نور الأدهم (حب حياتى) الجزء التانى

بارت ٤

نبدء

يونس اخد جنا و خرج و ركب عربيته و اتحرك عدا ساعه و اتنين و جنا كانت مستغربه سكوت يونس طول الطريق و كمان كانت خايفه شويه لأنها لاحظت ان نظراته بتتغير ألوانها بشكل مش طبيعى و كمان المكان لاحظت انهم دخلو ع مكان صحراء خالص مفيش اى حد ساكن فيه و كانت قلقانه و قلبها مقبوض

بعد اكتر من ٣ ساعات العربيه وقفت قدام بيت مرعب جدا شكله اسود و مخيف و نزل يونس و نزل جنا و اخدها و دخلو البيت و لاحظت جنا ان ف حراسه شديده متوزعه حوالين البيت دا و البيت كأنه شبه البيوت المسكونه اصلا

يونس بعد ما دخل اخد جنا ع اوضه فاضيه خالص مش فيها غير دولاب صغير و كرسى و مرايه كبيره بطول الحائط

يونس بنبره مخيفه و امر : هتفضلى هنا لحد ما ارجعلك و ف لبس ف الدولاب دا تلبسيه فورا و تستنينى هنا و ماتتحركيش من مكانك فاهمه

جنا برعب : انا خايفه متسبنيش لوحدى

يونس بنفاذ صبر : ما تخافيش ما فيش حد ف البيت دا غيرى انا و انتى اسمعى الكلام وبس فاهمه

جنا برعشه ف جسمها كله قالت : حاضر

خرج يونس و جنا مسكت فونها و رنت ع نور بسرعه و اول ما نور فتحت الخط

جنا بقلق و دموع : الحقينى يا نور

نور كانت لسه نايمه مع أدهم و لما فونها رن فتحت من غير تركيز

نور بضيق و هى مش مركزه ف صوت جنا قالت : ف ايه يا جنا ع الصبح كدا

جنا بلغبطه و بسرعه : يا نور الحقينى انا و يونس شكله ما يطمنش خالص و احنا ف حته غريبه كدا

نور بتركيز : براحه شويه عشان انا مش فاهمه منك حاجه

جنا حاولت تهدى نفسها و قالت : انا و يونس ف بيت شكله مرعب يا نور و مش عارفه اعمل ايه و مش مطمنه لتصرفات يونس خالص

نور بتسال : بيت شكله مرعب ازاى يعنى

جنا بعدم معرفه : مش عارفه اوصف ازاى هو ف وسط الصحرا و اسود يا نور كل حاجه فيه سودا

نور وسعت عنيها بصدمه لما عرفت المكان دا و قالت بزهول ف بالها : بيت الشيطان الأسود يا نهار اسود هو المعاد جه لازم اتاكد

نور بجديه : يا جنا انتى لاحظتى عليه تصرفات غريبه او قالك حاجه او انتى عملتى ليه حاجه

جنا بتوتر شديد : مش عارفه يا نور انا والله ما عملت اى حاجه و نفذت كلامك ليا امبارح و كنت مطيعه زى ما قولتلى اعمل بالظبط و سبته يعاقبنى و ماعترضتش ع عنفه معايا و لا اى حاجه برغم ان عنفه كان شديد شويه بس ما اتكلمتش والله

وبعد كدا نمت و صحيت الصبح لقيته بيتعامل معايا ببرود و قالى هنروح مشوار و جينا ع هنا و طول الطريق كان ساكت خالص بس لاحظت ان نظره عنيه غريبه شويه و لونها بيتغير فجأه و كنت مرعوبه جدا