#بـنـات_صـبـري ( العشق النادر )
الـحـلـقـة الـعـشـرون [20]
''''''''''''''''''''''''''''''''''''''''''''
بقلم:- Retal Fathi 💕
روايـة من وحي الخيـاال
''''''''''''''''''''''''''''''''''''''''''''
لايك قبل القراءة ومتابعة للإيميل الشخصي عشان اول ماتنزل الحلقة تشوفوها دغري☺🌸
'''''''''''''''''''''''''''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~~
قاعده مقمعزه في الدرج بتاعها وتغلي من العصبية ...
قمعزت جنبها صحبتها وشافلتها: مــي ؟ كنك
مي بعصبية; يبي يزوجها الشرتيله هذي
صحبتها تنهدت: الله غالب دنيا نصيب ...
قاطعتها بعصبية: فكيني عاد من جو الكذب لا نصيب ولا قديد يزيد مفروض ما يتزوجهاش
صحبتها: ب بس امك قالتلك ان يبيها على حسب كلام فوزية مرة خالك
مي زفرت بضيق: ماهو اكيد مدايرلته سحر
صحبتها: تبي الحق سمحه هي سد مغير عيونها الخضر احلى وحدة في خواتها هي بعدها تجي وسطية
مي بعصبية; شن دخلني بيهم نا سمحه سمحه لروحها نا اليوم ماشيه مع ماما وماضروري ندير لقطة ..
صحبتها تنهدت: باهي يلي يريحك بس شنو تبي ديري
مي سكتت وقعدت تشوف للسبورة ...
تفكر بمَ ان رهف مش مرته لازم ادير حاجـه عشان يزيد يبعد فكرة الزواج من راسه …
شافت لـ صحبتها وابتسمت بخبث; أسامة خويا له فترة يستنى والوقت جا ..
.
.
.
موقفه على ساحة الجامعة وتتصل اكثر من مرة بس مقفل ...
شافلته بتنهيده: مقفل
تنهد بضيق وحط يده ورا راسه: امس سمعت صوت يزيد خش عليها بعدها ماعش رنت علي ولا سمعت حاجه عليها
لمى: نحنا اليوم ماشيين عندهم توا نشوف شن يصير فيها
إسلام هز راسه; اهم شي ماتذكريش اسمي قدامها
هزت لمى راسها شافته لف يبي يعدي للمحاضرة وقفاته: إسلام لحظة شوي
إسلام شافلها: نعم ...
لمى: تبي تخطب جديات ؟
إسلام هز راسه: امي اقترحت عليا الموضوع ونا وافقت
لمى بعصبية: كيف توافق !!
إسلام ابتسم بستهزاء; وعليش العصبية ؟ نا ماعش تلزمني خلاص ، حتى لو قتلك طمنيني عليها مش معناها في أمل ان نردوا لـ بعضنا
لمى: والله انتو يارجاله ماعندكمش احساس بكل ولا ضمير معقول تبي توافق على زواج ، باهي حبكم يلي له ست اسنين شنوو ؟
أنت تقرأ
بنات صبري(العشق النادر)(منقولة_ليبية)
Romanceالحاج صبري:- راجل عمره خمسـين سنة فردي ما عنداش خوت شققـه ، عنده اخ واختيـن من بوه ، وهمـا طبعاً لأن أصغر منهم ومش خوهـم من امهم لازوه هو مراتـه لما كانت عندهـم منار بس ، زوجتـه توفت إثر مرض عفانا الله وياكـم ، وقتها بيطلعوها برا البلاد بس الحاج صبر...
