#بـنـات_صـبـري ( العشق النادر )
الـحـلـقـة الـتـاسـعـة عـشـر [19]
'''''''''''''''''''''''''''''''''''''''''
بقلم:- Retal Fathi 💕
روايـة من وحـي الخيـاال
'''''''''''''''''''''''''''''
لايك قبل القراءة ☺🌸
'''''''''''''''''''''''
نـبـدو حـلـقـتـنـاا 💛🔥🔥
~~~~~~~~~~~~~~~~~~~~~~
" بصيص من الأمل .."
قاعـده شاده في يدها فنجان قهوة وتشرب ..
وفي يدها الثانيـة الفون بتاعها تحاول ترن على أحلام بس أحلام كان فونها مفقل والكلام هذا ليـه قرابة اسبوعين وهي تحاول ...
تنهدت بضيق وحطت الفون على صالون وقعدت تشرب في قهوتها وهي تذكر في كلام عالية لها ...
فـلاشـش بـااكـك ...
عالية مقمعزه في صالة وقاعده مع بعض الجارات يلي جايات يباركنلها على عرس صقر ...
وحدة من الجارات; يابنتي وينها الوليه الثانية يلي خذها صقر
ريما شافت لـ عالية وطبست راسها
عالية انحرجت: قاعده في شقتها فوق
الثانية تكملت: اندهيها انريدو نحقوها
عالية هزت راسها: نسيبة نسيبـة
نسيبة طلعت راسها من المطبخ: نعم ماما
عالية: كلمي مرات خوك تطلع تسلم على جارات
نسيبة: حاضر
عدت نسيبة متوجه لـ شقة صفوان يلي قاعده فيها أسيل رقت ودقت
فتحت أسيل الباب وهي لابسه اسدال; اهلين
نسيبة: خير ، قالتلك امي انزلي في صبابا يبن يحقنك ...
أسيل هزت راسها: حاضر ..
سكرت الباب وعدت شدت قونـة بالون البيج طويله ولبست عليها قميص دافي لونه سكري ..
لبست وشاحها الأسود .. شدت موزيل رشت منـه شوي ومزلت بدون ماتحط اي مكياج على وجها …
خشت عليهن وهي متحشمه: السلام عليكم ..
سلمت عليهن وحدة ورا الثانيـة وانسجمت معاهن كانن صبايا شعلوليات وطيبات متواضعات عكس عالية ...
كانت أسيل تساعد في نسيبة وريما مقعمزه وعالية تغلي من العصبية ..
أسيل شافت لـ عالية يلي شرقت في مكسرات صبت تجري جابتلها ميـه
أسيل وهي ترعش: تف تفضلي يا اعميمه ...
عالية شدت منها الميه وشربت
ريما: شنو اعميمه توا تمام
عالية: الحمدلله وشافت لـ أسيل
أسيل ابتسمت وسكتت
وحدة من جارات تكلمت: يا ناعليا ياعالية رعشتي البنيـه
أنت تقرأ
بنات صبري(العشق النادر)(منقولة_ليبية)
Romanceالحاج صبري:- راجل عمره خمسـين سنة فردي ما عنداش خوت شققـه ، عنده اخ واختيـن من بوه ، وهمـا طبعاً لأن أصغر منهم ومش خوهـم من امهم لازوه هو مراتـه لما كانت عندهـم منار بس ، زوجتـه توفت إثر مرض عفانا الله وياكـم ، وقتها بيطلعوها برا البلاد بس الحاج صبر...
