الليلة اموت!!
الليلة اموت الليلة اخر ليلة
الغيم مد ايده اعله راسي والمطر شد حيله
الليلة گطرات العمر ناگوط حب سهران
يمه دخيلج!!!يمه اترجاج!!ضميني بسواد الشيله
الليلة ليله
هد عليه الليل بخيول الظلام منين اجيبن حيل ويرد خيله
حيرتني ضنون موتي،اوف!!نعشي شلون اوصله لباب اهلنه،،
ومن يگابلني عليه ونشيله
الليلة اموت،،،
الليلة گلبي ينام دافي وتندفن وياه حرارة چيلة
الدم ينبع من سراديب الضلوع ويرسم جروحي على الفانيله
وطير من بين الضلوع يطير وتلحگه السَهام وقيس يخسر ليلى...
وگمر سكران اعله ميز اقمار ضيع ليله
تفيض روجات الحسافة وتكسر الشط...
يا سنيني الرايحات وداعة الله انطيني بوسة اموادع الخل الخليله
يا نخل يا عاگر،،احبل
يا نخل ياعاگر،،اطلگ
ضوگ طعم الفاجعة بوتت فسيلة وصيح،
يا هور الحزن تابوت اجاك ويه الگصب بهداي حطه عالجرف،،
(ومحمداوي)من الگلب غنيله
يا مطر؟؟
يا سيل؟؟
اخذني على نهران الحبيب بلكي اصادف صورته وشي باقي منه اثر جدمه عالرمل
واسجد بدمي عالرمل واشكيله
وانزع عيوني براحته وهي العيون معلمة شتبچيله
وتركص الغربان عالجثة الثكيلة ،،،،
يا طيور الليل وديني اعله ناسي
اليموت ،، يشوف،، يسمع،، يلتفت،، ينكسر گلبه
ويعرف اليبچيله!!
_اسماعيل الگاطع،
ما كُنتُ أهوى الدّارَ إلّا بِأهلِها
على الدّارِ بعدَ الراحِلينَ سلامُ
....💔
___________________________________
ريم: حسيت بايد تهز جسمي بقوة قبل لا افتح عيني بلش يخترق اذني مزيج من صرخات وصفير سيارات الشرطة صوت الاسعاف الي خلصت عمري اخافه فتحت عيني واول مافتحتها سمعت صرخات عمري ما انساها تردد
ارقام كل ثانية يصيح رقم گمت واحس الدنيا تفتر بيه وضحت صورة المكان وصورة الدمار حسيت الدمار بروحي مو بالمكان سندت ايدي عالگاع وگمت ادور ؏ خاله وبيبي وسحر وينهن جانن يمشن ورايه وينهن صوت الاسعاف يدب الرهبه بجسمي ارجع لورا ادور عليهن ماجنت اشوف شي بسبب بحيرات الدم الي عالارض صرت اردد بصوت ناصي
خاله ،، بيبي ،، سحر؟!! وينجن وين رحتن عني
صرت اصرخ بعلو صوتي تحول هدوئي الى صرخات تعم المكان لمحت جنطة خاله عالارض ملطخه دم بشكل فضيع باوعت على مكانها چان اخر شي اتمنى اشوفه خاله بس مو خالتي الي اعرفها سابحة بدمها خصلات شعرها الي صابغه الدم باللون الاحمر مشيت بخطوات ميتة ما مصدگة الي اشوفه گدام عيني اخر تفكيري جان هذا حقيقة
أنت تقرأ
رُغم شتات انكساري
Mistério / Suspenseغَزال مُتهالك احتضنتهُ أجنِحةُ نِسرٌ في كتفِ رجُل وَحشٌ غائر شبحٌ مُنتقِم رمى نفسه بين ذراعين يمامةَ سِحرٌ ابيض حَب ليفقد عشِقَ ليخسر حَارب لينهزم شهمٌ شُجاع خُلق مِن القوة خانهُ الوطَن فَ مات على يدِ جبَان ولكُل بطلٍ حكايةَ سيرويها لَنا الزَمن، ي...
