بنات صبري(العشق النادر)(منقولة_ليبية)

بنات صبري 22

#بـنـات_صـبـري ( العشق النادر )

الـحـلـقـة الـثـانـيـة والـعـشـرون [22]
''''''''''''''''''''''''''''''''''''''''''
بقلم:- Retal Fathi 💕
روايـة من وحـي الخيـاال
''''''''''''''''''''''''''''''''''''''''''''''
متابعة للإيميل عشان لما تنزل تشوفوها دغري ..🙈
'''''''''''''''''''''''''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~

شد الشنطة منها وشد يدها وسـط نظرات الكل ...

رهف طبست راسها منحرجه: يزيد توا نشيلها نا

يزيد ضغط على يدها: اششش

رهف ابتسمت وماتكلمتش

يزيد مبتسم: ها يالحب شنو جو القرآيا ؟

رهف شافت للذبلة يلي لابستها في يدها: امم تهبل

يزيد حط يده على كتفها وشدها ليها وقعد شبه حاضنها: فشكتي على بنات وديرلهن جو خشتيبي زوجي حبيبي وكلام هذا

رهف انحرتج طبست راسها وتكلمت بصوت واطي: يزيد عيب العالم يبحت فينا

يزيد حضنها بقوة: تي نبي افريقيا واوروبا واسيا والعالم كله يعرف اني نحبك يابنـت صبري ...

رهف ابتسمت بحب وركبت السيارة ..

يزيد فتح باب السيارة وركب شد يدها وباسها: ربي يخليك ليا يامراتي

رهف: نحبك يزيد ❤

ابتسم وحرك السيارة وعدا متوجـه للڤيـلا ...

••••••••••••••••••••••••••••••••

مالك شاف لـ منار: منـار صبري ؟

رفعت عيونها باللهفه وهي تشوف في ولدها مصبي قدامها قديش مرايفه عليه قديش تبي تحضنه وتبوسه وتقوله ياوليدي نحبك وانت غالي عليا ، ياوليدي فرقنا الأيام وخباثة هذك الوليه ، ياوليدي برحمة بوك رد ليا ...💔💔

منار ضغطت على يدها بتوتر وخوف وشافت لـ رغد: كلمي عزرائيل يجي يقتلني ولا نطب بين يدين مالك

رغد; كيف يلي حسيت واحد قدر عليك وخوفك

منار نزلت دمعتها من كثر الخوف; ياريتيني ماجيت والله نا ندمانه ..

مالك قرب من منـار يلي ترجف من الخوف ..

شافها كيف ترعش ومطبسة راسها

وقف قدامها بالضبط غير مبالي بـ مؤيد وامـه ، كل همه منار توا

مالك رفع حاجبـه: شن قلنـا مبدري ؟

منار شافتله وهي تذكر يلي صار بينهم ..

فـلاشـش بـااكـك ...

منار شافت لـ مالك يلي شاد برفيوم ويرش منـه: مالك

مالك شافلها من عند المرآيا: عيون مالك

تنهدت بضيق وتكلمت مرة ثانية بس تشوف لـ يديها: وين ماشي ؟