نور الأدهم (حب حياتى) الجزء التانى

بارت ٣

نبدء

ف الاسكندريه عند نور

بعد ما الظابط قال الكلام دا ل نور قررت نور تتسلى شويه

نور بتسليه و خبث : يا عنيا عاوز تبوس انت حاضر بس مش تخرج الناس دول بره عشان نكون براحتنا

معتز بغرور شاور للظابط إلى بص ل نور بقرف و اخد المتهمين و خرج و قفل الباب وراه

معتز برغبه وسخه : يلا بقا يا حلوه الجو راق لينا و بقينا لوحدنا خالص عاوزك تظبطينى ع الاخر

نور بشر و لون عنيها اتغير فجأه : متقلقش و حيات امك هظبطك و هخليك تتوب ع ايدى و تمشى عدل

نور قربت منه فجأه و ضربته تحت الحزام و مالحقش يستوعب الظابط الموقف كانت نور هجمت عليه بوكس و اتنين لحد ما شلفطت وشه خالص و رمته ع الارض و قربت من الشباك بتاع المكتب

نور بصوت عالى من الشباك : رووووكسى

روكسى سمع صوت نور ف إلعربيه و خرج راسه من الشباك و بص عليها

نور بأمر : تعالا بسرعه يا روكسى

اتحرك روكسى فعلا و نط من الشباك و دخل القسم و جرى ع مكان نور و القسم كله جرى ع المكتب ع صوت نور العالى و لحظات روكسى ظهر قدامهم و طلع زئير عالى كلهم اترعبو منه و نور فتحت الباب من جوا

نور ببرود أعصاب خرجت و قالت ل روكسى ب الاشاره : روكسى حبيبى عاوزاك تدخل و تلعب شويه مع الراجل إلى جوا دا ماشى

روكسى فهم كلام نور و دخل المكتب فورا و نور قفلت الباب عليهم و دقايق و صريخ الظابط كان مالى المكان كله

معتز بخوف و صوت عالى : الحقوننننننى

نور ببرود أعصاب قعدت بره و هى سامعه صريخ الظابط و عامله نفسها بريئه خالص

الظابط هشام اتحرك بعصبيه ل نور : انتى يا ست يا مجنونه عارفه عقوبه إلى بتعمليه دا

نور ببرود شاورت بالموافقه

هشام بغضب : يعنى عارفه و مش هامك قومى يا بت انتى وقفى الأسد بتاعك دا هيقتل الراجل

نور بستفزاز : لا مش هيقتله مش تخاف و بعدين لو خايف ع زميلك اوى كدا ما تدخل انت

هشام بغضب شديد : انتى حد مسلطك علينا يا بت انتى و الا ايه و رحمه امى لو ما دخلتى لكون قاتلك و طلع مسدسه ووجهه ع نور

نور بصت ليه شويه و قالت بسخريه : وانت فاكر انك لما تقتلنى الأسد هيقف لوحده و الا هيسيبك ما انت هتموت ورايا ع طول

هشام جاب آخره منها و مد ايده عشان يمسكها من شعرها بس نور كانت اسرع منه و ف لحظه مسكت ايده و لفتها ورا ضهره بقسوه و الايد التانيه طلعت خنجرها و حطته ع رقبته