نور الأدهم (حب حياتى) الجزء التانى

بارت ١٣

نبدء

بعد مرور اسبوعين نور و أدهم و أخواتها و الاولاد رجعو القصر تانى بعد ما تم تجهيره ع أعلى مستوى و نور دخلت انظمه حمايه جديده ف القصر و تم تغيير رجال الحراسه بالكامل ما عدا ستيف

ف صباح يوم جديد ف جناح نور و أدهم كانت نور نايمه و أدهم بيجهز عشان يخرج و يروح شغله و نور بتصحى ع حركته ف الجناح

نور بكسل و خمول : صباح الخير يا أدهم

أدهم كان بيحط البروفان بتاعه و لما سمع نور و شافها صحيت ف المرايا ابتسم بهدوء و قال : صباح الخير يا حبيبتى

نور بهدوء : رايح الشغل

أدهم شاور ليها و قال بهدوء : عندى اجتماع مهم جدا انهارده

نور بهدوء : طيب

أدهم قرب من نور و كان عاوز يبوسها اتفاجاء بنور بعدت عنه بسرعه و قالت بقرف : ايه الريحه دى

أدهم بستغراب : ريحه ايه يا نور

نور بقرف : انت غيرت البرفان بتاعك ليه النوع دا وحش اوى

أدهم بعدم فهم : انا مغيرتش حاجه يا نور البرفان بتاعى زى ما هو

نور بنفور : طيب ابعد عنى عشان ريحتك قرفتنى و قلبت معدتى

أدهم بضيق : ايه الى بتقوليه دا يا نور ريحتى قلبت معدتك و قرفانه منى كمان

نور مقدرتش تتكلم و ف لحظه زقت أدهم و جريت ع الحمام بسرعه و بقت ترجع أدهم اضايق من الحركه دى جدا و بعصبيه مسك ازازه البرفان بتاعته و حدفها ف الارض و اتكسرت ع ١٠٠ حته و خرج من الجناح و رزع الباب وراه بعنف

نور شويه و خرجت من الحمام و شافت الازاز ف الارض و عرفت ان أدهم اضايق من إلى عملته لأنها عارفه ان أدهم اكتر حاجه بيكرها ان نور تكون مش عاوزه قربه منها او انها تمنع نفسها منه الحكايه دى بتخليه مخنوق و مضايق جدا

نور كمان كانت مستغربه نفسها لأنها متعوده ع ريحه برفان أدهم و مش فاهمه ايه الى حصل و خلاها قرفانه كدا فجأه المهم نور بعتت حد من الخدم ينضف الجناح كله من الازاز عشان نور مش كانت مستحمله الريحه خالص و بعدها نزلت ف الجنينه

شويه و جنا جات ليها و قعدت جنبها و كان باين عليها انها مضايقه هى كمان نور لما شافتها قالت ف بالها بسخريه : هو انهارده يوم النكد العالمى و الا ايه

جنا بضيق : يا نور

نور مردتش عليها

جنا بضيق : هو انا مش بكلمك يا نور مش بتردى عليا ليه

نور بسخريه : عشان حافظه ام الوش دا كويس

جنا بغيظ : ما هو من عمايل اخوكى إلى هيجننى والله

نور بسخريه : عمايل اخويا بردو و لا هبلك و جنانك يا حبيبتى تصدقى بالله انتى ما عندك ريحه الدم ف ايه يا بنتى كل شويه خناق يا شيخه مش بتزهقى هو بقا مقرر خلاص والله يونس ليه الجنه ان مستحمل ام نكدك دا يا فقر