بنات صبري(العشق النادر)(منقولة_ليبية)

بنات صبري 25

#بـنـات_صـبـري ( العشق النادر )

الـحـلـقـة الـخـامسـة والعشـرون [25]
'''''''''''''''''''''''''''''''''''''''''''''''
بقلم:- Retal Fathi 💕
رواية من وحي الخيـاال
'''''''''''''''''''''''''''''''''''''''
لايك قبل القراءة
عشان تثبتِ وجودك في القروب ❤
''''''''''''''''''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~~

سكر الباب بقوة وخش وباين عليه العصبيـة ..

أسل رفعت راسها وشافتله بستغراب ..

ركزت علي عيونه الحادات حست بالخوف لأول مرة ..

طبست راسها وبلعت ريقها وسكتت

خبط يده بقوة على طولة من كثر العصبية ...

شافتله وتكلمت بتردد: صص صقر

شافلها بعيون حمره وعروق رقبته قريب يطربقن

أسيل صبت ووخرت: شش شنو في ك كنك هكي

صقر زفر بضيق وشد الدخان من جيب الجاكيت وطلع للبكلوني يدخـن بدون مايرد عليها ..

تنهدت بضيق وقمعزت على كرسي: اووف شنو هذا عايشة مع واحد فيه انفصام شخصية ، بس مع هذا يهبل

سكتت شوي وهي تشوف للتلفزن: ازعمك عمي شن قاله يلي جا وجه زي وجه الواحد يلي غمتله من واحد حاقد عليه !!

صبت من الكرسـي وعدت متوجه لـ بلكونة وقفت وقعدت تشوفله ..

وهو حاط يديه على بلوكنة ويدخن بشرود ..

جسمـه عضلاته ، طوله ، شخصيتـه كله بـ عصبيته وحنيته بدت تأثر في أسيل يلي بدت تتعلق بيه ❤

ردت وشدت الجاكيـت وقفت وراه لبساته الجاكيت: صقع

صقر نفخ الدخان: خشـي

أسيل شدت يده وابتسمت: شنو يلي مضايقك

صقر: خشي قلت

أسيل ماعدلتش عليه: فضفض احسن ماتقعد حابسهم في قلبك بعدها صدقني رح تتعب ..

صقر شافلها لـ فترة عند ماطبست راسها من كثر ما يشوفلها بنظرات داكنة ..

تنهد وبعد عيونه من عليها وشاف لـ سماء: باتي يبي يدير صلح مع خوه

أسيل: وانت شنو يلي مضايقك

صقر بعصبية وصوت عالي: شنو مضايقني تي خويا هذا يلي انقتل !!

أسيل شافتله: مش كل شي عصبية مش كل شي حقد خليك متسامح

صقر ضحك بهزوه: هـه ، يعني نحبه في خشمه ونقوله صحيت بارك الله في ونورت الحوش ياغالي عليا وهو قاتل خوي !!!

أسيل هزت راسها بالنفي: مش هكي قصدي ، قصدي اذا الله يلي خالقنا كلنا يسامح فينا نحنا من عشان مانسامحوش !!

صقر شافلها بضيق وبعدها شاف لـ دخان يلي في يده بدون مايرد عليها

أسيل كملت ببتسامة: دائماً بادل السيئة بالحسنـة ، سامح لأن هذا عمره صفوان عمره ياصقر مكتوبله يموت بطريقة هذي والله يرحمه ... ماتخليش شي ينحسب عليك ..