ملك قلبى ♥

الجزء التامن

بعد مرور يومين جاء يوم الجمعه المحبب اللى قلب ملك وبشده.. استيقظت من نومها بفزع من صوت والدتها ككل يوم.. ثم نهضت وتوضأت وادت فرضها ثم ارتدت ثيابها ثم خرجت ووقفت فى المطبخ تعد طعام الغداء لحين تعود والدتها من التسوق

وبعد وقت ليس بطويل.. دلفت والدتها من باب الشقه مردفتا بصوت عال مناديتا ابنتها قائلة
ـ ملك بتعملى ايه عندك
دلفت اللى داخل المطبخ لكى ترى ابنتها.. وعندما دلفت وجدتها بالداخل وتقطع البصل ودموعها تهبط بغزاره ثم أردفت بصدمه
ـ انتى بتخرطى بصل ليه ياملك
ولكن لارد من ملك..
ثم أردفت بتساؤل
ـ مالك يابت مش بترودى ليه..
ولكن دون رد.. اقتربت منها وهزتها بعنف
ـ مالك يابت
افرغت ملك مافى جوفها قائلة بغضب وهى تغلق اعينها
ـ ايه ياماما.. مش شايفانى مندمجه فى تخريط البصل
هتفت والدتها بتساؤل
ـ انت بتخرطى بصل ليه احنا مش محتاجين بصل اصلا.. وبعدين حاطه مايه فى بقك ليه
اردفت ملك بهدوء
ـ اصل انا عرفت من على اليوتيوب.. ان لو الواحد عايز يخرط بصل وعنيه ماتدمعش يحط شويه مايه فى بقه
اردفت والدتها بسخريه
ـ لا والنبى.. مانت عينك بتسح دموع اهيه
اردفت ملك بذكاء
ـ ماهو انا قولت.. يمكن البصل مش عارف ان انا فى بوقى مايه.. فقولت استنى لما انتى تندهى عليا كتير ولما انا مارودش هو هيعرف.. وبكده مش هيخلى عنيا تنزل دموع
اردفت والدتها بقله صبر
ـ امشي يابنت المجنونه من هنا.. امشي
ـ حاضر.. يخساره التعب والدموع اللى نزلت.. انا بعد كده مش هصدق اليوتيوب ده ابدا.. طلع بيجيب حجات غلط
هتفت بها ملك بغيظ وهى تاركه المطبخ.. بينما قاطعها رد والدتها قائلة
ـ هو برضو اللى بيجيب حجات غلط.. دا بطنى انا اللى بتجيب كائنات غلط.. مش عارفه منين.. ان كان انتى ولا اخوكى.
اردفت ملك ببرود
ـ تؤ تؤ.. ماما احنا هنكفر ولا ايه... ماينفعش كده.. انت ناسيه ان ربنا هو اللى بيعمل كل حاجه.. وله حكمه فى كده
اردفت والدتها بغيظ
ـ تصدقى عندك حق.. اكيد. ليه حكمه فانى اتجلط على ايد بنتى
اردفت ملك بأستفزاز
ـ والله فعلا اكيد ربنا له حكمه فى كده.. طب فكرى معايا كده.. لو مثلا ربنا كاتبلك انى تتجلطى على ايد جارتك.. ممكن بابا يتعصب ويقول.. انا مراتى اتجلطت بسبب جارتى.. وممكن ينتقم منها ويجبلك حقك.. وتقلب طار بقا وجو صعيدى.. انما انا مش هينتقم منى انا بنته
غضبت والدتها ثم امسكت حذائها قائلة بغضب
ـ هو انا معلماكى علشان تتفسلفى عليا.. غورى من هنا يابنت.. ال.  
اردفت ملك بزهول
ـ ماما ماينفعش كده.. بابا راجل محترم ماينفعش يتشم
اردفت والدتها بغيظ
ـ ومين قال ان انا هشتمك بابوكى.. انا هشتمك بأمك يابنت الجزمه
ـ اه اذا كان كده ماشي،
ـ غورى من وشى بدل ماأكلك البصل ده
اردفت ملك ببرود
ـ مبحبوش.. يعنى عنيا هتدمع منه وكمان هاكله.. اكيد لا
اردفت والدتها باستسلام
ـ طب امشي من قدامى ياملك.. امشي ربنا يهديكى
اردفت مبك بابتسامه
ـ تمام ماشي.. همشي حضرى انت الاكل بقا.. باااى
ثم ذهبت من امامها لكى تحضر طاوله العشاء بينما بدأت والدتها بتحضير الطعام