بنات صبري(العشق النادر)(منقولة_ليبية)

بنات صبري 11

#بـنـات_صـبـري ( العشق النادر )

الـحـلـقـة الـحـاديـة عـشـر [11]
''''''''''''''''''''''''''''''''''''''''
بقلم:- Retal Fathi 💕
روايـة من وحـي الخيـاال
'''''''''''''''''''''''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~~~~

أسيل بلعت ريقها بخوف وشافت لـ حُسام ...

ريما رفعت حاجبها: نعم !! انت ما شفتش شنو دارت في لبسي !!

حسام قرب من أسيل ووقف جنبها; مش قصدها ياهمالايا ورد بالك ترفعي يدك عليها ...

نسيبة: ترفع في صوتك على بنت خالك على سبه وحدة كيف هذي ما تعرفهاش

حسام; نعرفها مانعرفهاش هذي ما تخصكش ، والمهم ان في أخلاق نا تبعت الموقف من الأول البنت هي يلي طاحت واعتذرت ... 

ريما شافت لـ أسيل بشمئزاز: شكله سلفي يكنلها مشاعر هـه

أسيل شدت يدها بقوة وماسكة دمعتها بالسيف …

حسام: ضمي فمك يا ريما خيرلك را مش واحل في تكسيرت راسك هذ

نسيبة بعصبية; حسااام احترم نفسك هذي بنت خالك وخطيبة خوك ، اما هذي شنو منظرها وشكلها بنت فقر ..

أسيل طبست راسها ولفت بتعدي بس سمعت الكف يلي عطاه حسام لـ نسيبة ..

نسيبة شافت لـ حسام بصدمة: ت تض..

حسام: لما تقعدي تحكي على بنات الناس نضربك ..

صقر جا هو ويزيد بعد ما كلمتهم رهف ..

صقر رفع حاجبه: شنو في ..؟

ريما; البنت هذي تمشي ومدرعن عقلها وين بددت العصير عليا وغير ان حسام تمدى مع اخته ..

صقر شاف لـ أسيل

يزيد قرب من أسيل وكرها وراه: الأنسان يغلط يا اختي لكن ..

حسام بعصبية; اعتذرت أسيل اعتذرت منها

صقر: حسام

حسام سكت ..

صقر شاف لـ أسيل بعدها لـ يزيد: مافيش حاجه صارت عادي ..

يزيد هز راسه

أسيل: ي يزيد

صقر دغري شافلها لما كلمت أسيل يزيد ..

يزيد لف لـ أسيل: انعم

أسيل نزلت دمعتها: ن نبي نروح خلاص

يزيد هز راسه وشد يد رهف; هي ياغالي نتلاقوا مرة أخرى ..

صقر ابتسم; إن شاءالله ..

يزيد كيف بـ يعدي بس وقف لما رن فونه طلعه ورد: انعم ياعمي

الحاج صبري داهش; يا يزيد تعالي ال الحوش انحرق ..

يزيد: شنو قلت انحرق