نور الأدهم (حب حياتى) الجزء التانى

بارت ٢٨

نبدء

ف جناح نور و ادهم

نور اتصدمت لما سمعت كلام ادهم و فهمت انه كشف حوار الحمل

نور بصت ليه بجمود و قالت : دا سؤال و الا اتهام

ادهم بعدم تصديق : يعنى الكلام دا حقيقى طالما ما انكرتيش يبقا حقيقى انتى فعلا حامل و عاوزه تنزلى الطفل دا

نور اتنهدت و قالت بهدوء : مش زى ما انت فاهم الحوار اكبر من كدا

ادهم اتعصب و قال : حوار ايه و زفت ايه هو انتى فاكره ان هسمحلك تعملى الجنان دا

نور رفعت حاجبها و قالت بترقب لرد فعله : هتعمل ايه يعنى

ادهم بعصبيه : هعمل حاجات كتير يا نور لو وصلت حتى ان اكتفك ف السرير لحد ما تولدى هعمل كدا

نور سمعت كلامه و اتفتحت ف الضحك بشده و قالت : هههههه اخر حاجه كنت اتوقعها ردك دا

ادهم بضيق : انا مقولتش نكته عشان تضحكى عليها بالشكل دا و بعدين انتى كنتى متوقعه ايه ان اوافق ع الجنان بتاعك دا و اسيبك تجهضى ابنى

نور هديت شويه و ردت عليه بسعاده : لا انا بصراحه كنت متخيله انك هتساومنى ع طلاق لو عملت كدا

ادهم بنفى قاطع : طلاق ايه يا نور هو انتى بتهزرى مستحيل طبعا اطلقك و لا حتى افكر ف الحوار دا و بعدين لو انتى هان عليكى كل الحب الى بينا و هان عليكى تفكرى تطلقى منى انا مقدرش اعمل كدا و اخسر حياتى بايدى

نور اتحركت و قعدت ع السرير و قالت : انا فعلا كنت هنزل الحمل دا بس الحوار مش انى بايعه و لا انك هونت عليا الحوار انى خفت يا ادهم خفت عليه يعيش ف الجو الى حوالينا دا و طبيعه شغلى تخلينى مينفعش اخلف

ادهم بصبر : ليه بس يا حبيبتى انتى مش نفسك تسمعى كلمه ماما و يكون حواليكى اطفال كتير يجرو و يلعبو حواليكى

نور غمضت عينيها بحزن و قالت : والله نفسى بس انا عارفه ان لو خلفت هيكون مستهدف من اعدائى و ممكن يقتلو او يخطفو او يعذبوه او او او حاجات كتير و افكار كتير سودا بتيجى ف دماغى بتقولى لو خلفتى ابنك هتكون اخرته تحت رجلين اعدائك تحت  التراب

ادهم اتحرك و قعد بهدوء تحت رجلين نور و قال بحكمه : و مين فينا يا نور مش هتكون اخرته تحت التراب العمر واحد و الرب واحد انا كمان ليا اعداء ف شغلى و ممكن يحصل ان يتغدر بيا ف اى وقت بس مفوض امرى ع الله و عندى يقين ان ما ياخد الروح الا خالقها يبقا ليه اخاف بالعكس انا بعافر ف الدنيا و بدخل ع اعدائى و انا قلبى ميت و مش بيكون فارق معايا هيحصل ايه

طالما ربنا معايا هخاف من عبد سبيها ع الله يا نور و عشان خاطرى احتفظى بالحمل دا و خليه يكمل و يعيش عشان خاطرى يا حبيبتى انا مش قادر اوصفلك انا فرحت قد ايه لما عرفت الخبر بس فرحتى ما كملتش لما سمعت قرارك عشان خاطرى يا نور خليه لو بتحبينى فرحينى بموافقتك ارجوكى