بنات صبري(العشق النادر)(منقولة_ليبية)

بنات صبري 17

#بـنـات_صـبـري ( العشق النادر )

الـحـلـقـة الـسـابـعـة عـشـر [17]
'''''''''''''''''''''''''''''''''''''''''
بقلم:- Retal Fathi 💕
روايـة من وحـي الخيـاال
'''''''''''''''''''''''''''''''''''''''''''
لايك قبل القراءة ☺🌸
'''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~~~~

" حـيـاة مـجـهـولـة .."

فوزية صبت من الصالون: هذي ايش تريد جايـه !!

رهف بلعت ريقها وطبست راسها ..

يزيد شد يـد رهف: لأنـها قريباً رح تقعد كنة العيلة ..

الحاج منصور شاف لـ يزيد: مش نا قتلك الحوش هذا ما تخشلاش !!

يزيد شاف لـ باته: عندي شقة فوق الحوش

الحاج منصور صبى: شن تريد بالضبط ..؟

يزيد شاف لـ رهف وبعدها تكلم بصوت عالي: أميـــرة ، اميرة

أميرة نزلت من دراها وعلى وجها ابتسامة ...

يزيد; خوذي رهف لـ دارك

أميرة ابتسمت وشدت يد رهف بعد ماسلمت عليها ورقت هي وياها لـ دار ..

يزيد شاف لـ باته: عمي صبري طول عمره يحبك وطول عمره كان يريدك تعتبره خـوه بس انـتِ كنت ادير فاللي يقهر فيه ..

الحاج منصور يشوف لـ يزيد وساكت

فوزية بعصبية; الراجل مات هو مراته وافتكينا منهن توا يطلعن بناته ..!!

يزيد شاف لـ امـه بنظرة قويـة كفيلة بأنها تسكت ..

يزيد قرب من باتـه وثنـى ربكتـه وشد يد باته: باتي الله يربحك البنت نا رايدها ومافيش خير من بنت عمي ، باتي لو انت عداوتك مع بوها ، بوها مات الله يرحمه لكن البنت ماعش ليها حد خواتها كلهن تزوجن وهي تقعد بروحها مايصيرش منها فكر بـ جانب الأنساني يلي عندك ...

فوزية بصوت عالي: ماتقلبش راس باتك البنت هذي بنت الشحات نا ما نخذهاش لك ناخذلك بنت حسـب ونسـب ..

يزيد باس يـد باتـه; لأول مرة نطلب منك طلب ..

الحاج منصور تنهد وتذكر لما جا عند خـوه وقالـه كلام زي السـم ...

شاف لـ فوزية يلي تشيرله بـ عيونها بمعنى ماتوافقش ..

نزل عيونـه شور يزيد وقعد يشوف لـ عيون ولـده " فيهن لمعة الحب " فيهن الخوف " فيهن التوتر " وفيهن العصبية ..."

فوزية تكلمت بعصبية وتخبط في يديها: البنت هذي اقسم بالله ماهي قعدتها لا هنا ولا تقهد على ذمتك ..

يزيد شاف لـ باته بنظرة " رجاء .."

الحاج منصور هز راسـه: تقرأ فاتحتك عليها وتزوجها ياوليدي ..

ابتسـم يزيد بفرحة وباس يد باته وصبى باس راسـه: الله يخليك

فوزية شافت لـ الحاج منصور بـ تفنيصه: كيف توافق كيف !!