استيقظ مبكرا ثم دخل الحمام ثم أدى فرصه وارتدى ملابسه ورش برفانه المفضل ثم هبط اللى الأسفل وجد كالعاده طاهر يجلس مع والدته نظر اليهم ثم أردف
ـ صباح الخير ياجماعه
رددو الأثنين
ـ صباح النور
ثم جلسو جميعا على طاوله الطعام وشرعو فى تناول الفطار وبعد دقائق هبط تامر من الأعلى وهو يرتدى ثيابه بالكامل نظر اليه اخوه ثم أردف
ـ انت رايح فين كده
ـ طب استنى اقول صباح الخير الأول
رددو جميعا
ـ صباح النور
ثم أكمل أسامه
ـ انت رايح فين برصو
ـ انا رايح عند واحد صاحبى هنشترى شويه ملازم علشان ورانا درس مهم
ـ ماشي معاك فلوس
ـ اه معايا.. سلام
اردفت ناهد
ـ مش هتفطر ياحبيبي
ـ لا مش جعان
ثم رحل تامر وأكملو جميعهم الفطار وبعد وقت ليس طويل رحل أسامه بصحبه طاهر اللى مقر الشركه
🌹🌹🌹🌹🌹🌹🌹🌹🌹🌹🌹🌹🌹🌹
دلف اللى مكتبه الخاص وبعد دقائق سمع دقات على الباب فأذن للطارق بالدلوف وبعد لحظات دلفت أميره وهى تحمل بعض الملفات ثم اردفت
ـ حضرتك شركه وائل الجيار بعدت فاكس بيقول ان باعت شيك بعشر الاف جنيه والباقى بعد التسليم.. اما شركه محمد الحسينى فهم بيقولو انهم هيبعتو مندوب علشان ياخد الشيك اللى حضرتك متفق عليه والباقى بعد مالشحنه توصلك.. تمام
ـ طب ماقلوش معاد الشحنه امتى
ـ لا هيحددو المعاد لما المندوب يجى
ـ طب والمندوب جاى امتى
ـ لا احنا هنعرف فى وقتها
ـ تمام ماشي.. اتفضلى انتى
ثم خرجت من امامه وبقى هو يعمل على الملفات ويفكر فى أن يتعاقد مع شركات أخرى لتطوير شركات الحديدى
خارج المكتب دلف طاهر بطلته الرجوليه المرحه ثم نظر على من تجلس وتكتب فى الملفات التى امامها ثم أردف بمرح
ـ مش ناوى تحن ياجن
ـ افندم
اردف وهو يجلس على المقعد المقابل لها
ـ عايز اعزمك على الغدا النهارده او فى اى وقت زى ماتحبى... بس توافقى
ـ لا
ـ ليه بس صدقينى هتتبسطى وهو ترتاحى من رخامتى دى
ـ كويس... عارف ان حضرتك رخم
ـ حضرتك ورخم فى نفس الجمله.. ماشي هعديها.. طب طالما انت واثقه من نفسك خايفه من ايه
ـ انا مش خايفه بس مشغوله شويه... وانت عارف صاحب الشغل مابيرحمش
ـ ياستى لو على كده ماتخفيش... انا صاحبه وهقنعه يديكى أجازه يوم بحاله نتغدى مع بعض وبقيت اليوم براحتك.. ايه رأيك
ـ لا رد
ـ اميره
ـ لارد
ـ ماترودى عليا
اجابت ببروود تام وكأنه لم يقول شيئا
ـ بالمره وانت خارج خد الملف ده اصل كنت هاجبهولك
اجاب بغضب على معاملتها معه
ـ كده ياأميره.. ماشي
ـ سلام يافندم
ثم اكملت باقى عملها
🌹🌹🌹🌹🌹🌹🌹🌹🌹🌹🌹🌹🌹🌹
«تمام يافندم »
نطق بها طارق بعد ان ادى التحيه العسكريه للواء رأفت الذى ابتسم له ثم خفى ابتسامته سريعا ثم أردف بغضب مصطنع يدارى خلفه فخره بطارق
ـ طبعا انا مش ناسي اللى انت عاملته وهتتعاقب على اللى انت عاملته ده... أولا هروب متهم وهو كان تحت حمايتك...ثانيا ضرب عسكرى بطريقه وحشيه أدت له فى حدوث تلات عمليات جراحيه...ثالثا ازعاج سلطات
استدار له ثم أكمل بأبتسامه
ـ وبالرغم من كل ده....انا فخور بيك
انهى كلامه وهو يفرد ذراعيه فى الهواء وكانت هذه دعوه صريحه لتقدم المقدم طارق فى احضان اللواء رأفت ربت على ظهره بحنو الأب قائلا بأبتسامه
ـ برافو عليك.... هو اه القضيه مش صعبه... بس انا مبسوط لأنى كنت متراهن عليك
اجاب الأخر بابتسامه ومرح
ـ يافندم انا دايما تحت امرك وأوعدك ان ده مش هيتكرر تانى.. بس انت مش ملاحظ ان كلامك كان ناشف حبتين
ضحك اللواء بصوت عال قائلا...
ـ بص هفهك انا دايما كنت بتكلم عنك وعن شطارتك فلما حصل كده الكل كان بيلومنى انى اديتك مكانه هما شايفين انك متستحقهاش... فبصراحه كلامهم عصبنى عليك قولت ابعتلك اطلعهم عليك.. من ناحيه احمسك.. ومن ناحيه تانيه الفت نظرك.. ان فى حركه تانيه زى دى يبقى لازم تكون فاهم ان اقرب حد ليك وكان دايما فى ضهرك واللى كان بيساعدك ممكن يعاقبك ويبقى ضددك.. لأنك غلط فهمت
ـ فهمت... انا برضو قولت استحاله الكلام ده من قلبك...
ـ انت ابنى ياطارق اللى مخلفتوش علشان كده عايزك دايما محافظ على مركزك وسمعتك وسمعة شغلك تمام
ـ تمام يافندم
ـ يالا بقا على شغلك
اردف وهو يؤدى التحيه العسكريه
ـ تمام يافندم
ثم رحل من امامه اللى مكتبه لكى يباشر عمله
أنت تقرأ
ملك قلبى ♥
Comédieجنون.... مرح..... جاده..... صارم.... هؤلاء صفات سوف يجمعهم القدر تحت مسمى الحب ولكن لايحدث هذا بدون مغامرات وعناد وتحدى وجنون ❤
