بنات صبري(العشق النادر)(منقولة_ليبية)

بنات صبري 15

#بـنـات_صـبـري ( العشق النادر )

الـحـلـقة الـخـامـسـة عـشـر [15]
'''''''''''''''''''''''''''''''''''''''
بقلم:- Retal Fathi 💕
روايـة من وحـي الخـياال
''''''''''''''''''''''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~

" وتفاصيل كثيرة دُفِنـت بجوار أبيهن ، كضحكته تلك التـي تمحـي كل أحزانِهنَّ ونظرتـه المليئة بالحنان التي تزيـل أوجاعِهنَّ .... "

تشوف للصبايا يلي يعزن فيها ودموعها ينزلن على خدهاا ..

تشوف لـ اختها يلي سانده راسها على اميرة وتعض في يدها بقوة وتبكي ..

تبي تشوفها تبي اختها يلي اكبر منها تبي حد يصبرها ..…

تشوف للبـاب وهي تستنى منار تخش

بس منار ماخشت ..

بحكم ان مرات الحاج صبري ماعندهاش هـل يعني كلهم متوفيـن فـ كانوا الجارات بس يعزن ويطلعن الحوش كان شبـه مافيه حد ..

رغد شافتلهن وتنهدت وقربت من أسيل: ربي يرحمه ..

أسيل شافت لـ رغد: يبصروا صح بابا عدينا مافيه شي يارغد

رغد حضنتها: قدر الله وماشاء فعل ، الموت كلنا لها ..

أسيل بعدت رغد من عليها وشدت بقوة على شعرها: من قعدلنا من !!! ماما عدت وبابا لحقها منو يلي قعدلنا ، مازالنا نبـوه مازال صغـيــر 😭 عنده بنات يبنه والله مازالن يبنـه

رغد نزلن دموعها: خلاص اهدي بس

أسيل بعصبية وهي تبكي: ماتقوليش اهدي ماتقوليييش كيف نهدا ونا فاقده باتي نا قعدت يتيمة اختي الصغيرة تيتمت تيـمت 😭

رهف تعض في يدها وتشوف لـ أسيل وساكتة ..

أميرة حضنت رهف بقوة; رهوفي خلاص اسكتي ..

حـن راد كانت تبكي ..

كلام أسيل اثر في كل الموجوديـن ..

أسيل طاحت على وطـى: بونا حـي وماحد ريحنا توا مات وخلانا ، من يلي لما نمرضوا يشيلنا لـ مشفى من يلي يضحكنا لما نبكوا من يلي يقول ماحد يجي شور بناتي وبناتي خط حمر مـن !! من ترا ..

رهف صبـت بصعوبة وشافت لـ أسيل وقربت حضنتها وقعدت تهدي

أسيل مسكت وجه رهف بين يديها: بونا خلانا يا رهف بابا عدا وسيبنا لـ واقع قذر ومجتمع متوحش 😭

رهف تشوفلها: ب ببب ..

أسيل مسحتلها دموعها وحضنتها ..

أميرة صبـت وعدت بعيد من عليهن وقمعزت على وطـى تبكي ...

.
.
.

دفنـوا الحاج صبري على الظهر بعد ما كان سبب الوفـاة أزمـة قلبيه ..