان انا متأكد انها كانت متقصـده

سفيان: باه انت وسـع بالك ، ممكن تقعد مش متعمده ...

مالك يبي يتكلم سفيـان قاطعـه

سفيان: هي بنت راهي بنت

مالك سلح الجاكيـت والسوريـة شد السورية ثانيـه ولبسها: قتلك كلمة وانا قدها مش حـ نجي شورها في الأخر بنت لكن هي متمرده تنرفز فياا

سفيان هز راسـه: انا ماشـي تبي حاجـه ؟

مالك لبس الجاكيـت: قول لـ منذر يجيبلي ملفات نراجعـهن ..

سفيان: تمام ..

مالك قمعز على كرسي وتنهد بضيـق

••••••••••••••••••••••••••••