ملك قلبى ♥

الجزء الواحد والعشرون

جاء اليوم التالى

«ياماما انا مش هاسيب سمر كفايه اللي حصل زمان وخلاني اسيبها»
هتف بها صبري بحده لانهاء هذا النقاش مع والدته بينما هتفت والدته بهدوء
ـ يا ابني يا حبيبي خراب البيوت مش بالساهل انت ناسى انت واخذ منهم ايه انت واخذ منهم فوق ال 15,000 الف
هتف صبري بهدوء
ـ انا ما فيش ورقه تثبت عليا ان انا  واخد منهم فلوس هم اللي اغبياء وما اخذوش مني امضى على اي ورقه تثبت حقهم يبقا يستاهلم والقانون لا يحمى المغفلين
هتفت ولدته بهدوء
ـ يا ابني حرام عليك دول ولايه حرام عليك وانت عندك اخوات بنات يبقا اديهم حقهم يا ابني ونطلع منهم مستورين
ـ نطلع مستورين ازاي وانا.. هو انا مش عريس وداخل على جوازه ثانيه عايزاني ادخل استلف من اهلها هي كمان انا مش مديهم حاجه لحد ما اتجوز وابقى اشوف بقى بعد سنتين ثلاثه كده ابقا اديهم حقهم
ـ يا ابني حرام عليك افتكر لها اي حاجه حلوه عملتها معاك
هتفت بها والدتها لكي ترجع ما في راسه بينما هو هتف بتصميم
ـ حاجه حلوه ايه دي كانت ما بتعرفش تطبخ كنت اقول لها اعمليلي اي حاجه تقولي استني هاشوف النت يا ماما والنبي انا ارتحت اسكتي ما يغركيش شكلها وحلاوتها كده انا مش عايزها ومن الاول قلتلك ان انا مش عايزها انما لما اتجوزتها اتجوزتها غصب وهي كمان متجوزانى غصب.. هو ده اللي انا فهمته من طريقه كلامها كده خلاص ولا هي باقيه عليا ولا انا باقي عليها.. وانا هتجوز وهي كمان بكره تتجوز وتشوف نصيبها
ـ خلاص يبقى زي ما دخلنا بالمعروف نخرج بالمعروف الله يخليك.. واديهم حقهم وكثر الف خيرهم انهم ساعدوك
ـ يووووه يا ماما هو انت ما فيش على لسانك غير الفلوس الفلوس الفلوس.. طب ايه رايك بقى ان انا مش دافع فلوس خالص واللي عندهم يعملوه
هتف بها صبري بصراخ وصوت عال ثم دلف الى غرفته بغضب شديد لكي ينهي هذا النقاش مع والدته بما يريده

🌹🌹🌹🌹🌹🌹🌹🌹🌹🌹🌹🌹🌹🌹

كانت جالسه على المكتب الخاص بها تنظر لمن تقف امامها بطريقه مقززه وايضا ملابسها الغير محتشمه كانت تنظر اليها اميره بغيظ وغضب شديد من شده الغيره الذي تنهش في قلبها عندما راتها لانها لم تاتي لاحد سوى طاهر ثم هتفت بهدوء جاهده التحكم به قائله
ـ افندم
هتفت سوسن بابتسامه وصوت ناعم
ـ لو سمحتى هو طاهر بيه موجود
هتفت اميره تلقائيا وهي تقلد صوتها ولكن بطريقه قبيحه قائله
ـ لا والله طاهر بيه مشغول شويه
ـ ايه ده
هتفت بها سوسن بحده بعض الشيء عندما لاحظت السخريه من حديث اميره بينما عدلت اميره من نظارتها وعادت مرة اخرى الى جديتها قائله بهدوء
ـ ايوا حضرتك موجود في حاجه عايزاها ليه
ـ نعم
هتفت بها سوسن باستغراب لتدخلها الغير مرغوب فيه بينها وبين طاهر بينما حمحت اميره بهدوء وجديه ثم هتفت قائله
ـ قصدي يعني اقوله مين
هتفت سوسن بمياعه
ـ لا انا هاعملهاله مفاجاه اصل طاهر حبيبي بيحب المفاجات
ـ حبك برص وعشره خرص وتلاته عمى واثنين طرش
هتفت بها اميره بهمس وغيظ شديد تكاد تفتك بهذه الفتاه الواقفه امامها وايضا طاهر.. نهضت اميره من مجلسها قالت بهدوء
ـ طيب هاديله خبر
كادت بان تتحرك للداخل المكتب ولكن اوقفتها سوسن عندما قبضت علي يديها قائله بهدوء
ـ لا خليكى انا هادخله
توقفت اميره ولا تدري ما السبب الذي جعلها تتوقف بينما دلفت سوسن للداخل بهدوء الى مكتب طاهر ثم اغلقت الباب خلفها.. اعتقد طاهر بان من الذي دلفت للتو لم تكن سوى امير رفع انظاره بابتسامه هادئه ولكنه صدم بشده عندما راى سوسن جالسه امامه فهذا يعني انها مرت من امام اميره وهذا لم يمر مرور الكرام بالنسبه لاميره ثم هتف بهدوء وجديه
ـ سوسن عايزه حاجه
ـ سوسن كده حاف.. اخص عليك يا طهور كده اهون عليك كل ده ما تسالش عليا ولا تطمن عليا
هتف طاهر بجديه وهو يقلب في الاوراق الذي امامه غير عابئ بها قائلا
ـ والله مشاغل بقى وبعدين عقبال عندك كده ان شاء الله انا خطبت وان شاء الله فرحي كمان شهور كده ان شاء الله
هتف بها طاهر بهدوء ومرح في ان واحد لتذكره يوم زفافه بينما هتفت سوسن بتسائل وغيظ
ـ ومالك عمال بتقول ان شاء الله ان شاء الله ان شاء الله كده ليه هو انت يعني اول واحد تتجوز
هتف طاهر بابتسامه حالمه قائلا
ـ لا مش اول واحد اتجوز بس عشان انا بحبها قوي وما صدقت ان هي وفقت عشان خاطر الجوازه.. طبعا انت معزومه بس جدعنه مني هاجيبلك كارت دعوه
ـ اه ومين بقى الحلوه اللي خليتك تتجوزها واللي انت غرقان لشوشتك فيها كده
هتف طاهر بحب واضح قائلا
ـ عمرك شفتى القمر بيظهر قبل يوم 14... اكيد لا مراتي هتشوفيها في فرحها وهي جنبي ولابسه فستان الابيض وقمر..لأن القمر عمره ماظهر في اول الشهر
ـ يعنى ايه
هتفت بها سوسن بغيظ بغضب عندما فهمت ماذا يقصده في حديثه بينما هو هتف بهدوء وجديه
ـ يعني خلاص يا سوسن انا قبل ما اخطب اصلا قلتلك انت من سكه وانا من سكه... ودلوقت انا ما ينفعش اكون مع خطيبتي...اللى  انا ما صدقت اصلا ان هي وثقت في واحد كان بتاع بنات والكلام ده.. فمش ممكن بعد دا كله ارجع للايام زمان تانى.. فانا بحب خطيبتي وخطيبتي بتحبني وانت يا بنت الناس روحي شوفيلك حد ثاني احسن مني تتجوزيه او تكملي معاه المسيره اللي انت ماشيه فيها.. انما انا خلاص اخترت اللى ربنا قسمهولى والى هو مش هيضرني فيه
ـ ماشي يا طاهر ماشي مبروك
هتفت بها بغيظ وغضب ثم نهضه من مجلسها لكي ترحل