رُغم شتات انكساري

البارت الاول(p1)

أخطأي انَني احببتُك سيَــدي
أم قربُك مني لحُسن سوءِ حظَي
هل انت لصالحي أم لستَ صالحاً لي
أعيناكَ مُلكي أم مُلكاً للجميع
أتُهديني قَلبُكَ في عيدي الثالثَ والعشرونّ
أم تُهدينــي دموعــاً تذيبُ وجنتآي
/
تقول: كان الوحيد الذي جعلني أشعر للمرة الأولى بأن كل طباعي الحادة ، وأفكاري المشوهة ، وهدوئي الذي يشبه هدوء الأشباح، أشياء قابلة للحب..ليست أشياء قابلة للتغيير، بل للحب.. أعطى كل جزء مظلم مني حبًا هائلًا ، منحني شعورًا بأنني مميزة بسبب كل تلك الأمور التي لطالما كرهت أنني أمتلكُها

أنتِ عِشقيَ فيَ الخامِسِ والثَلاثون
/
"عادي اضُمچ بَين أشيائيِ ألاحبهن؟"

"زين عوفينا من عيونچ، أنتِ شايفة روحچ مَن تضحَكين؟"

_____________________________________

ريم: كاعدة بالغرفة والدمعه بطرف عيني الشباك مفتوح والدنيا ليل ومطر خفيف اباوع من الشباك وافكر لو امي عايشة حياتي هم تكون هيج افكر بمستقبلي اكيد ما يخليني ادخل للجامعة وراح تعبي يروح اندفر الباب درت وجهي بخوف دخل بابا

حميد: بنتتت الكلب لييش ضاربه اخووج

ريم: ماضربته جنت اكوي بالملابس اجه يريدني العب وياه كُلتله وخر

حميد: والله صايره ينرادلج تأديب لسانچ طولان بس ما فارغلج

ريم: حطيت عيني بعينه اخذني التفكير للطفولة رجعت للواقع بفزة من ضربة الباب طلع من الغرفة معصب سمعتها تصيح عليه انزل اسويلهم سم كمت غسلت وجهي ونزلت سويتلهم عشه وصبيت وصعدت لغرفتي طلعت كتبي وقريت للامتحان خلصت تحاضيري صارت ب12 نمت كعدت ثاني يوم  كمت غسلت وبدلت لبست ملابس المدرسة ومشطت شعري رفعته اخذت جنطتي ونزلت حطيتها على ميز الطعام اتريكت وطلعت لزمت كتابي اراجع على ما اوصل لبيت سميرة نروح سوة للمدرسة سمعت صوت كلش قوي وراي وهورن كمزت بسرعة شفت ابن جيرانه واگع بالگاع فتحت عيوني هاي اول مرة يمر عليه هيج موقف ابو السياره بس شافني ركب سيارته وشرد ركضت عليه مغمض عيونه كمت اصرخخ ركضت على بيت اهله دكيت الباب بكل قوتي طلعت امه فازعه على دكة الباب من كلتلها طلعت تصرخ وتشلع خدودها بطريقة مُرعبة حقهه منو يبقه براسه عقل وهو يشوف ابنه بهالحالة ركضت هزتني وصرخت بچيت بخوف

: ولججج ابنيييي مااتتت ابنييي راححح منييي

ريم: لا لا مبيه شي
مشيت بسرعة لبيوت جيرانا ادك بالبيبان اغلبهم طلعوا من صوت صراخها اجه رجال شغل سيارته وشال الطفل ركضت وياه صعدت وياها الرجال اخذنا للمستشفى نزلنا المره شايلته وتركض اخذوه منها دخلوه للعمليات كعدت بالكاع تلطم احتاريت شسوي كمت ادعي يطلع سلامات خطيه بعده طفل امه تشيل روحها وتركعها بالكاع راحت خابرت على ابوه اجه يركض شويه وكالو وضعه استقر لان نقلتوه للمستشفى من وقت مرن ساعتين منتضرين اجو اهل الولد وعمامه وصارت هوسه اني انهزمت بروحي وطلعت لباب المستشفى الجو يخبل طلعت اتمشى من يم الشط لان ببساطة انسدت بوجهي من كل الابواب اذا رحت للمدرسة ما يدخلوني واذا رجعت للبيت هناء تطلعلها الف سالفة عليه وصلت يم مطعم عالشط يبيع لفات شاورما وفلافل احس الريحة دخلت بخشمي رحت اشتريت لفه ولبن وكعدت اكل واباوع عالشط والناس والشارع رحت بغير عالم واني احجي ويه روحي